យុគសម័យ- អង្គការ សមាគមន៍ និងបុគ្គលជនជាតិវៀតណាមមួយចំនួនបានធ្វើការរៃអង្គាស ហើយរៀបចំដេរនិងផ្តល់ម៉ាស់ដល់អាជ្ញាធរ និងប្រជាជនអាល្លឺម៉ង់។ នៅក្នុងបរិបទនៃការខ្វះខាតម៉ាស់ នៅប្រទេសអាល្លឺម៉ង់ សកម្មភាពដ៏ថ្លៃថ្នូរនេះរបស់ សហគមន៍វៀតណាមទទួលបានការកោតសរសើរ និងការវាយតំលៃខ្ពស់ពីមិត្តភក្តិអាល្លឺម៉ង់។
លោកឯកអគ្គរដ្ឋទូតវៀតណាមប្រចាំនៅអាល្លឺម៉ង់ Nguyen Minh Vu។ (រូបថត៖ ស្ថានទូតវៀតណាមប្រចាំនៅប្រទេសអាល្លឺម៉ង)
ការទប់ទល់យ៉ាងសកម្មចំពោះជំងឺរាតត្បាតសកល
លោកឯកអគ្គរដ្ឋទូតវៀតណាមប្រចាំនៅអាល្លឺម៉ង់ Nguyen Minh Vu បានឲ្យដឹងថា មុនពេលរដ្ឋាភិបាលអាល្លឺម៉ង់បានរឹតបន្តឹងវិធានការបង្ការប្រយុទ្ធប្រឆាំងនឹងជំងឺរាតត្បាត ស្ថានទូត សមាគមវៀតណាមក្នុងសហគមន៍ និងប្រជាជនបានដាក់កំហិត ពន្យារពេល និងលុបចោលព្រឹត្តិការណ៍ និងការប្រមូលផ្តុំគ្នានានា។ ទោះបីព្រឹត្តិការណ៍ជាច្រើនត្រូវបានរៀបចំយ៉ាងយកចិត្តទុកដាក់ និងហ្មត់ចត់ដូចជា បុណ្យសែនស្តេច Hung និងមហាសន្តិបាតនៃសមាគមនានា ... ជាពិសេសក្នុងបរិបទដែលឆ្នាំ ២០២០ គឺជាឆ្នាំរំលឹកខួបលើកទី ៤៥ នៃការបង្កើតទំនាក់ទំនង ការទូតវៀតណាម - អាល្លឺម៉ង់ក៏ដោយ ក៏ប៉ុន្តែស្ថានទូត និងប្រជាជនបានអនុវត្តយ៉ាងតឹងរឹងចំពោះការរឹកបន្តឹងការធ្វើដំណើរនិងការជួបជុំ។
សារព័ត៌មានសហគមន៍និងសមាគមនានាបានធ្វើការផ្សព្វផ្សាយ និងធ្វើបច្ចុប្បន្នភាពព័ត៌មានដល់ប្រជាជន។ មនុស្សជាច្រើនដែលពូកែខាងភាសាអាឡឺម៉ង់បានចំណាយពេលវេលា ដើម្បីប្រមូល បកប្រែ និងបកស្រាយនូវបទបញ្ញត្តិថ្មីរបស់រដ្ឋាភិបាល ដើម្បី អោយប្រជាជនអាចយល់និងអនុវត្តតាម ព្រមទាំងស្ម័គ្រចិត្តណែនាំនិងជួយប្រជាជនក្នុងការដាក់ពាក្យសុំការជួយឧបត្ថម្ភពីរដ្ឋាភិបាលអាល្លឺម៉ង់ផងដែរ។
លោកឯកអគ្គរដ្ឋទូតបានចែករំលែកថា សហគមន៍វៀតណាមនៅអាឡឺម៉ង់មានប្រជាជនប្រមាណ ១៨០,០០០ នាក់ ដែលប្រមូលផ្តុំយ៉ាងច្រើនកុះករ នៅតាមទីក្រុងធំៗដូចជា Berlin, Hamburg, Leipzig, Frankfurt, Munich... ប្រជាជនភាគច្រើនប្រកបមុខរបរមួយចួននួន ដូចជា អ្នកលក់ដូរ បើកភោជនីយដ្ឋាន និងបំរើសេវាកម្មនានា ដូចជាហាងលក់ទំនិញ ហាងធ្វើក្រចក និងហាងលក់ផ្កាជាដើម។ ដូច្នេះ ក្នុងបរិបទដែលរដ្ឋាភិបាលអាឡឺម៉ង់ចាត់វិធានការយ៉ាងម៉ឺងម៉ាត់សម្រាប់ទប់ស្កាត់ការរីករាលដាលនៃជំងឺរាត្បាតដូចជា ការរឹតត្បិតការប្រមូលផ្តុំគ្នា ការបិទភោជនីយដ្ឋានដែលមិនចាំបាច់ រួមទាំងបិទកន្លែងសេវាកម្មនានា បានធ្វើប្រជាជនជួបការលំបាកជាច្រើនដែរ។
ម៉្យាងវិញទៀត រដ្ឋាភិបាលអាល្លឺម៉ង់បានចេញវិធានការណ៍ជួយសង្គ្រោះសេដ្ឋកិច្ចជាច្រើនក្នុងនោះមានទាំងកញ្ចប់ថវិកាធំ (រហូតដល់ ៥០ ពាន់លានសអឺរ៉ូ) សម្រាប់ជួយគាំទ្រចំពោះសហគ្រាសខ្នាតតូច អ្នកលក់រាយ និងពលករស៊ីឈ្នួលដែលរងផលប៉ះពាល់ដោយសារជំងឺរាតត្បាត។ ជាទូទៅ ប្រជាជនគោរពយ៉ាងតឹងរឹងនូវបទប្បញ្ញត្តិនិងការណែនាំរបស់រដ្ឋាភិបាលអាល្លឺម៉ង់ ហើយព្យាយាមប្រើប្រាស់ការជួយគាំទ្រនានាពីភាគីអាល្លឺម៉ង់ដើម្បីជំនះការលំបាក។ ទោះជាយ៉ាងណាក៏ដោយ ប្រសិនបើស្ថានភាពជំងឺរាតត្បាតមានភាពស្មុគស្មាញ និងវិធានការណ៍រឹតបន្តឹងដែលអូសបន្លាយរយៈពេលយូរ ដែលនឹងប៉ះពាល់យ៉ាងខ្លាំងដល់ការងារនិងជីវិតរបស់ប្រជាជនវៀតណាមយើង។ ស្ថានទូតបានផ្លាស់ប្តូរ និងកៀរគរសមាគមនានាឲ្យមានការណែនាំ និងការជួយគាំទ្រដល់ប្រជាជនដើម្បីជំនះគ្រាដ៏លំបាកនេះ។
អង្គការ សមាគមន៍និងបុគ្គលវៀតណាមមួយចំនួនបានធ្វើការរៃអង្គាស ហើយរៀបចំដេរ និងផ្តល់ម៉ាស់ដល់អាជ្ញាធរ និងប្រជាជន អាល្លឺម៉ង់។
នៅក្នុងបរិបទនៃការខ្វះខាតម៉ាស់ នៅប្រទេសអាល្លឺម៉ង់ សកម្មភាពដ៏ថ្លៃថ្នូរនេះរបស់សហគមន៍វៀតណាម ទទួលបានការកោតសរសើរ និងការវាយតំលៃខ្ពស់ពីមិត្តភក្តិអាល្លឺម៉ង់។
លោកឯកអគ្គរដ្ឋទូត Nguyen Minh Vu បានមានប្រសាសន៍ថា៖ “ប្រជាជនជឿជាក់ និងពេញចិត្តចំពោះការការងារបង្ការប្រយុទ្ធប្រឆាំងការរីករាលដាលនៃជំងឺរាតត្បាតក្នុងស្រុក ដោយឲ្យដឹងថា ក្នុងបរិបទ ដែលប្រទេសនៅតែជួបការលំបាកជាច្រើន រដ្ឋាភិបាល និងប្រព័ន្ធនយោបាយទាំងមូលរបស់វៀតណាមបានចាត់វិធានការយ៉ាងតឹងរឹង និងមានប្រសិទ្ធភាព រួមចំណែកក្នុង ការទប់ស្កាត់ការផ្ទុះឡើងនៃរោគរាតត្បាត” ។
ធ្វើការទាន់ពេលវេលាក្នុងការការពារពលរដ្ឋ
ក្នុងការគាំរពារពលរដ្ឋ និងជួយប្រជាជន លោកឯកអគ្គរដ្ឋទូត Nguyen Minh Vu បានចែករំលែកថា ស្ថានទូតតែងតែធ្វើបច្ចុប្បន្នភាពព័ត៌មានអំពីបទប្បញ្ញត្តិ និងអនុសាសន៍របស់រដ្ឋាភិបាលអាល្លឺម៉ង់ និងវៀតណាម។ ជាពិសេសបទប្បញ្ញត្តិនានាស្តីពីជនអន្តោប្រវេសន៍នៅលើគេហទំព័ររបស់ស្ថានទូត និងកុងស៊ុល ដោយការពារប្រជាជន និងឆ្លើយតបសំណួររបស់ប្រជាជនបានទាន់ពេលវេលា។
ក្នុងបរិបទដែលប្រទេសអាល្លឺម៉ង់ និងសហភាពអឺរ៉ុបកំពុងរឹតបន្តឹងការត្រួតពិនិត្យព្រំដែន ក្រុមហ៊ុនអាកាសចរណ៍ជាច្រើនបានពន្យារពេល ឬលុបចោលជើងហោះហើរដោយគ្មានការជូនដំណឹងជាមុននោះ ស្ថានទូតបានជួយដល់ពលរដ្ឋវៀតណាមដែលមានបំណងវិលត្រឡប់ទៅប្រទេសកំណើតវិញ ដោយធ្វើការយ៉ាងជិតស្និទ្ធជាមួយអគ្គស្ថានកុងស៊ុលវៀតណាម នៅFrankfurt ការិយាល័យកុងស៊ុល ក្រុមហ៊ុនអាកាសចរណ៍វៀតណាម និងក្រុមហ៊ុនអាកាសចរណ៍ដើម្បីធានាថាពលរដ្ឋវៀតណាមបានវិលត្រឡប់ទៅប្រទេស កំណើតវិញតាមផែនការ។ រហូតមកដល់ពេលនេះ មិនមានពលរដ្ឋវៀតណាមណាម្នាក់ ត្រូវបានជាប់គាំងនៅក្នុងព្រលានយន្តនៃប្រទេសអាល្លឺម៉ង់ទេ។
យោងតាមព័ត៌មានដែលស្ថានទូតទទួលបាន រហូតមកដល់ពេលនេះមានមនុស្សជាង ២០ នាក់នៅក្នុងសហគមន៍វៀតណាមនៅប្រទេសអាល្លឺម៉ង់បានឆ្លងមេរោគ covid -១១ ហើយ ប៉ុន្តែគ្មាននរណាម្នាក់ឈឺធ្ងន់ធ្ងរដែលត្រូវទៅមន្ទីរពេទ្យទេ ហើយអ្នកទាំងអស់នេះបានដាក់ខ្លួនឯងនៅដាក់ដោយឡែកពីគេ និងព្យាបាលនៅផ្ទះតាមការណែនាំរបស់វេជ្ជបណ្ឌិតអាល្លឺម៉ង់។
ចូលរួមក្នុងការប្រយុទ្ធប្រឆាំងនឹងជំងឺរាតត្បាតយ៉ាងម៉ឺងម៉ាត់ និងផ្តល់គោលនយោបាយ
ក្នុងការការពារស្ថាប័នតំណាង ឯកអគ្គរដ្ឋទូត Minh Vu បានមានប្រសាសន៍ថា ស្ថានទូតតែងតែធ្វើបច្ចុប្បន្នភាពនូវរាល់បទប្បញ្ញត្តិ និង អនុសាសន៍របស់រដ្ឋាភិបាលអាល្លឺម៉ង់ រដ្ឋាភិបាលវៀតណាម ក្រសួងការបរទេសដល់មន្ត្រី បុគ្គលិកនៃស្ថានទូត និងក្រុមគ្រួសារ។ ទន្ទឹមនឹងនោះ ស្ថានទូតបានចេញបទបញ្ជាជាក់លាក់របស់ស្ថានទូតចំពោះមន្ត្រី បុគ្គលិក និងក្រុមគ្រួសារស្តីពីការបង្ការប្រយុទ្ធប្រឆាំងនឹងជំងឺរាតត្បាតស្របតាមស្ថានការណ៍ជាក់ស្តែង។
ស្ថានទូតក៏អនុវត្តការធ្វើការនៅតាមផ្ទះជាប្តូរវេណ ដើម្បីកាត់បន្ថយការទាក់ទងគ្នារវាងមន្រ្តី និងកាត់បន្ថយហានិភ័យនៃការឆ្លងមេរោគ ខណៈពេលនៅតែធានាការអនុវត្តការងារ ហើយបានដាក់ឧបករណ៍សម្លាប់មេរោគ និងណែនាំដល់មន្រ្តី បុគ្គលិក និងប្រជាពលរដ្ឋឱ្យអនុវត្តយ៉ាងម៉ឺងម៉ាត់នូវវិធានការបង្ការទប់ស្តាត់ជំងឺរាតត្បាតនៅឯទីស្នាក់ការស្ថានទូត៕(បកប្រែដោយឌីណា)
មតិពីមិត្តអ្នកអាន