យុគសម័យ៖ នាថ្ងៃទី ៧ មករា ឆ្នាំ២០២០ សម្ព័ន្ធសមាគមមិត្តភាពទីក្រុង Ho Chi Minh សហការជាមួយអគ្គកុងស៊ុលនៃព្រះរាជាណាចក្រកម្ពុជាប្រចាំ នៅទីក្រុង Ho Chi Minh បានប្រារព្ធពិធីអបអរសាទរខួបលើកទី ៤១ នៃទិវាជ័យជំនះការផ្តួលរំលំរបបប្រល័យពូជសាសន៍ប៉ុល ពត( ថ្ងៃទី ៧ខែមករា ១៩៧៩-ថ្ងៃ៧ ខែមករា ឆ្នាំ ២០២០) និង ៤០ ឆ្នាំនៃការបង្កើតសមាគមមិត្តភាពវៀតណាម - កម្ពុជា នៅទីក្រុង Ho Chi Minh។
អញ្ជើញចូលរួមក្នុងពិធីនេះមាន លោក សុខ ដារ៉េត អគ្គកុងស៊ុលកម្ពុជាប្រចាំទីក្រុង Ho Chi Minh អ្នកតំណាងមកពីផ្នែក ស្ថាបន័មជ្ឈិមនិងទីក្រុង Ho Chi Minh តំណាងបញ្ជាការដ្ឋានយោធាភាគទី ៧ អតីតអ្នកជំនាញនិងអតីតយុទ្ធជនស្ម័គ្រចិត្តវៀតណាម នៅកម្ពុជា រួមជាមួយនិស្សិតកម្ពុជាជាច្រើននាក់ នៅទីក្រុង Ho Chi Minh។
គណៈកម្មការប្រតិបតិ្តសមាគមមិត្តភាពវៀតណាម កម្ពុជា នៅទីក្រុង Ho Chi Minh ទទួលទង់ប្រពៃណីរបស់គណៈកម្មាធិការប្រជាជនទីក្រុង Ho Chi Minh (រូបថត៖ កាសែត Tin tuc online)
ថ្លែងក្នុងពិធីនោះលោក សុខ ដារ៉េត អគ្គកុងស៊ុលនៃព្រះរាជាណាចក្រកម្ពុជា ប្រចាំនៅទីក្រុង Ho Chi Minh បានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋាភិបាល អតីតអ្នកជំនាញនិងអតីតយុទ្ធជនស្ម័គ្រចិត្តវៀតណាមដែលបានជួយកម្ពុជាដោយគ្មានកង្វល់។ ជាជាក់ស្តែង កងទ័ពស្ម័គ្រចិត្តវៀតណាមបានឆ្លងកាត់លំបាកជាច្រើន ត្រៀមខ្លួនជាស្រច ដើម្បីលះបង់សាច់ឈាមស្រស់ ដែលរួមចំណែកយ៉ាងសំខាន់ក្នុងការរំដោះប្រទេសជាតិ និងប្រជាជនកម្ពុជារួចផុតពីរបបប្រល័យពូជសាសន៍ប៉ុល ពត នៅថ្ងៃទី ៧ ខែមករាឆ្នាំ ១៩៧៩ ។ ប្រជាជនកម្ពុជាចងចាំជានិច្ចថា “ថ្ងៃទី៧ មករា នេះគឺជាថ្ងៃកំណើតទី ២ របស់ប្រជាជនកម្ពុជា "ហើយបើគ្មានជ័យជំនះ ៧ មករា គ្មានអ្វីៗ ដូចថ្ងៃនេះទេ" - នេះជាការពិតប្រវត្តិសាស្រ្តដែលគ្មានកំលាំងប្រតិកម្មណាមួយអាចផ្លាស់ប្តូរបានឡើយ។
លោកអគ្គកុងស៊ុលក៏អបអរសាទរចំពោះសមិទ្ធិផលនៃសមាគមមិត្តភាពវៀតណាម - កម្ពុជា នៅទីក្រុងHo Chi Minhទទួលបាន។ លោក សុខ ដារ៉េត បានបង្ហាញនូវបំណងចង់បន្តការរួមវិភាគទានកាន់តែសកម្ម និងខ្លាំងក្លាថែមទៀត ក្នុងការពង្រីកនិងពង្រឹងកិច្ចសហប្រតិបត្តិការ។ ការផ្លាស់ប្តូររវាងប្រជាជននៃប្រទេសទាំងពីរនិយាយរួម និងរវាងប្រជាជនទីក្រុង Ho Chi Minh និងប្រជាជនរាជរដ្ឋធានីភ្នំពេញនិយាយដោយឡែក។ ជាពិសេសគឺការទាក់ទងប្រាស្រ័យរវាងយុវជនជំនាន់ក្រោយដែលជាជំនាន់ទទួលយកបេសកកម្មអនាគត នៅប្រទេសនីមួយៗ ដើម្បីជំរុញកិច្ចសហប្រតិបត្តិការលើគ្រប់វិស័យ ៖សេដ្ឋកិច្ច ពាណិជ្ជកម្ម ទេសចរណ៍ វប្បធម៌ ទេសចរណ៍ ... ជាដើមរវាងប្រទេសទាំងពីរ។
លោក Truong Minh Nhut ប្រធានសមាគមមិត្តភាពវៀតណាម - កម្ពុជា បានមានប្រសាសន៍ថា ថ្ងៃទី ៧ មករា គឺជាព្រឹត្តិការណ៍ប្រវត្តិសាស្ត្រសំខាន់សម្រាប់ស្មារតីសាមគ្គីភាពអន្តរជាតិ ចំណងមិត្តភាពជាពិសេសរវាងជនជាតិវៀតណាមនិងជនជាតិកម្ពុជា។ នាំប្រទេសកម្ពុជារួមផុតពីរបបប្រល័យពូជសាសន៍ ឈានចូលសករាជថ្មីឯករាជ្យភាព សេរីភាព ការរស់ឡើងវិញនិងបើកទំព័រថ្មីមួយនៅក្នុងទំនាក់ទំនងរវាងវៀតណាមនិងកម្ពុជា ជាប្រទេសភូមិរបងជាមួយគ្នា។
លោក Truong Minh Nhut បានសង្កត់ធ្ងន់ថា ខួបលើកទី ៤១ នៃទិវាជ័យជម្នះរបបប្រល័យពូជសាសន៍ ប៉ុល ពត គឺជាឱកាសសម្រាប់ប្រទេសទាំងពីររំលឹក និងសម្តែងការដឹងគុណចំពោះការលះបង់ដ៏ធំធេងរបស់កងទ័ពស្ម័គ្រចិត្តវៀតណាមដែលបានពលីជីវិត នៅទឹកដីអង្គរ ចងចាំជានិច្ចនូវគុណរបស់ប្រជាជនកម្ពុជាបានជួយទំនុកបំរុងកងទ័ពនិងអ្នកជំនាញវៀតណាម នៅពេលបំពេញភារកិច្ចអន្តរជាតិលើទឹកដីកម្ពុជា។ ចំណងសាមគ្គីភាព មិត្តភាពរវាង វៀតណាម - កម្ពុជាត្រូវបានបង្កើតនិងពូនជ្រុំដោយញើសនិងសាច់ឈាមស្រស់របស់ប្រជាជននៃប្រទេសទាំងពីរ។ សើសពីនេះទៀត ឥឡូវនេះ ថ្នាក់ដឹកនាំនិងប្រជាជននៃប្រទេសទាំងពីរនៅតែពង្រីកនិងពង្រឹងទំនាក់ទំនងនេះលើគ្រប់វិស័យ ដូចជា៖ នយោបាយ សេដ្ឋកិច្ច វប្បធម៌ សង្គម ... ដើម្បីសន្តិភាព ស្ថិរភាព និងវិបុលភាពរបស់ប្រទេសទាំងពីរ។
យោងតាមរបាយការណ៍នូកការបូកសរុបលទ្ធផលការងារនៃសមាគមមិត្តភាពវៀតណាម - កម្ពុជានៅទីក្រុង Ho Chi Minh ក្នុងរយៈពេលជាង ៤០ ឆ្នាំនៃការបង្កើតនិងអភិវឌ្ឍន៍ លោក Truong Minh Nhut បានបញ្ជាក់ថា មន្រ្តីនិងសមាជិកជាច្រើនជំនាន់បានខិតខំអស់ពីសមត្ថភាព ដើម្បីអភិវឌ្ឍកិច្ចសហប្រតិបត្តិការរវាងប្រជាជនវៀតណាមនិងប្រជាជនកម្ពុជានិយាយរួម កិច្ចសហប្រតិបត្តិការរវាងទីក្រុង Ho Chi Minh និងតំបន់នានានៃប្រទេសកម្ពុជានិយាយដោយឡែក។ ជារៀងរាល់ឆ្នាំ សមាគមមិត្តភាពវៀតណាម - កម្ពុជា នៅទីក្រុង Ho Chi Minh រៀបចំកម្មវិធីមិត្តភាពនិងកិច្ចសហប្រតិបត្តិការជាច្រើន ដូចជា៖ការប្រារព្ធពិធីអបអរសាទរខួបអនុស្សាវរីយ៍ធំៗ ការផ្លាស់ប្តូរគណៈប្រតិភូ ទាក់ទងប្រាស្រ័យការរវាងប្រជាជននៃប្រទេសទាំងពីរ រៀបចំកម្មវិធីសិល្បៈ ជួយឧបត្ថម្ភនិងផ្តល់អំណោយដល់ប្រជាជនកម្ពុជាក្រីក្រ ...(ប្រែសម្រួលដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន