យុគសម័យ - ដើម្បីជួយគាំទ្រនិងរួមជាមួយបងប្អូនកសិករដើមកំណើតវៀតណាមនៅកម្ពុជា ក្នុងស្ថានភាពលំបាកនៃការរីករាលដាលនៃជំងឺ COVID-19 ក្រុមហ៊ុនជីប្រូតេអ៊ីន Ca Mau បានចាប់ផ្តើមយុទ្ធនាការគាំទ្របន្ទាន់សម្រាប់កសិករដើមកំណើតវៀតណាមនៅកម្ពុជា។
ក្រុមហ៊ុនជីប្រូតេអ៊ីន Ca Mau ជួយគាំទ្របងប្អូនកសិករដើមកំណើតវៀតណាមនៅកម្ពុជា ដើម្បីកាត់បន្ថយផលប៉ះពាល់ដោយជំងឺ COVID-19 ។ (រូបថត៖VGP)
អាស្រ័យហេតុនេះក្រុមហ៊ុនជីប្រូតេអ៊ីន Ca Mau បានគាំទ្រម៉ាស់ពេទ្យចំនួន ៥០០០ ដែលត្រូវបានផ្តល់ តាមរយៈប្រព័ន្ធសាខាលក់ជីប្រូតេអ៊ីន Ca Mau នៅកម្ពុជា ថែមទាំង ការជួយឧបត្ថម្ភថវិការដែលមានទឹកប្រាក់ស្មើនឹងតំលៃអង្ករចំនួន ៥ តោនទៅកាន់ស្ថានទូតវៀតណាមប្រចាំនៅកម្ពុជា។ គេដឹងថា អំណោយទាំងអស់នេះត្រូវបានប្រគល់ជូនកសិករដើមកំណើតវៀតណាមដែលកំពុងរស់នៅក្នុងប្រទេសកម្ពុជា ដើម្បីជួយប្រជាជនកាត់បន្ថយភាពខ្វះខាត។
លោក Nguyen Van Vinh អាយុ ៥៧ ឆ្នាំនៅខេត្តរតនគិរី (ប្រទេស កម្ពុជា) បានមានប្រសាសន៍ថា គ្រួសាររបស់លោកមានការលំបាកខ្លាំង ណាស់ ចិញ្ចឹមកូនតូចៗ ចំនួន ៣ នាក់។ ប៉ុន្តែគ្រួសារលោករងផលប៉ះពាល់យ៉ាងខ្លាំង ដោយសាររោគរាតត្បាត។ លោកបានបាត់បង់ការងារ ដូច្នេះគ្រួលសារមិនមានប្រាក់ចំណូលទេ។ លោកនិងបងប្អូនកសិករដើមកំណើតវៀតណាមមានសេចក្តីរីករាយនិងដឹងគុណចំពោះការយកចិត្តទុកដាក់នៃស្ថានទូត អាជីវកម្មវៀតណាម ក៏ដូចជាក្រុមហ៊ុនជីប្រូតេអ៊ីន Ca Mau នៅគ្រាលំបាកនេះ។
នេះគឺជាយុទ្ធនាការសកម្មភាពមួយរបស់ក្រុមហ៊ុនជីប្រូតេអ៊ីន Ca Mau ដើម្បីចែករំលែកការព្រួយបារម្ភរបស់កសិករដើមកំណើតវៀតណាម ជាពិសេសអ្នកដែលស្ថិតក្នុងស្ថានភាពលំបាក។ សង្ឃឹមថា ជាមួយនឹងអំណោយទាំងនេះបងប្អូនកសិករដើមកំណើតវៀតណាមនៅកម្ពុជានឹងឆ្លងកាត់ជំងឺរាតត្បាត ហើយនឹងវិលត្រឡប់ទៅរកជីវភាពប្រចាំថ្ងៃរបស់ពួកគេ នាពេលឆាប់ៗនេះ./.(បកប្រែដោយឌីណា)
មតិពីមិត្តអ្នកអាន