យុគសម័យ - អ្នកប្រាជ្ញឥណ្ឌូនេស៊ីលើកឡើងពីផលប៉ះពាល់សេដ្ឋកិច្ចរបស់ជំងឺកូវីដ១៩ (Covid-19) មកលើប្រទេសវៀតណាម ព្រមទាំងយុទ្ធសាស្ត្រសេដ្ឋកិច្ចរបស់វៀតណាមក្នុងការឆ្លើយតបនឹងផលប៉ះពាល់នៃការរាតត្បាតជំងឺឆ្លងនេះផងដែរ។
អត្ថបទសរសេរដោយលោក Agus Marwan នៅកាសែត Kontan ប្រទេសឥណ្ឌូនេស៊ី (រូបថត៖ vov)
ជោគជ័យរបស់វៀតណាមមុនពេលជំងឺរាតត្បាតកូវីដ១៩ផ្ទុះឡើង បានបណ្តាលឱ្យវិនិយោគិនបរទេសចាត់ទុកវៀតណាមជាប្រទេសយុទ្ធសាស្ត្រក្នុងការវិនិយោគ។ នោះគឺជាការវាយតម្លៃរបស់លោក Agus Marwan អគ្គលេខាធិការវេទិកាអក្សរសាស្ត្រឥណ្ឌូណេស៊ីក្នុងអត្ថបទក្រោមចំណងជើងថា “រូបមន្តនៃវិស័យសេដ្ឋកិច្ចវៀតណាមមុនពេលមានការរីករាលដាលជំងឺឆ្លងសកល”។
ក្នុងអត្ថបទនេះ លោក Agus Marwan បានលើកឡើងអំពីផលប៉ះពាល់លើសេដ្ឋកិច្ចដោយសារជំងឺកូវីដ១៩មកលើប្រទេស វៀតណាម ហើយព្រមទាំងលើកយកយុទ្ធសាស្ត្រសេដ្ឋកិច្ចរបស់ វៀតណាមក្នុងការដោះស្រាយផលប៉ះពាល់នៃការរាតត្បាតសកលនេះក៏ដូចជាអនាគតនៃវិស័យសេដ្ឋកិច្ចរបស់ប្រទេសវៀតណាមក្រោយពីជំងឺរាតត្បាតដ៏៏កាចសាវនេះផងដែរ។
លោកក៏បន្ថែមទៀតថាវៀតណាមបានក្លាយជាប្រទេសមួយដែលទទួលបានជោគជ័យក្នុងការប្រយុទ្ធប្រឆាំងនឹងជំងឺរាតត្បាតនេះ ដោយគ្មានករណីឆ្លងជំងឺកូវីដ១៩ណាមួយបានបាត់បង់ជីវិតនោះឡើយ។ លើកពីនេះទៅទៀត លោក Agus Marwan បានវាយតម្លៃថាក្នុងស្ថានភាពនៃជំងឺរាតត្បាតនាពេលបច្ចុប្បន្ននេះ វៀតណាមនៅតែជាប្រទេសដែលមានអត្រាកំណើនសេដ្ឋកិច្ចខ្ពស់បំផុតនៅអាស៊ីអាគ្នេយ៍ ហើយអនាគតនៃសេដ្ឋកិច្ចវៀតណាមនឹងនាំមកនូវលទ្ធផលប្រកបដោយផ្លែផ្កាពុំជាខានឡើយ៕
(បកប្រែដោយ ហេងវុធ្ធី)
(ប្រភពព័ត៌មាន: vov.vn)
មតិពីមិត្តអ្នកអាន