យុគសម័យ- ខណៈពេលដែលអនុវត្តវិធានការដាក់ឲ្យនៅដាច់ដោយឡែក តាមការកំណាត់ ក្រុមអ្នកជំនាញវេជ្ជសាស្ត្រគុយបានៅតែផ្លាស់ប្តូរ តាមប្រព័ន្ធអ៊ីនធើណិតជាទៀងទាត់ជាមួយក្រុមគ្រូពេទ្យយោធាវៀតណាម។ នៅពេលបញ្ចប់អំឡុងពេលដាក់ឲ្យនៅដាច់ដោយឡែក ក្រុមអ្នកជំនាញវេជ្ជសាស្ត្រគុយបា បានត្រៀមខ្លួនធ្វើការយ៉ាងជិតស្និទ្ធជាមួយវេជ្ជបណ្ឌិតវៀតណាម ក្នុងទីក្រុង Da Nang។
ប្រទេសគុយបាបានបរិច្ចាគថ្នាំនិងបញ្ជូនអ្នកជំនាញទៅកាន់ប្រទេសវៀតណាម ដើម្បីជួយប្រទេសនេះប្រយុទ្ធប្រឆាំងនឹងជំងឺ COVID-19។ (រូបថត៖ ទីភ្នាក់ងារសារព័ត៌មានវៀតណាម)
ប្រទេសគុយបាក៏គាំទ្រដល់ប្រទេសវៀតណាមថ្នាំ interferon Alfa 2B ចំនួន ២ ពាន់ដបផងដែរ។ នេះគឺជាថ្នាំដែលទទួលស្តង់ដាររបស់អឺរ៉ុបនៅពេលដែលចាក់ថ្នាំនេះបញ្ចូលក្នុងរាងកាយដែលនឹងបង្កើនអង់ទីក័រ ប្រឆាំងនឹងវីរុស corona។ ប្រការនេះមានសារៈសំខាន់ក្នុងការព្យាបាលសម្រាប់អ្នកជម្ងឺធ្ងន់ធ្ងរ។ ថ្នាំទាំងអស់ត្រូវបញ្ជូនទៅកាន់ខេត្ត Quang Nam និង Da Nang ភ្លាមៗ។
ឯកអគ្គរដ្ឋទូតគុយបាប្រចាំនៅប្រទេសវៀតណាម លោកស្រី Lianys Torres Rivera បាននិយាយថា ថ្នាំ interferon Alfa 2B បានប្រើប្រាស់ប្រកបដោយប្រសិទ្ធភាព ក្នុងការព្យាបាលចំពោះអ្នកមានជំងឺ COVID-19 នៅប្រទេសគុយបា ដែលកាត់បន្ថយអត្រាអ្នកជំងឺមានអាការៈធ្ងន់ធ្ងរ។ លោកស្រីបានមានប្រសាសន៍ថា“ ប្រទេសជាង ៨០ បានបង្ហាញនូវបំណងចង់ទិញថ្នាំនេះពីប្រទេសគុយបា ដោយបង្ហាញពីប្រសិទ្ធភាពរបស់ថ្នាំក្នុងការបង្ការនិងប្រយុទ្ធប្រឆាំងនឹងជំងឺរាតត្បាត” ។
ទន្ទឹមនឹងនេះ សំភារៈបរិក្ខារពេទ្យចំនួន ៣ តោនរបស់ប្រទេសវៀតណាមដែលជួយគាំទ្រដល់ប្រទេសគុយបា រួមមាន ឧបករណ៍(Kit) ធ្វើតេស្ត រកឃើញជំងឺ COVID-19 យ៉ាងឆាប់រហ័ស ម៉ាស់ពេទ្យ របាំងវេជ្ជសាស្ត្រ, សម្លៀកបំពាក់ការពារ ... ក៏ត្រូវបានបញ្ជូនទៅកាន់ទីក្រុង La Habana ./.
(បកប្រែដោយឌីណា)
មតិពីមិត្តអ្នកអាន