យុគសម័យ - ឯកអគ្គរាជទូតអង់គ្លេសប្រចាំនៅវៀតណាមលោក Gareth Ward សូមថ្លែងអំណរគុណយ៉ាងជ្រាលជ្រៅចំពោះ គ្រូពេទ្យនិងទីភ្នាក់ងាររដ្ឋាភិបាលវៀតណាមទាំងអស់សម្រាប់ការជួយឧប្ថម្ភដល់ពលរដ្ឋអង់គ្លេសនាពេលកន្លងមក។
ឯកអគ្គរាជទូត Gareth Ward៖ ភ្ញៀវទេសចរអង់គ្លេសជាច្រើនបានសម្តែងការដឹងគុណចំពោះប្រទេសវៀតណាម!
អាស្រ័យហេតុនេះនៅ ក្នុងវីដេអូដែលដាក់ដោយស្ថានទូតអង់គ្លេសប្រចាំនៅវៀតណាម ឯកអគ្គរាជទូតលោក Gareth Ward បានចែករំលែកថា៖
“ក្នុងរយៈពេលប៉ុន្មានសប្តាហ៍កន្លងមកនេះ យើងបានជួយឧបត្ថម្ភដល់ភ្ញៀវទេសចរអង់គ្លេសជាច្រើនក្នុងដំណើរការប្រទេសវៀតណាមអនុវត្តវិធានការណ៍គ្រប់គ្រងការរាតត្បាតថ្មី។ ការទប់ស្កាត់ការរីករាលដាលនៃមេរោគកូរ៉ូណាគឺជាភារកិច្ចកំពូលរបស់វៀតណាមនៅពេលនេះ។
ខ្ញុំសូមថ្លែងអំណរគុណយ៉ាងជ្រាលជ្រៅចំពោះគ្រូពេទ្យនិងទីភ្នាក់ងាររដ្ឋាភិបាលរបស់វៀតណាមទាំងអស់ដែលបាន ជួយយើងក្នុងការជួយឧបត្ថម្ភពលរដ្ឋអង់គ្លេសនាពេលកន្លងមក។ ភ្ញៀវទេសចរអង់គ្លេសជាច្រើនបានសម្តែងការដឹងគុណចំពោះប្រទេសវៀតណាម។
ខ្ញុំចង់បញ្ជាក់ថាយើងនឹងបន្តសហការយ៉ាងជិតស្និទ្ធជាមួយរដ្ឋាភិបាលវៀតណាមដើម្បីធ្វើអ្វីៗទាំងអស់ដែលយើងអាចធ្វើបានដើម្បីប្រយុទ្ធប្រឆាំងនឹងវីរុសកូរ៉ូណានិងជួយឧបត្ថម្ភដល់អ្នកដែលត្រូវការជំនួយក្នុងគ្រាលំបាកនេះ”៕
(ប្រែសម្រូលដោយវិច្ឆិកា)
មតិពីមិត្តអ្នកអាន