ប្រទេសឡាវមានមោទនភាពនិងវាយតម្លៃខ្ពស់ចំពោះជោគជ័យនៃការទូតវៀតណាម

ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋប្រជាមានិតឡាវប្រចាំសាធារណរដ្ឋសង្គមនិយមវៀតណាម លោក Sengphet Hougboungnuang និងឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh

ក្នុងរយៈពេល ៧៥ ឆ្នាំកន្លងទៅ វិស័យការទូតវៀតណាម បានរីកចម្រើននិងរំលេចជារូបរាងជាជំហានៗយ៉ាងខ្លាំងខ្លាំ ព្រមទាំងអនុវត្តនិងបំពេញភារកិច្ចរបស់ខ្លួនបានយ៉ាងល្អប្រសើរក្នុងដំណាក់កាលនីមួយៗនៃអាជីពបដិវត្ត ជាពិសេសគឺរក្សានិងពង្រឹងសុខសន្តិភាពនិងស្ថិរភាព ក៏ដូចជាបង្កើតលក្ខខណ្ឌអំណោយផលសម្រាប់បុព្វហេតុការពារជាតិនិងសំណង់ ដើម្បីសំរេចបានគោលដៅកសាងប្រទេសជាតិនិងនិងប្រជាជនដ៏សំបូរធូរធារ សង្គមសមធម៌ ប្រជាធិបតេយ្យនិងអរិយធម៌ផងដែរ។

នាបច្ចុប្បន្ននេះ ស្ថានភាពពិភពលោកនិងតំបន់ ជាពិសេសការរីករាលដាលនៃជំងឺ Covid-19 មានភាពស្មុគស្មាញនិងមិនអាចទាយទុកជាមុនបាននៅលើសកលលោក។​ប៉ុន្តែក្នុងពេលជាមួយគ្នានេះ ប្រទេសវៀតណាមនៅតែទទួលបានជោគជ័យនូវការបំពេញភារកិច្ចដ៏សំខាន់ជាច្រើន រួមមានការលើកកម្ពស់តួនាទីប្រធានអាស៊ាន ឆ្នាំ២០២០ ប្រកបដោយប្រសិទ្ធភាព និងជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ២០២០-២០២១។ ទន្ទឹមនឹងនេះវៀតណាមបានប្រកាន់ខ្ជាប់នូវគោលមាគ៌ានៃកិច្ចការបរទេសឯករាជ្យនិងស្វ័យភាព ព្រមទាំងមានភាពម្ចាស់ការនិងភាពសកម្មក្នុងការចូលរួមពិគ្រោះយោបល់លើបញ្ហាក្នុងតំបន់និងអន្តរជាតិ ហេតុដូច្នេះវៀតនាមបានទទួលជោគជ័យយ៉ាងខ្លាំង និងមានកិត្យានុភាពនិងឋានៈដ៏គួរឲ្យមោទនភាពលើវិស័យការទូត ហើយវៀតណាមក៏បាននិងកំពុងលើកកំពស់តួនាទីរបស់ខ្លួនដោយឥតឈប់ឈរនៅលើឆាកវេទិកាតំបន់និងពិភពលោកផងដែរ។

ក្នុងនាមជាប្រទេសមិត្តដ៏ស្និទ្ធស្នាលជាមួយវៀតណាម ប្រទេសឡាវមានមោទនភាពនិងកោតសរសើរយ៉ាងខ្លាំងចំពោះជ័យជំនះនៃវិស័យការទូតវៀតណាម ហើយនេះក៏ជាកម្លាំងចលករដ៏ធំធេងមួយដើម្បីលើកទឹកចិត្ត សម្រាប់ការទូតឡាវ ព្រមទាំងសូមថ្លែងអរគុណចំពោះជំនួយការគាំទ្រ កិច្ចសហប្រតិបត្តិការនិងការសម្របសម្រួលយ៉ាងជិតស្និទ្ធក្នុងកិច្ចការបរទេសទាំងទ្វេភាគីនិងពហុភាគីផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេង វុធ្ធី）