យុគសម័យ - ទោះបីជាអត្រានៃការស្តារឡើងវិញនូវករណីនៃ Covid-19 នៅអាស៊ីអាគ្នេយ៍កំពុងតែកើនឡើងក៏ដោយក៏អ្នកជំនាញផ្នែកសុខភាពពិភពលោកបានឲ្យដឹងថាបណ្តាប្រទេសក្នុងតំបន់នៅតែអាចរៀនបទពិសោធន៍បន្ថែមទៀតក្នុងការគ្រប់គ្រងជំងឺរាតត្បាតរបស់ប្រទេសចិន។
មន្ទីរពេទ្យវាលត្រូវបានសាងសង់យ៉ាងរហ័សដើម្បីបម្រើអ្នកជំងឺ Covid-19 នៅក្នុងប្រទេសចិន។
គិតត្រឹមថ្ងៃទី ៥ ខែមីនា ប្រទេសអាស៊ានដូចជា កម្ពុជា ថៃ ម៉ាឡេស៊ី ហ្វីលីពីន ឥណ្ឌូនេស៊ី សិង្ហបុរី និងវៀតណាម មានករណីឆ្លងវីរុស SARS-CoV-2 ចំនួន ២២៩ ករណី។ ជាពិសេសប្រទេសសឹង្ហបូរីមាន ៧៨/១១០ ករណីនៃការស្តារឡើងវិញ ប្រទេសថៃមាន ៣១/៤៣ ករណី ខណៈនៅវៀតណាម ១៦/១៦ ករណីនៃការឆ្លងវីរុសកូរ៉ូណាត្រូវបានស្តារឡើងវិញនិងបានចេញពីមន្ទីរពេទ្យ។
យោងតាមលោក Jacqueline Lo Ying-Ru ប្រធានបេសកកម្មនិងតំណាងអង្គការសុខភាពពិភពលោក (WHO) ប្រចាំនៅប្រទេសម៉ាឡេស៊ី ប្រ៊ុយណេ និងសិង្ហបុរី ការសម្របសម្រួលនិងការគ្រប់គ្រងអភិបាលកិច្ច របស់ប្រទេសចិនអាចត្រូវបានអនុវត្តនៅអាស៊ីអាគ្នេយ៍ប៉ុន្តែស្ថិតក្នុងកំរិតតូចជាង។
លោក Khor Swee Kheng អ្នកជំនាញផ្នែកសុខភាពសកលនៃសាកលវិទ្យាល័យ Oxford បានយល់ស្របថាអាស៊ានអាចរៀនសូត្រពីការអនុវត្តប្រកបដោយប្រសិទ្ធភាពរបស់ចិនក្នុង “ការកៀងគររដ្ឋបាល ហិរញ្ញវត្ថុ មនុស្សនិងឆន្ទៈនយោបាយ” ។ ឆន្ទៈនយោបាយរឹងមាំក៏នាំទៅរកការសម្រេចចិត្តរហ័សដែរ។
ទោះយ៉ាងណានៅពេលចុងបញ្ចប់នៃការរីករាលដាលនៃ Covid-19 បានបញ្ចប់ លោក Khor បានឲ្យដឹងថាអាស៊ាននិងចិនចាំបាច់ត្រូវកោះប្រជុំរួមគ្នាស្តីពីសន្តិសុខសុខភាពដើម្បីពិនិត្យមើលមេរៀនដែលទទួលបានពីកិច្ចការបង្ការប្រឆាំងនឹង Covid-19 ដើម្បីត្រៀមសំរាប់ជំងឺដែលអាចកើតមាននាពេលអនាគត៕
（ប្រែសម្រូលដោយវិច្ឆិកា）
មតិពីមិត្តអ្នកអាន