យុគសម័យ - រាត្រីសម្តែងវប្បធម៌សិល្បៈកម្ពុជាដែលបានរៀបចំឡើងនៅទីក្រុងហូជីមិញ។ កម្មវិធីនេះស្ថិតក្នុងចំណោមសកម្មភាពនៃផ្សារណាត់តាំងពិព័រណ៍ទេសចរណ៍អន្តរជាតិទីក្រុងហូជីមិញឆ្នាំ២០១៨ ជាមួយនឹងគោលដៅជម្រុញកិច្ចសហប្រតិបត្តិការរវាងវៀតណាមនិងកម្ពុជា សំដៅបង្កើតទីមកដល់គួរឲ្យទាក់ទាញចំពោះភ្ញៀវជាតិនិងអន្តរជាតិ។
រាត្រីបានសម្តែងឡើងវិញរូបភាពប្រទេសកម្ពុជានៅវៀតណាម តាមរយៈបទចម្រៀងពោរពញទៅដោយអត្តសញ្ញាណវប្បធម៌ របាំប្រពៃណីដែលបានទទួលស្គាល់ជាបេតិកភណ្ឌ (dantri)
រាត្រីនេះបានសម្តែងឡើងវិញនូវរូបភាពប្រទេសកម្ពុជា តាមរយៈបទចម្រៀង និងក្បូរក្បាច់របាំប្រពៃណីដែលជាបេតិកភណ្ឌវប្បធម៌របស់កម្ពុជា។ អញ្ជើញចូលរួមនិងថ្លែងមតិក្នុងរាត្រី រដ្ឋមន្ត្រីក្រសួងទេសចរណ៍កម្ពុជា លោក ថោន ខុន បានថ្លែងអំណរគុណយ៉ាងជ្រាលជ្រៅដល់សំណាក់ភាគីវៀតណាមចំពោះការរៀបចំពិធីបើកផ្សារណាត់ទេសចរណ៍អន្តរជាតិនៅទីក្រុងហូជីមិញប្រកបដោយប្រសិទ្ធភាព។
លោកថោងខុនបានបន្តផ្តល់ទិន្នន័យដែលបង្ហាញអំពីការអភិវឌ្ឍរបស់ផ្នែកទេសចរណ៍នៅកម្ពុជានាពេលថ្មីៗនេះ ដោយមានការជំរុញខ្លាំងកិច្ចសហប្រតិបត្តិការទេសចរណ៍ជាមួយវៀតណាម។ តាមនោះ ចាប់ពីឆ្នាំ ២០១៧ ដល់ឆ្នាំ ២០១៨ ផ្នែកឧស្សាហកម្មគ្មានផ្សែងនៅក្នុងប្រទេសនេះមានការរីកចម្រើនគួរឱ្យកត់សម្គាល់ ខណៈដែលចំនួនភ្ញៀវទេសចរអន្តរជាតិមកកាន់កម្ពុជាបានកើនឡើង ១២,៧ ភាគរយ។ ប្រជាជនកម្ពុជាបានសម្តែងនូវការរំពឹងទុកថា នៅឆ្នាំ ២០១៨ ចំនួនភ្ញៀវទេសចរនឹងកើនឡើងដល់ ៦,៥ លាននាក់ ហើយដល់ឆ្នាំ ២០២០ ឡើងដល់ ៧ លាននាក់និងដល់ឆ្នាំ២០២៥ឡើងដល់១០លាននាក់តែម្តង។
របាំប្រពៃណីរបស់កម្ពុជា (រូបថតៈ dantri)
ឆ្លើយតបទៅនឹងមនោសញ្ចេតនាពីសំណាក់ភាគីកម្ពុជា លោក La Quoc Khanh អនុប្រធានមន្ទីទេសចរណ៍ទីក្រុងហូជីមិញបានចែករំលែករំលែកថា ប្រសិនបើនៅផ្សារណាត់ទេសចរណ៍អន្តរជាតិទីក្រុងហូជីមិញលើកទី១នេះវៀតណាមអនុវត្តតែម្នាក់ឯងទៅចុះ ប៉ុន្តែដល់ឆ្នាំទីពីរ មានការរួមសហការពីប្រទេសមិត្តកម្ពុជានិងឡាវនោះ នឹងរួមចំណែកនាំមកភាពទាក់ទាញដល់ភ្ញៀវទេសចរអន្តរជាតិ។
ការធ្វើទេសចរណ៍របស់ទាំងបីនេះបានបង្កើនទាំងទ្រង់ទ្រាយគុណភាព។ យោងតាមការកត់សម្គាល់របស់យើងខ្ញុំគឺ ភ្ញៀវទេសចរបរទេសតែងតែយកចិត្តទុកដាក់ដល់ទួរទេសចរណ៍ដោយមានការតភ្ជាប់ជាមួយឡាវនិងកម្ពុជា ដោយសារតែភាពទាក់ទាញដែលអាចរួមបញ្ចូលជាមួយគ្នាក្នុងទួរទេសចរណ៍នានា”។ នេះបើយោងតាមការចែករំលែករបស់លោក La Quoc Khanh។
រាត្រីវប្បធម៌សិល្បៈកម្ពុជា ជាសកម្មភាពស្ថិតក្នុងក្របខ័ណ្ឌផ្សារណាត់ទេសចរណ៍អន្តរជាតិទីក្រុង ហូជីមិញឆ្នាំ២០១៨ ដែលបានប្រារព្ធឡើងពីថ្ងៃទី៦ដល់ថ្ងៃទី៨កញ្ញាឆ្នាំ២០១៨ នៅទីក្រុងហូជីមិញ (ភាគខាងត្បូងវៀតណាម)។ គោលដៅនៃរាត្រីនេះគឺជម្រុញកិច្ចសហប្រតិបត្តិការលើវិស័យទេសចរណ៍នៃប្រទេសទាំងពីរ៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន