យុគសម័យ - គណៈប្រតិភូជាយុវជនវ័យក្មេងជាង ៣០០ នាក់ មកពីបណ្តាប្រទេសអាស៊ីអាគ្នេយ៍ទាំង១០ និងជប៉ុន ដែលចូលរួមក្នុងកម្មវិធី នាវាយុវជនអាស៊ីអាគ្នេយ៍និងជប៉ុន ២០១៩ (SSEAYP) កំពុងចូលចតនៅកំពង់ផែ Tan Cang – Hiep Phuoc (ស្រុក Nha Be) ដើម្បីចូលរួមសកម្មភាពស្វែងយល់អំពីវប្បធម៌ ស្ថានភាពសេដ្ឋកិច្ចនិងសង្គមនៃទីក្រុងហូជីមិញក៏ដូចជាសកម្មភាពផ្លាស់ប្តូរ ផ្សារភ្ជាប់ទំនាក់ទំនងជាមួយសិស្ស និស្សិតនិងប្រជាជននៅទីក្រុងហូជីមិញផងដែរ។
គណៈប្រតិភូបានទទួលការស្វាគមន៍យ៉ាងកក់ក្តៅពីសំណាក់ម្ចាស់ផ្ទះវៀតណាម។ (រូបថត៖ Nguyen Thi Thanh Hang)
នាយប់ថ្ងៃទី ១០ ខែវិច្ឆិកា នៅសាលប្រជុំគណៈកម្មាធិការបក្សទីក្រុងហូជីមិញ កម្មវិធីផ្លាស់ប្តូរវប្បធម៌រវាងប្រតិភូលើកប៉ាល់ SSEAYP និងយុវជនទីក្រុងត្រូវបានប្រារព្ធធ្វើឡើងយ៉ាងមហោឡារិក។
កម្មវិធីនាវាយុវជនអាស៊ីអាគ្នេយ៍ (The Ship for Southeast Asian Youth Program - SSEAYP) គឺជាកម្មវិធីសហប្រតិបត្តិការរវាងរដ្ឋាភិបាលនៃប្រទេសសមាជិកសមាគមប្រជាជាតិអាស៊ីអាគ្នេយ៍ (អាស៊ាន) ទាំង១០ និងរដ្ឋាភិបាលជប៉ុន ដើម្បីបង្កើនទំនាក់ទំនងមិត្តភាពរវាងយុវជននៃបណ្តាប្រទេសអាស៊ាននិងជប៉ុន។
នាវាយុវជនអាស៊ីអាគ្នេយ៍និងជប៉ុន Nippon Maru បានចេញដំណើរពីប្រទេសជប៉ុននៅថ្ងៃទី ៣ ខែវិច្ឆិកា ដោយមានការចូលរួមពីប្រតិភូយុវជនចំនួន ៣២៨ នាក់ មកពីបណ្តាប្រទេសអាស៊ាននិងជប៉ុន ក្នុងនោះមានយុវជនវៀតណាមចំនួន ២៩ នាក់។
សូមគូសបញ្ជាក់ថា ចាប់តាំងពីឆ្នាំ ១៩៩៦មក មានយុវជនចំនួន ១២.០០០ នាក់ មកពីអាស៊ាននិងជប៉ុនបានចូលរួម SSEYAP ដែលក្នុងនោះ យុវជនវៀតណាមមានប្រមាណ ៧០០ នាក់ បានចូលរួមក្នុងដំណើរនេះផងដែរ។ នៅឆ្នាំនេះ SSEYAP បានដឹកនាំយុវជនមកពីបណ្តាប្រទេសអាស៊ាននិងជប៉ុនផ្លាស់ប្តូរសកម្មភាពនិងចែករំលែកបទពិសោធន៍នៃសកម្មភាពយុវជន។ ជាពិសេស ណែនាំអោយយុវជនស្គាល់នូវបំណិននៃការប្រាស្រ័យ ភាពជាអ្នកដឹកនាំ បទប្បញ្ញត្តិទូទៅនៃច្បាប់ទំនាក់ទំនងអន្តរជាតិ ជាដើម។
ពិធីជូនដំណើរនាវានឹងប្រព្រឹត្តទៅនៅរសៀលថ្ងៃទី ១៣ ខែវិច្ឆិកា នៅកំពង់ផែ Tan Cang Hiep Phuoc ឃុំ Long Thoi ស្រុក Nha Be ទីក្រុងហូជីមិញ៕
（ប្រែសម្រូលដោយវិច្ឆិកា）
មតិពីមិត្តអ្នកអាន