យុគសម័យ - នាថ្ងៃទី ៥ ខែកុម្ភះ នៅច្រកព្រំដែន Na Hinh ស្រុក Van Lang ខេត្ត Lang Son បុស្តិ៍ការពារព្រំដែន Na Hinh នៃកងទ័ពការពារព្រំដែន Lang Son បានប្រគល់ជូនម៉ាស់សុវត្ថិភាពចំនួន ១០០០ គ្រឿងដល់ភូមិ Běn Juān ខេត្តក្វាងស៊ី (ប្រទេសចិន)។
ទិដ្ឋភាពនៃពិធីផ្តល់ជំនួយដល់ភាគីចិន (រូបថត៖ baobienphong)
នេះជាភូមិចងសម្ព័ន្ធមាត្រីភាពជាមួយភូមិ Na Hinh ឃុំ Thuy Hung ស្រុក Van Lang ខេត្ត Lang Son ។ នេះគឺជាសកម្មភាពដ៏មានអត្ថន័យ ដើម្បីចែករំលែកនិងជួយជ្រោមជ្រែងដល់ប្រជាជនចិននិយាយរួម និងភូមិ Běn Juān និយាយដោយឡែក ក្នុង បរិបទដែលការវិវត្តន៍កាន់តែស្មុគស្មាញនៃការឆ្លងជំងឺរលាកផ្លូវដង្ហើមស្រួចបង្កដោយវីរុសកូរ៉ូណាប្រភេទថ្មី (2019-nCoV) ព្រមទាំងជួយពង្រឹងនិងពង្រីកចំណងសាមគ្គីភាពនិងមិត្តភាពរវាងប្រជាជនភូមិ Na Hinh និងភូមិ Běn Juān។
ក្នុងឱកាសនេះ អង្គភាពនានាបានជម្រុញការផ្សព្វផ្សាយ ការឃោសនាឱ្យប្រជាជននៅតាមព្រំដែនឱ្យយល់ដឹងពីកំរិតដ៏គ្រោះថ្នាក់នៃការរាតត្បាតជំងឺនេះ តាមរយៈនោះសម្របសម្រួលគ្នាប្រកបដោយប្រសិទ្ធភាព ក្នុងការបង្ការនិងប្រឆាំងនឹងជំងឺដ៏កាចហសាហាវនេះតែម្តង៕
（បកប្រែដោយ ហេង វុធ្ធី）
មតិពីមិត្តអ្នកអាន