នារសៀលថ្ងៃទី២៦ ខែតុលា នៅរដ្ឋធានីវៀងច័ន្ទន៍ លោក Nguyen Ba Hung ឯកអគ្គរដ្ឋទូតវៀតណាមប្រចាំនៅប្រទេសឡាវ បានផ្តល់ជូនថវិកាក្នុងទឹកប្រាក់ ៥០ លានគីប ដល់ក្រសួងការងារ និងសុខុមាលភាពសង្គមឡាវ ដែលជាថវិកានេះត្រូវបានប្រមូលដោយអាណិកជនវៀតណាមក្នុងបំណងជួយឧបត្ថម្ភប្រជាជនខេត្ត Savannakhet ជំនះពុះពារផលវិបាកដោយសារគ្រោះទឹកជំនន់។
លោក Nguyen Ba Hung បានឲ្យដឹងថា បន្ទាប់ពីប៉ុន្មានថ្ងៃបំផុសកម្មវិធីរៃអង្គាស អាណិកជនវៀតណាមទទួលបានថវិកាក្នុងទឹកប្រាក់ ១៥០ លានគីប។ សហគមន៍ជនជាតិវៀតណាម នៅប្រទេសឡាវ នឹងផ្តល់ថវិកា ១០០ លានគីប ដែលនៅសល់ និងគ្រឿងឧបភោគ បរិភោគជាច្រើនទៀតដល់ប្រជាជនដែលរងគ្រោះដោយទឹកជំនន់នៃស្រុកចំនួន ៨ នៅខេត្ត Savannakhet ។
អាណិកជនវៀតណាមនៅប្រទេសឡាវបានផ្តល់ជំនួយ ៥០ លានគីប ដល់ក្រសួងការងារ និងសុខុមាលភាពសង្គមឡាវ (រូបថត៖ vovworld.vn)
លោក Padeumphone Sonthany អនុរដ្ឋមន្រ្តីក្រសួងការងារ និងសុខុមាលភាពសង្គមឡាវ បានថ្លែងអំណរគុណចំពោះបក្ស រដ្ឋាភិបាល និងប្រជាជនវៀតណាម ដោយតែងតែរួមដំណើរជាមួយប្រជាជនឡាវនៅក្នុងគ្រប់កាលៈទេសៈទោះបីខ្លួនឯងកំពុងរងគ្រោះមហន្តរាយធម្មជាតិយ៉ាងធ្ងន់ធ្ងរជាងប្រទេសឡាវក៏ដោយ./._
(ប្រភពព័ត៌មាន: kh.qdnd.vn,)
មតិពីមិត្តអ្នកអាន