យុគសម័យ - ស្ថានីយ៍ទូរទស្សន៍ហិរញ្ញវត្ថុ សេដ្ឋកិច្ចនិងធុរកិច្ចរបស់ សហរដ្ឋអាមេរិក - CNBC បានផ្សព្វផ្សាយរបាយការណ៍ស្តីពីការគ្រប់គ្រងលើរោគរាតត្បាត Covid-19 របស់វៀតណាម។
ប្រទេសវៀតណាមមិនមានអ្នកស្លាប់ដោយសារជំងឺ Covid-19 (រូបថត៖ CNBC)
យោងតាមស្ថានីយ៍ទូរទស្សន៍នេះ វិធានការបង្ការគួរឱ្យចាប់អារម្មណ៍បានរួមចំណែកពន្យល់ពីមូលហេតុដែលវៀតណាមមិនមានអ្នកស្លាប់ ដោយសារជំងឺ Covid-19 ។
តួលេខគួរឱ្យចាប់អារម្មណ៍
រឿងគួរឱ្យចាប់អារម្មណ៍មួយនៅប្រទេសវៀតណាមដែលជាព្រឹត្តិការណ៍មួយនៅថ្ងៃទី ១៨ ខែមីនាឆ្នាំ ២០២០ នៅពេលដែលអ្នកបើកយន្តហោះជនជាតិអង់គ្លេសឈ្មោះ Stephen Cameron អាយុ ៤៣ ឆ្នាំត្រូវបានគេធ្វើរោគវិនិច្ឆ័យថា មាន Covid-19 ។ ភ្លាមៗនោះគាត់ត្រូវបានបញ្ជូនទៅមន្ទីរពេទ្យ នៅទីក្រុង Ho Chi Minh ។ នៅពេលនោះ លោក Stephen Cameron ត្រូវបានគេកំណត់ថាជាករណីដ៏ផ្ទុកជំងឺ Covid-19 ប្រកបដោយធ្ងន់ធ្ងរបំផុត នៅ ប្រទេសវៀតណាម។ នៅពេលនោះករណីរបស់អ្នកបើកយន្តហោះអង់គ្លេសបានទាក់ទាញការយកចិត្តទុកដាក់គួរឱ្យកត់សម្គាល់សម្រាប់ប្រជាជនវៀតណាម។
នៅពេលដឹងថា សួតរបស់លោក Stephen Cameron រងរបួសធ្ងន់ប្រជាជនវៀតណាមជាង ៥០ នាក់បានស្ម័គ្រចិត្តបរិច្ចាគសួតរបស់ពួកគេ។ អ្នកជំនាញផ្នែកសុខភាពនៅទូទាំងប្រទេសចូលរួមក្នុងការជួយសង្គ្រោះអ្នកបើកយន្តហោះអង់គ្លេស។ រដ្ឋាភិបាលវៀតណាមបានចំណាយប្រាក់ជាង ២០ ម៉ឺនដុល្លារអាមេរិកដើម្បីព្យាបាលលោក Stephen Cameron ។ បន្ទាប់ពីការ ខិតខំប្រឹងប្រែងរាប់មិនអស់ នៅទីបំផុតអ្នកបើកយន្តហោះអង់គ្លេសបានជាសះស្បើយនិងបានវិលត្រឡប់ទៅស្រុកកំណើតវិញ។
យោងតាមព័ត៌មានរបស់ CNBC ដែលប្រមូលបានពីប្រភពជាច្រើនដែលបានអោយដឹងថា លោក Stephen Cameron គឺជាអ្នកជំងឺម្នាក់ក្នុងចំណោមអ្នកជម្ងឺដែលឆ្លងជំងឺ Covid-19 ជាច្រើននាក់ដែលត្រូវបានព្យាបាលនៅប្រទេសវៀតណាម។ មិនមានអ្នកស្លាប់ដោយសារជំងឺរាតត្បាត Covid-19 ទេ។ នេះគឺជាតួលេខគួរឱ្យចាប់អារម្មណ៍មួយមិនត្រឹមតែនៅអាស៊ីអាគ្នេយ៍ប៉ុណ្ណោះទេថែមទាំងធ្វើអោយប្រទេសដែលមានសេដ្ឋកិច្ចអភិវឌ្ឍន៍នៅលើពិភពលោកកោតសរសើរនិងរៀនសូត្រទៀតផង។
ប្រតិកម្មយ៉ាងឆាប់រហ័ស
អ្នកឆ្លើយឆ្លងព័ត៌មានរបស់ស្ថានីយទូរទស្សន៍ CNBC លោក Timothyna Duncan បាននិយាយថានៅពេលគាត់បានដឹងអំពីវីរុសរលាកសួតរបស់ចិន ដែលបានលេចចេញនៅវៀតណាមរដ្ឋាភិបាលវៀតណាមបានប្រុងប្រយ័ត្នដ៏ខ្ពស់។ ប្រទេសវៀតណាមមានការព្រួយបារម្ភយ៉ាងខ្លាំងអំពីសេណារីយ៉ូនៃករណី Covid-19 រាប់ពាន់នាក់ នៅក្នុងប្រទេសនេះ ហើយមើលឃើញថាការប្រយុទ្ធប្រឆាំងនឹងការរាតត្បាតគឺជាសង្គ្រាមពិត។
រដ្ឋាភិបាលនៃប្រទេសវៀតណាមបានខិតខំប្រឹងប្រែងប្រឆាំងនឹងការរីករាលដាលដោយបែងចែកវាទៅជាដំណាក់កាលជាច្រើន។ ចាប់ពីថ្ងៃទី ១០ ខែតុលា មុនពេលដែលប្រទេសវៀតណាមបានកត់ត្រាករណីផ្ទុកជំងឺ Covid-19 លើកដំបូង នៅថ្ងៃទី ២៣ ខែមករា ប្រទេសវៀតណាមបានចាប់ផ្តើមត្រួតពិនិត្យយ៉ាងតឹងរឹងលើអ្នកដំណើរពីវូហាន (ចិន) ។ ភ្ញៀវទេសចរដែលសង្ស័យថាឆ្លងនឹងដាក់នៅកន្លែងដាច់ដោយឡែក។ នៅពេលនោះរដ្ឋាភិបាលវៀតណាមក៏បានស្នើឱ្យប្រជាជនពាក់ម៉ាស ដើម្បីកាត់បន្ថយហានិភ័យនៃការឆ្លងជំងឺ។ ប្រតិកម្មនេះបានអនុវត្តមុនការព្រមាន របស់អង្គការសុខភាពពិភពលោក (WHO) ។
លោកស្រី Ngoc Pham និងមិត្តភក្តិរបស់លោកស្រី Kevin Moulié រស់នៅទីក្រុង Ho Chi Minh បានចែករំលែកថា មុនពេលដែលមានករណីឆ្លងដំបូង ប្រជាជនវៀតណាមមានការព្រួយបារម្ភយ៉ាងខ្លាំង។ រដ្ឋាភិបាលវៀតណាមបានជូនដំណឹងដល់ប្រជាជនអំពីស្ថានភាពជំងឺនៅប្រទេសចិន ពីមុននេះ។ ដោយចងចាំនូវការរីករាលដាលនៃជំងឺ SARS ដែលបានកើតឡើង ពីច្រើនឆ្នាំកន្លងមក មនុស្សគ្រប់គ្នាបានយល់ពីផលវិបាកនៃជំងឺនេះ។ នៅថ្ងៃទី ១ ខែកុម្ភៈវៀតណាមគឺជាប្រទេសមួយក្នុងចំណោមប្រទេសដំបូងគេដែលផ្អាកជើងហោះហើរទាក់ទងនឹងប្រទេសចិននិងបិទព្រំដែនទៅប្រទេសនេះ។ អ្នកឆ្លើយឆ្លងព័ត៌មាន Timothyna Duncan បានបន្ថែមថា ដំណាក់កាលបន្ទាប់នៅក្នុងការប្រយុទ្ធនឹងជំងឺ Covid-19 ប្រទេសវៀតណាមបង្កើនការធ្វើតេស្តិ៍រកឃើញជំងឺនេះ ឃោសនានិងផ្សព្វផ្សាយជាមួយសាធារណជននិងលើកកម្ពស់វិធានការដាក់ឲ្យនៅដាច់ដោយឡែក ។ ចាប់ពីខែមករាដល់ខែឧសភា ប្រទេសវៀតណាមបានបង្កើនចំនួនកន្លែងធ្វើតេស្តពី ២ ដល់ ៦៣ កន្លែង ដើម្បីធ្វើតេស្តចំនួន ២៦០.០០០ ករណី ។ អ្នកដែលមានភាពវិជ្ជមានចំពោះ Covid-19 និងអ្នកដែលទាក់ទងពួកគេបានដាក់ឲ្យនៅដាច់ឆ្ងាយពីគ្នា នៅក្នុងបន្ទាយយោធា មន្ទីរពេទ្យបណ្តោះអាសន្ននិងសាកលវិទ្យាល័យ។
ទោះបីជាមានវិធានការជាច្រើនត្រូវបានអនុវត្ត តាំងពីដំបូងក៏ដោយប្រទេសវៀតណាមបានកត់ត្រាករណីជាច្រើនទៀត។ ដូច្នេះរដ្ឋាភិបាលនៃប្រទេសរបស់យើងបានអនុវត្តវិធានការណ៍រក្សារគម្លាតសង្គម។ គិតត្រឹមថ្ងៃទី ១ ខែមីនា មនុស្សប្រមាណ ២០០.០០០ នាក់បានដាច់ឆ្ងាយពីគេ នាថ្ងៃទី ២០ ខែមករាក្រសួងសុខាភិបាលវៀតណាមបានដឹកនាំមន្ទីរពេទ្យចំនួន ២២ ព្យាបាលអ្នកជំងឺ Covid-19 ។ ឥឡូវនេះប្រទេសវៀតណាមហាក់ដូចជាបានសារឡើងវិញ ដោយល្បឿនលឿនជាងប្រទេសជិតខាងនិងជាប្រទេសមួយក្នុងចំណោមប្រទេសដំបូងដែលបន្ធូរបន្ថយវិធានការរក្សាគម្លាតសង្គមនិងស្តារខឿនសេដ្ឋកិច្ចឡើងវិញ./.
（បកប្រែដោយឌីណា）
មតិពីមិត្តអ្នកអាន