នាថ្ងៃទី ១៧ ខែតុលា ឯកអគ្គរដ្ឋទូតអាមេរិកប្រចាំនៅវៀតណាម លោក Daniel J. Kritenbrink បានប្រកាសផ្តល់កញ្ចប់ជំនួយសម្រាប់ឆ្លើបតបនឹងគ្រោះមហន្តរាយ ដែលមានតម្លៃ ១០០,០០០ ដុល្លារ ដើម្បីឆ្លើយតបនឹងតម្រូវការមនុស្សធម៌បន្ទាន់របស់សហគមន៍ងាយរងគ្រោះមួយចំនួននៅតាមតំបន់ដែលរងផលប៉ះពាល់ធ្ងន់ធ្ងរបំផុតដោយខ្យល់ព្យុ Linfa (ព្យុះលេខ ៦)។
កញ្ចប់ជំនួយនេះនឹងត្រូវបានទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) ជូនទៅកាន់សមាគមកាកបាទក្រហមវៀតណាម។ លោកឯកអគ្គរដ្ឋទូតអាមេរិកប្រចាំនៅវៀតណាមបានចែករំលែកយ៉ាងជ្រាលជ្រៅបំផុតចំពោះប្រជាជនវៀតណាមដែលទទូលរងការបាត់បង់ទាំងអាយុជីវិត ទាំងទ្រព្យសម្បត្តិ និងផ្ទះសម្បែងដោយបណ្តាលមកពីគ្រោះទឹកជំនន់នៅតំបន់ភូមិភាគកណ្តាលវៀតណាម។
កម្ពស់ទឹកទន្លេកើនឡើង ជន់លិចផ្ទះប្រជាពលរដ្ឋ និងផ្លូវថ្នល់ក្នុងសង្កាត់ Dong Thanh ទីក្រុង Dong Ha ខេត្ត Quang Tri (រូបថត៖ vnanet.vn)
បេសកកម្មការទូតអាមេរិកតែងតែប្រកៀកស្មារជាមួយរដ្ឋាភិបាល និងប្រជាជនវៀតណាមនាពេលបច្ចុប្បន្ននេះដោយសន្យាថានឹងជួយវៀតណាមក្នុងការស្តារឡើងវិញក្រោយគ្រោះមហន្តរាតធម្មជាតិ។ លោកឯកអគ្គរដ្ឋទូត Kritenbrink ក៏បានសម្តែងការព្រួយបារម្ភចំពោះជនពិការនៅតាមបណ្តាខេត្តដែលរងផលប៉ះពាល់ដោយព្យុះទីហ្វុង ព្រោះថានេះជាក្រុមងាយរងគ្រោះបំផុតនៅពេលមានគ្រោះមហន្តរាយធម្មជាតិ។
តាមការប៉ាន់ស្មាន នៅតាមបណ្តាខេត្តដែលរងផលប៉ះពាល់ដោយខ្យល់ព្យុះ Linfa មានជនពិការជាង ២ សែននាក់កំពុងរស់នៅ ដែលក្នុងនោះជនពិការចំនួន ៦១ ពាន់នាក់ទទួលរងផលប៉ះពាល់ដោយផ្ទាល់ដោយគ្រោះមហន្តរាយនេះ។ ទីភ្នាក់ងារ USAID នឹងបន្តជួយគាំទ្រដល់កិច្ចខិតខំប្រឹងប្រែងក្នុងការជួយសង្គ្រោះគ្រោះគ្រោះមហន្តរាយរបស់វៀតណាម ហើយក៏កំពុងមានផែនការសម្រាប់ផ្តល់ជំនួយបន្ថែមដែរ./.
(ប្រភពព័ត៌មាន: kh.qdnd.vn)
មតិពីមិត្តអ្នកអាន