យុគសម័យ - កាសែតបារាំង L'Obs បានចុះផ្សាយអត្ថបទមួយដោយកោតសរសើរចំពោះកិច្ចការបង្ការប្រឆាំងនឹងជំងឺរាតត្បាតរលាកផ្លូវដង្ហើមស្រួចស្រាវ COVID-19 របស់វៀតណាម ដែលក្នុងនេះបានអះអាងថា “វៀតណាមគឺជាប្រទេសគួរឲ្យកោតសរសើរ” ក្នុងការប្រយុទ្ធប្រឆាំងនឹង COVID-19។
យកគំរូសតេស្តសម្រាប់មន្រ្តី ក្រុមគ្រូពេទ្យនៅមន្ទីរពេទ្ Bach Mai (របថត៖ TTXVN)
អ្នកនិពន្ធអត្ថបទនេះជាជនជាតិបារាំងម្នាក់ដែលកំពុងរស់នៅក្នុងវៀតណាម គាត់បានសង្កត់ធ្ងន់ថា វៀតណាមគឺជាប្រទេសកំពុងអភិវឌ្ឍន៍ដែលមានប្រជាជនចំនួន ៩៣ លាននាក់ ហើយទើបតែបានចេញផុតពីសង្គ្រាមជិតក្នុងរយៈពេល ៥០ ឆ្នាំមក ហើយពួកគេកំពុងអនុវត្តវិធានការសាមញ្ញតែហ្មត់ចត់ដើម្បីគ្រប់គ្រងការឆ្លងរាលដាលនៃវីរុស SARS-CoV-2 ហើយរហូតមកដល់ពេលនេះ មិនមានករណីណាមួយស្លាប់ដោយសារ COVID-19 ទេ។អត្ថបទនេះបានរំលឹកឡើងវិញនូវវិធានការណ៍នានាដែលវៀតណាមបានអនុវត្តដូចជា៖ ការដាក់ឲ្យដាច់ដោយឡែក និងព្យាបាលអ្នកឆ្លង COVID-19 នៅក្នុងមន្ទីរពេទ្យដែលបានកំណត់ ការធ្វើតេស្តិ៍និងកំណត់ករណីដែលមានហានិភ័យខ្ពស់ ហើយយកទៅដាក់នៅដាច់ដោយឡែកក្នុងរយៈពេល ១៤ ថ្ងៃនៅក្នុងបន្ទាយទាហាន ឬមូលដ្ឋាននានារបស់រដ្ឋ។ ចំពោះមនុស្សផ្សេងៗទៀត គេត្រូវបានណែនាំឲ្យនៅក្នុងផ្ទះ។
អ្នកនិពន្ធអត្ថបទនេះបានលើកកំពស់សកម្មភាពសមូហភាព និងការទទួលខុសត្រូវក្នុងការប្រយុទ្ធប្រឆាំងនឹងជំងឺរាតត្បាតនៅវៀតណាម ដូចជាប្រជាជនគ្រប់រូបត្រូវពាក់ម៉ាស់។ កម្លាំងមានសមត្ថកិច្ចរបស់វៀតណាមក៏តែងតែរួមដំណើរជាមួយប្រជាជន។ ខ័ណ្ឌៗទាំងអស់ផ្សព្វផ្សាយសេចក្តីណែនាំអំពីការបង្ការទប់ស្កាត់តាមរយៈឧបករណ៍បំពងសម្លេង។ ប្រជាជនទាំងមូលទទួលបានសារទូរស័ព្ទស្ទើរតែរាល់ថ្ងៃ ដោយមានការណែនាំ ឬសេចក្តីជូនដំណឹងស្វែងរកមនុស្សដែលមានហានិភ័យ។ យោងតាមអ្នកនិពន្ធនេះ សកម្មភាពសមូហភាព និងមានការទទួលខុសត្រូវគឺជាដំណោះស្រាយដ៏ទូលំទូលាយសម្រាប់ការប្រយុទ្ធប្រឆាំងនឹងការឆ្លងរាលដាលនៃជំងឺរាតត្បាត។
អត្ថបទបានគូសបញ្ជាក់ថា វៀតណាមគឺជាប្រទេសដែលមានខឿនសេដ្ឋកិច្ចមិនសូវខ្លាំងនោះទេដោយមានហេដ្ឋារចនាសម្ព័ន្ធមិនទំនើបទាំងស្រុង ប៉ុន្តែវៀតណាមបានគ្រប់គ្រងជំងឺរាតត្បាតសកល COVID-19 យ៉ាងល្អិតល្អន់ ដោយបង្ហាញពីតួនាទីការពាររបស់រដ្ឋចំពោះប្រជាជន។ អ្នកនិពន្ធអត្ថបទបានឲ្យដឹងថា “រដ្ឋាភិបាលបានទប់ស្កាត់វីរុស SARS-CoV-2 តាមរបៀបមួយប្រកបដោយមនុស្សធម៌ និងអនុវត្តជាជំហានៗ”៕(ប្រែសម្រូលដោយសាមេត)
(ប្រភពព័ត៌មាន: baotintuc.vn)
មតិពីមិត្តអ្នកអាន