យុគសម័យ - នៅព្រឹកថ្ងៃទី ១៤ ខែមេសា នៅទីស្នាក់ការសមាគមខ្មែរ - វៀតណាមនៅរាជធានីភ្នំពេញប្រជាជនកម្ពុជាមានដើមកំណើតវៀតណាមនិងប្រជាជនកម្ពុជារាប់រយនាក់នៅរាជធានីភ្នំពេញបានជួបលំបាកដោយសារជំងឺរាតត្បាត Covid – 19 ទទួលបានអំណោយជាច្រើន។
គាំទ្រប្រជាជនកម្ពុជាមានដើមកំណើតវៀតណាមដែលកំពុងជួបការលំបាកដោយសារជំងឺរាតត្បាត Covid - 19។ (ប្រភព៖ TTXVN)
នេះគឺជាកម្មវិធីជំនួយបន្ទាន់ដែលផ្តួចផ្តើមដោយសមាគមខ្មែរ - វៀតណាម ដោយមានការគាំទ្រពីក្លឹបពាណិជ្ជកម្មវៀតណាមនៅកម្ពុជា (VBCC) ស្ថានទូតវៀតណាមប្រចាំនៅកម្ពុជានិងភ្នាក់ងារនិងអង្គភាពជាច្រើនក្នុងស្រុក។
សមាគមខ្មែរ - វៀតណាមបានឱ្យដឹងថា អំណោយប្រហែល ២០០ ត្រូវបានប្រគល់ជូនប្រជាជនដែលជួបការលំបាកបំផុត។ ទាំងនេះគឺជាអំណោយជាក់ស្តែងនៅពេលវេលាដ៏ត្រឹមត្រូវនៃពិធីបុណ្យចូលឆែមថ្មីប្រពៃណីខ្មែរ។ គ្រួសារនីមួយៗ នឹងទទួលបានអង្ករ ១៥ គីឡូ ម៉ាស់ចំនួន ១០ ម៉ាស់ ទឹកលាងដៃ និងថវិកាចំនួន ១០ ដុល្លារ។ លោក ស៊ឹម ជី ប្រធានសមាគមខ្មែរ-វៀតណាម បានឲ្យដឹងថាម៉ាស់ការពារមេរោគដែលត្រូវបានបញ្ជូនដោយបញ្ជាការដ្ឋានយោធភូមិភាគទី ៧ បញ្ជាការទីក្រុងហូជីមិញជូនដល់បងប្អូនកម្ពុជាមានដើមកំណើតវៀតណាម។
ក្នុងរយៈពេលមួយខែកន្លងមក ស្ថានអគ្គកុងស៊ុលវៀតណាមប្រចាំនៅក្រុងព្រះសីហនុ ខេត្តបាត់ដំបង និងសាខាជាច្រើននៃសមាគមខ្មែរ - វៀតណាមបានអនុវត្តសកម្មភាពគាំទ្រសហគមន៍ជាក់ស្តែងនៅតាមមូលដ្ឋានជាច្រើន៕
（ប្រែសម្រូលដោយវិច្ឆិកា）
មតិពីមិត្តអ្នកអាន