យុគសម័យ - សហគមន៍ប្រជាជនវៀតណាមរស់នៅនិងធ្វើការ នៅទីក្រុងជាច្រើន ក្នុងប្រទេសរុស្ស៊ី ក្នុងនោះទីក្រុង Saint Peterburg ដែលជាទីក្រុងធំទី ២ របស់រុស្ស៊ីមានប្រជាជនជាង ១០០០ នាក់ នៅឆ្នាំ ២០២០ ប្រជាជនវៀតណាមបានលើកកម្ពស់ស្មារតីនៃការជួយគាំទ្រគ្នាទៅវិញទៅមក រៀបចំសកម្មភាពសប្បុរសធម៌ ដើម្បីជួយទីក្រុងក្នុងការប្រយុទ្ធប្រឆាំងនឹង Covid-19 និងជួយប្រជាជនភាគកណ្តាលនៃប្រទេសវៀតណាមដែលរងងផលប៉ះពាល់ដោយសារទឹកជំនន់។
ជំងឺបណ្តាលឱ្យសកម្មភាពសេដ្ឋកិច្ចសង្គមទាំងអស់នៅតែជួបការលំបាក ការទិញនិងតម្រូវការប្រើប្រាស់ក្នុងទីផ្សារមានការថយចុះ។ ឧស្សាហកម្មដែលទាក់ទងនឹងសហគមន៍ប្រជាជនវៀតណាមនៅទីនេះមានការលំបាកខ្លាំងណាស់ ដូចជា ទេសចរណ៍ ភោជនីយដ្ឋានដែលមានអតិថិជនតិចតួច ការធ្វើពាណិជ្ជកម្មនៅផ្សារនិងមជ្ឈមណ្ឌលពាណិជ្ជកម្មរបស់ប្រជាជនវៀតណាមភាគច្រើនដោយគ្មានភ្ញៀវ។ ប្រជាជនជាច្រើននាក់ត្រូវកាត់បន្ថយចំនួនពលករ កាត់បន្ថយបុគ្គលិកនិងព្យាយាមធ្វើការពីមួយថ្ងៃទៅមួយថ្ងៃ។
លោក Dao Dai Hai អនុប្រធានសមាគមប្រជាជនវៀតណាមនៅទីក្រុង Saint Peterburg បាននិយាយឲ្យដឹងថា រហូតមកដល់ពេលនេះមានជនជាតិវៀតណាមជាង ២០០ នាក់ រួមទាំងនិស្សិតដែលផ្ទុកជំងឺ Covid-19 ។ ភ្លាមៗពី ការរីករាលដាលនៃជំងឺរាតត្បាតនេះ គណៈកម្មាធិការប្រតិបត្តិនៃសមាគមប្រជាជនវៀតណាមនៅទីក្រុងនេះរួមជាមួយតំណាងនិស្សិតបានបើកកិច្ចប្រជុំ តាមអ៊ីនធើណិត វាយតម្លៃនូវស្ថានភាពនេះឱ្យបានត្រឹមត្រូវ ដើម្បីផ្តល់យោបល់ដល់ប្រជាជនអំពីវិធីជៀសវាងនិងទប់ស្កាត់ជំងឺនេះ។ ដូច្នេះសំណាងដ៏អស្ចារ្យបំផុតគឺរហូតមកដល់ពេលនេះរាល់ករណីឆ្លងទាំងអស់ត្រូវបានព្យាបាលនិងជាសះស្បើយនិង គ្មាននរណាម្នាក់ស្លាប់ឡើយ។
មិនត្រឹមតែប៉ុណ្ណោះ ចាប់តាំងពីការរីករាលដាលនៃជំងឺនេះ បានកើតឡើង នៅ ទីក្រុង Saint Peterburg គណៈកម្មាធិការប្រតិបត្តិនៃសមាគមប្រជាជនវៀតណាមបានប្តេជ្ញាចិត្តថា ត្រូវធ្វើការងារស្ម័គ្រចិត្ត ដើម្បីជួយគាំទ្រដល់មូលដ្ឋានដែលសហគមន៍ប្រជាជនវៀតណាមរស់នៅនិងធ្វើការ។ សមាគមបានរៃអង្គាសប្រាក់នៅក្នុងសហគមន៍អំពាវនាវឱ្យអាជីវកម្មវៀតណាមទិញសម្ភារៈវេជ្ជសាស្ត្រ ដើម្បីបរិច្ចាគដល់មន្ទីរពេទ្យក្នុងទីក្រុង ក្នុងនោះមានខោវអាវការពារ ស្បែកជើងវេជ្ជសាស្ត្ររ ម៉ាស់។
ទីកន្លែងមួយនៃភោជនីយដ្ឋាន Nem Nem របស់លោក Dao Dai Hai ។ ( រូបថត៖ VOV)
ក្រៅពីនេះទោះបីត្រូវប្រឈមនឹងជំងឺរាតត្បាតនិងការលំបាកជាច្រើនក៏ដោយ ក៏នៅក្នុងប៉ុន្មានខែចុងក្រោយនៃឆ្នាំ នេះដែរ នៅពេលដែលបានដឹងថា ប្រជាជនវៀតណាមនៅតំបន់កណ្តាលដែលរងការខូចខាតយ៉ាងធ្ងន់ធ្ងរ ដោយសារទឹកជំនន់ សមាគមន៍ជនជាតិវៀតណាម នៅទីក្រុង Saint Peterburg រៀបចំការបរិច្ចាគក្នុងសហគមន៍និងផ្ញើប្រាក់និងអំណោយ ដើម្បីជួយគាំទ្រប្រជាជនដែលមានតំលៃ ៥០ លានដុង។
សហគមន៍ប្រជាជនវៀតណាមនៅទីក្រុង Saint Peterburg បានបរិច្ចាគសំភារៈពេទ្យដល់មន្ទីរពេទ្យ។ (រូបថត៖ VNA)
ជារៀងរាល់ឆ្នាំនៅថ្ងៃឈប់សម្រាក បុណ្យជាតិសំខាន់ៗដូចជា ថ្ងៃទី ៣០ ខែមេសា ថ្ងៃទី ២ ខែកញ្ញានិងថ្ងៃទី ២២ ធ្នូ សមាគមប្រជាជនវៀតណាម នៅទីក្រុង Saint Peterburg តែងតែរៀបចំពិធីជប់លៀង និងអញ្ជើញអតីតយុទ្ធជនដែលបានប្រយុទ្ធនៅវៀតណាមចូលរួមនិងនិយាយ អំពីប្រទេសវៀតណាម។ តាមរយៈនេះ អតិតយុទ្ធជនបានរៀបរាប់ជាមួយកូនៗ និងចៅ ៗអំពីប្រទេសវៀតណាម។ សមាគមនេះក៏រៀបចំកម្មវិធីវប្បធម៌សិល្បៈ ពិធីបុណ្យវប្បធម៌ ដើម្បីណែនាំដល់ប្រជាជនរុស្ស៊ីអំពីប្រទេសវៀតណាម។
នៅឆ្នាំនេះដោយសារជំងឺរាតត្បាតឋសកម្មភាពវប្បធម៌និងសង្គមរបស់សហគមន៍ត្រូវតែផ្អាក។ នៅឆ្នាំ ២០២១ នៅពេលដែលជំងឺរាតត្បាតត្រូវបានគ្រប់គ្រង សមាគមប្រជាជនវៀតណាមនៅទីក្រុង Saint Peterbur នឹងស្តារសកម្មភាពទាំងនេះឡើងវិញជាបណ្តើរ ៗ ដើម្បីបង្កើនសាមគ្គីភាពក្នុងសហគមន៍និងជំរុញទំនាក់ទំនងនៅក្នុងប្រទេសសាមី រួមចំណែកក្នុងទំនាក់ទំនងមិត្តភាពជាប្រពៃណីរវាងប្រជាជាតិទាំងពីរវៀតណាមនិងរុស្ស៊ី./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន