យុគសម័យ - នាថ្ងៃ១៣ ខែមេសា អនុប្រធានសមាគមមិត្តភាពវៀតណាម-រូម៉ានី លោក Bui Trong Dinh បានដឹកនាំក្រុមបេសកកម្មរបស់សមាគមទៅដល់ស្ថានទូតរូម៉ានីប្រចាំនៅរដ្ឋធានីហាណូយដើម្បីជូនថវិកាជាជំនួយជាង ២២,០០០ ដុល្លារអាមេរិក។
សមាគមមិត្តភាពវៀតណាម-រូម៉ានីជួយឧបត្ថម្ភប្រទេសរូម៉ានីក្នុងការប្រយុទ្ធប្រឆាំងនឹងជំងឺ Covid-19។
ថវិកាជាជំនួយនេះត្រូវបានបរិច្ចាគដោយសមាជិកនៃសមាគមមិត្តភាពវៀតណាម-រូម៉ានី និងអ្នកដែលស្រឡាញ់ប្រទេសរូម៉ានីដើម្បីជួយប្រជាជនរ៉ូម៉ានីប្រយុទ្ធប្រឆាំងនឹងការរាតត្បាតនៃជំងឺ Covid-19។
លោក Emil Ghitulescu ឯកអគ្គរដ្ឋទូតរូម៉ានីប្រចាំនៅវៀតណាមបានថ្លែងអំណរគុណចំពោះជំនួយដែលរដ្ឋ ប្រជាជនវៀតណាម និងសមាគមមិត្តភាពវៀតណាម-រូម៉ានីជូនដល់ប្រជាជនរូម៉ានី។ លោកឯកអគ្គរដ្ឋទូតបានវាយតម្លៃខ្ពស់ចំពោះដំណោះស្រាយសមស្របរបស់រដ្ឋាភិបាលវៀតណាម ការខិតខំប្រឹងប្រែងរបស់អាជ្ញាធរទីក្រុងហាណូយ និងសាមគ្គីភាពរបស់ប្រជាជនវៀតណាមក្នុងការប្រយុទ្ធប្រឆាំងនឹងជំងឺនេះ។ លោក Emil Ghitulescu ជឿជាក់ថា ការរាតត្បាតនៃជំងឺ Covid-19 នឹងឆាប់បញ្ចប់នៅវៀតណាម រ៉ូម៉ានី និងនៅទូទាំងពិភពលោក៕
(ប្រភពព័ត៌មាន: thoidai.com.vn)
មតិពីមិត្តអ្នកអាន