យុគសម័យ - អត្ថបទជាច្រើននៃប្រព័ន្ធផ្សព្វផ្សាយអន្តរជាតិបានលើកឡើងពីវិធានការណ៍ឆ្លើយតបនឹងជំងឺរាតត្បាតសកល COVID-19 របស់វៀតណាម ព្រមជាមួយគ្នានេះសង្កត់ធ្ងន់លើការជោគជ័យ “គួរឱ្យភ្ញាក់ផ្អើល” នៃវិធានការណ៍ទាំងនេះ។
វិទ្យុ Sputnik (ប្រទេសរុស្ស៊ី) នាថ្ងៃទី ២៥ ខែមេសា បានរាយអត្ថបទខ្លះៗរបស់ប្រព័ន្ធផ្សព្វផ្សាយអន្តរជាតិ ដែលបានវាយតម្លៃខ្ពស់ចំពោះវិធានការរបស់វៀតណាមក្នុងការប្រយុទ្ធប្រឆាំងនឹងជំងឺរាតត្បាតរលាកផ្លូវដង្ហើមស្រួចស្រាវ COVID-19។
យោងតាមវិទ្យុ Sputnik បានជូនដំណឹងថា ប្រធានបទសំខាន់នៅក្នុងអត្ថបទ រួមទាំងព័ត៌មានអំពីវៀតណាមនៅលើប្រព័ន្ធផ្សព្វផ្សាយរុស្ស៊ីនិងបរទេសគឺជាការវិភាគគន្លឹះសម្ងាត់នៃការជោគជ័យរបស់វៀតណាម។
អត្ថបទនៅក្នុងកាសែត Los Angeles Times
ក្នុងនោះ កាសែត Los Angeles Times (សហរដ្ឋអាមេរិក) បានបញ្ជាក់ថា “វៀតណាមគឺជាកន្លែងភ្លឺដ៏កម្រនិងគួរឱ្យភ្ញាក់ផ្អើលក្នុងបរិបទនៃជំងឺរាតត្បាតសកល COVID-19។
កាសែតអាមេរិកបានវាយតម្លៃពីប្រសិទ្ធភាពនៃជំហានដំបូងនិងប្តេជ្ញា ដែលវៀតណាមបានអនុវត្តដូចជា ហាមឃាត់ស្ទើរតែរាល់ការធ្វើដំណើរពីចិន; បិទសាលារៀននៅចុងខែមករា; ដាក់នៅដាច់ដៅយឡែកមនុស្សរាប់ពាន់នាក់និងតាមដានការប៉ះរបស់អ្នកជំងឺឆ្លង SARS-CoV-2 ជាមួយអ្នកដទៃ។
កាសែត Marketplace បានឱ្យដឹងថា យន្តការសន្តិសុខដ៏រឹងមាំនៅវៀតណាមនិងប្រព័ន្ធអាជ្ញាធរមូលដ្ឋានមានប្រសិទ្ធភាពត្រូវបានកៀគរដើម្បីធានាការផ្តល់ព័ត៌មានភ្លាមៗអំពីស្ថានភាពជំងឺរាតត្បាតនិងការដាក់នៅដាច់ដៅយឡែកនៅគ្រប់ទីកន្លែងចាំបាច់។
អត្ថបទក្នុងកាសែតនេះបានសង្កត់ធ្ងន់ថា៖ ជំនួសឱ្យការអនុវត្តការតេស្តទ្រង់ទ្រាយធំដូចជាកូរ៉េខាងត្បូងឬអាឡឺម៉ង់ វៀតណាមបានជ្រើសរើសយកវិធីសាស្ត្រ សមស្របសម្រាប់ថវិកាដើម្បីបង្កាតទប់ស្កាត់នឹងជំងឺរាតត្បាតសកលនេះ។
យោងតាមអត្ថបទនេះ មានកត្តាជាច្រើនដែលរួមចំណែកដល់ជោគជ័យរបស់រដ្ឋាភិបាលវៀតណាម៖ បទប្បញ្ញត្តិស្តីពីការណែនាំវេជ្ជសាស្ត្ររួមមាន ការធ្វើតេស្តិ៍និងសីតុណ្ហភាពរាងកាយ បង្កើតឧបករណ៍ធ្វើតេស្តរហ័សនិងមានប្រសិទ្ធភាពដោយខ្លួនឯង; អនុវត្តការដាក់នៅដាច់ដោយឡែកក្នុងរយៈពេល ១៤ ថ្ងៃចាប់ពីពាក់កណ្តាលខែកុម្ភៈសម្រាប់ពលរដ្ឋវៀតណាមនិងជនបរទេសដែលបានចូលមក; សម្របសម្រួលការឃោសនាយ៉ាងឆាប់រហ័សរវាងរដ្ឋាភិបាលនិងពលរដ្ឋតាមរយៈប្រព័ន្ធផ្សព្វផ្សាយ បណ្តាញសង្គម និងប័ណ្ណប្រកាសស្តីពីចំណេះដឹងអំពីអនាម័យនិងបង្ការទប់ស្កាត់នឹងជំងឺរាតត្បាត។
អត្ថបទនេះបានបញ្ជាក់ថា នៅក្នុងបរិបទដែលការឆ្លងរាលដាលនៃជំងឺរាតត្បាត COVID-19 នៅក្នុងបណ្តាប្រទេសកំពុងអភិវឌ្ឍន៍ គំរូប្រឆាំងនឹងជំងឺរាតត្បាតរបស់វៀតណាមបានផ្តល់មេរៀនសំខាន់ៗជាច្រើន។
ចែករំលែកទស្សនៈលើបទពិសោធដោយជោគជ័យក្នុងការប្រឆាំងនឹងជំងឺរាតត្បាត COVID-19 របស់វៀតណាម កាសែត Kommersant (អាជីវករ) បានកត់សម្គាល់ការសម្រេចចិត្តបែងចែកមូលដ្ឋានចំនួន ៦៣ របស់ប្រទេសជាតំបន់ជាច្រើនដោយមានអត្រាគំរាមកំហែង SARS-CoV ។ -២ នៅកំរិតខ្ពស់ មធ្យមនិងទាប ពីទីនោះមានវិធានការណ៍ដែលត្រូវគ្នាអំពីការរក្សាគំលាតសង្គម។
អត្ថបទនេះបញ្ជាក់ពីកត្តាសំខាន់បន្ថែមទៀតគឺ ការដឹកនាំរបស់បក្សកុម្មុយនិស្តវៀតណាមក្នុងការអំពាវនាវឱ្យប្រជាជនរួបរួមគ្នានិងកំណត់លក្ខណៈវិនិច្ឆ័យយល់ដឹងពិសេសគឺចាត់ទុកការប្រយុទ្ធប្រឆាំងនឹងជំងឺរាតត្បាតដូចជាការប្រយុទ្ធប្រឆាំងនឹងសត្រូវ៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន