យុគសម័យ - ក្រុមហ៊ុនសាជីវកម្មអន្តរជាតិហង្ស (Phoenix Group) ទើបបានទទួលប័ណ្ណសរសើរពី នាយករដ្ឋមន្រ្តីវៀតណាម និងរាជរដ្ឋាភិបាលនៃព្រះរាជាណាចក្រកម្ពុជា រួមទាំងគណៈកម្មាធិការមជ្ឈិមរណសិរ្សមាតុភូមិវៀតណាម ក្រសួងនគរបាលនិងស្ថាប័ននានាដែលប្រគល់ជូនដោយសារការរួមចំណែកយ៉ាងសកម្មក្នុងវិស័យជាច្រើន។
លេខាគណៈកម្មាធិការបក្សខេត្ត Bac Ninh លោក Nguyen Nhan Chien ប្រគល់ជូន លោក Nguyen Van Hung - ប្រធានក្រុមប្រឹក្សាភិបាល Phoenix Group។
នារសៀលថ្ងៃទី ៣ ខែមករា នៅស្រុក Moc Chau ខេត្ត Son La ក្រុមហ៊ុនសារជីវកម្មអន្តរជាតិហង្ស បានរៀបចំពិធីទទួលប័ណ្ណសរសើរពីលោកនាយករដ្ឋមន្រ្តីវៀតណាម និងរង្វាន់ដ៏ថ្លៃថ្នូពីរាជ រដ្ឋាភិបាលនៃព្រះរាជាណាចក្រកម្ពុជា គណៈកម្មាធិការមជ្ឈិមរណសិរ្សមាតុភូមិវៀតណាម រួមទាំងពីក្រសួងនគរបាលនិងស្ថាប័ននានានៅមូលដ្ឋានបានប្រគល់ជូនផងដែរ។ អញ្ជើញចូលរួមក្នុងពិធីមានវត្តមានរបស់ ឯកអគ្គរាជទូតកម្ពុជាប្រចាំនៅវៀតណាម លោក ឆាយណាវុធ និងលេខាគណៈកម្មាធិការបក្សខេត្ត Bac Ninh លោក Nguyen Nhan Chien រួមទាំងថ្នាក់ដឹកនាំមួយចំនួនទៀតផងដែរ។
ក្នុងឆ្នាំ ២០១៩ Phoenix Group បន្តមានការអភិវឌ្ឍន៍យ៉ាងខ្លាំងក្លាក្នុងអាជីវកម្មដោយបញ្ជាក់ពីតម្លៃនៃពាណិជ្ជសញ្ញា Phoenix Group នៅទីផ្សារក្នុងស្រុកនិងអន្តរជាតិលើវិស័យជាច្រើន ដើម្បីរួមចំណែកជាវិជ្ជមានដល់ការអភិវឌ្ឍន៍អាជីវកម្ម។ ក្រៅពីនោះ លទ្ធផលអាជីវកម្មរបស់ Phoenix Group តែងតែផ្តោតលើកិច្ចការសុខុមាលភាពសង្គម ហើយចាត់ទុកនេះគឺជាការងារសំខាន់ស្របជាមួយភារកិច្ចអភិវឌ្ឍន៍។ រីឯនាឆ្នាំ ២០១៩ Phoenix Group បានរួមវិភាគទានទឹកប្រាក់រាប់ពាន់លានដុងដល់ការងារនេះដោយផ្តោតសំខាន់លើការជួយឧបត្ថម្ភជនក្រីក្រនិងកសាងជនបទ ថ្មីជាដើម។
ឯកអគ្គរាជទូតនៃព្រះរាជាណាចក្រកម្ពុជា លោក ឆាយណាវុធ ក្នុងនាមរាជរដ្ឋាភិបាលកម្ពុជាក៏បានប្រគល់ប័ណ្ណសរសើរជូនដល់ប្រធានក្រុមប្រឹក្សាភិបាលលោក Nguyen Van Hung និង អគ្គនាយក Phoenix Group លោក Nguyen Quoc Khanh។
Phoenix Group ក៏ជាអង្គភាពផ្តល់ជំនួយឧបត្ថម្ភយ៉ាងសកម្មក្នុងសកម្មភាពការទូតរបស់ប្រជាជននៃសមាគមមិត្តភាពវៀតណាម - កម្ពុជា សមាគមមិត្តភាពវៀតណាម - ចិន តាមរយៈសម្ព័ន្ធសមាគមមិត្តភាពវៀតណាម ព្រមទាំងជួយជ្រោមជ្រែងដល់និស្សិតកម្ពុជានិងឡាវដែលកំពុងសិក្សានៅប្រទេសវៀតណាមជាដើមផងដែរ។ ជាមួយនឹងសមិទ្ធិផលដែលបានពោលខាងលើនេះនាឆ្នាំ ២០១៩ Phoenix Group ទទួលបានការលើកសរសើរនិងរង្វាន់ដ៏ថ្លៃថ្នូពីនាយករដ្ឋមន្រ្តីវៀតណាម និងរាជរដ្ឋាភិបាលនៃព្រះរាជាណាចក្រកម្ពុជា ក៏ដូចជាពីក្រសួងស្ថាប័ននិងមូលដ្ឋានជាច្រើនទៀតផង។
លោកឧត្តមសេនីយ៍ត្រី Bui Minh Giam អញ្ជើញប្រគល់ប័ណ្ណសរសើរជូនសមូហភាពនិងបុគ្គលជំនួន ៦នាក់នៃPhoenix Group
នៅឯក្នុងពិធីនេះ ក្រោមការអនុញ្ញាតពីនាយករដ្ឋមន្រ្តីវៀតណាម លេខាគណៈកម្មាធិការបក្សខេត្ត Bac Ninh លោក Nguyen Nhan Chien បានអញ្ជើញប្រគល់ប័ណ្ណសរសើររបស់លោក នាយករដ្ឋមន្រ្តី ជូនលោក Nguyen Van Hung - ប្រធានក្រុមប្រឹក្សាភិបាល Phoenix Group ដោយសារលោកបានមានស្នាដៃដ៏ឆ្នើមក្នុងការរួមចំណែកយ៉ាងសកម្មដល់ជោគជ័យនៃឆ្នាំមិត្តភាពវៀតណាម - កម្ពុជាផងដែរ។
Nguyen Van Hung - ប្រធានក្រុមប្រឹក្សាភិបាល Phoenix Group អញ្ជើញថ្លែងមតិក្នុងពិធី។
ទន្ទឹមនឹងនេះដែរ ឯកអគ្គរាជទូតនៃព្រះរាជាណាចក្រកម្ពុជា លោក ឆាយណាវុធ ក្នុងនាមរាជរដ្ឋាភិបាលកម្ពុជាក៏បានប្រគល់ប័ណ្ណសរសើរជូនដល់ប្រធានក្រុមប្រឹក្សាភិបាលលោក Nguyen Van Hung និង អគ្គនាយក Phoenix Group លោក Nguyen Quoc Khanh សម្រាប់ការរួមចំណែករបស់ពួកគេក្នុងការពូនជ្រុំចំណងមិត្តភាពរវាងវៀតណាមនិងកម្ពុជា៕
រូបថត៖ m.cand.com.vn
(បកប្រែដោយ ហេង វុធ្ធី)
មតិពីមិត្តអ្នកអាន