យុគសម័យ - នាថ្ងៃទី ៦ ខែមករា នាយករដ្ឋមន្ត្រីវៀតណាម លោក Nguyen Xuan Phuc បានផ្ញើសារសួរសុខទុក្ខទៅកាន់សម្តេចតេជោហ៊ុនសែននាយករដ្ឋមន្រ្តីនៃព្រះរាជាណាចក្រកម្ពុជាអំពីការបាក់រលំនៃគម្រោងសាងសង់នៅខេត្តកែបនៃព្រះរាជាណាចក្រកម្ពុជាដែលបណ្តាលឱ្យមនុស្សស្លាប់និងរបួសជាច្រើននាក់។
ឧប្បត្តិហេតុបាក់រលំអាគារកំពស់៧ជាន់នៅខេត្តកែបប្រទេសកម្ពុជា (រូបថត៖ vtv.vn)
នៅក្នុងសារនេះ លោកនាយករដ្ឋមន្រ្តីវៀតណាមបានសម្តែងការព្រួយបារម្ភយ៉ាងជ្រាលជ្រៅចំពោះការបាត់បង់អាយុជីវិតនិងទ្រព្យសម្បត្តិរបស់ប្រជាជនកម្ពុជា ព្រមទាំងបានផ្ញើរការសួរសុខទុក្ខដ៏កក់ក្តៅនិងស្មោះត្រង់បំផុតទៅកាន់សម្តេចតេជោ ហ៊ុនសែន នាយករដ្ឋមន្រ្តីកម្ពុជានិងថ្នាក់ដឹកនាំជាន់ខ្ពស់នៃរដ្ឋសភា រាជដ្ឋាភិបាល និងអាជ្ញាធរខេត្តកែបនិងក្រុមគ្រួសារជនរងគ្រោះផងដែរ។ លោកក៏ ជឿជាក់ថាក្រោមការដឹកនាំនិងការយកចិត្តទុកដាក់យ៉ាងដិតដល់របស់សម្តេចតេជោហ៊ុនសែន ប្រជាជនកម្ពុជានឹងជំនះការលំបាកនេះនាពេលឆាប់ៗនេះផងដែរ។
នាថ្ងៃដដែលនោះ ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាម លោក Pham Binh Minh ក៏បានធ្វើផ្ញើសារទូរលេខសួរសុខទុក្ខដល់ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិកម្ពុជាលោក ប្រាក់សុខុនផងដែរ៕(បកប្រែដោយ ហេងវុធ្ធី)
(ប្រភពព័ត៌មាន: baochinhphu.vn)
មតិពីមិត្តអ្នកអាន