យុគសម័យ - ក្រុមគ្រូពេទ្យបានចុះទៅសាកសួរសុខទុក្ខ ពិនិត្យជំងឺនិងផ្តល់ថ្នាំដោយឥតគិតថ្លៃដល់ប្រជាជនដើមកំណើតវៀតណាមនិងប្រជាជនខ្មែរចំនួន ៥០០ នាក់ ដែលបានស្ថានភាពលំបាក។
Ảលោក Le Quang Trung អញ្ជើញថ្លែងមតិក្នុងពិធី (រូបថតៈ TTXVN)
នាថ្ងៃទី ១២ ខែសីហា សមាគមកាកបាទក្រហមខេត្ត Tay Ninh បានរួមសហការជាមួយសមាគមកាកបាទក្រហមខេត្តកំពង់ឆ្នាំង (កម្ពុជា) ដើម្បីរៀបចំកម្មវិធីពិនិត្យជំងឺនិងផ្តល់ថ្នាំដោយឥតគិតថ្លៃ រួមទាំងជូនអំណោយដល់បងប្អូនចំនួន ៥០០ នាក់ដែលជាអាណិជននិងប្រជាជនកម្ពុជាក្រីក្រ នៅស្រុកកំពង់ត្រឡាច ខេត្តកំពង់ឆ្នាំង។
ប្រជាជននៅស្រុកកំពង់ត្រឡាច ខេត្តកំពង់ឆ្នាំង ចូលរួមក្នុងកម្មវិធី (រូបថតៈ TTXVN)
ក្រៅពីការពិនិត្យជំងឺនិងផ្តល់ឱសថដោយឥតគិតថ្លៃមក ក្រុមការងារក៏បានផ្តល់អំណោយចំនួន ៥០០ ចំណែក ដល់គ្រួសារវៀតណាមនិងកម្ពុជាក្រីក្រនៅក្នុងស្រុកផងដែរ។ ការពិនិត្យជំងឺនិងផ្តល់ថ្នាំឥតគិតថ្លៃលើកនេះ ចំណាយសរុប ២៤០ លានដុង ដែលជាជំនួយឧបត្ថម្ភរបស់សមាគមកាកបាទក្រហមខេត្ត Tay Ninh និងសមាគមកាកបាទក្រហមខេត្តកំពង់ឆ្នាំង(កម្ពុជា) រួមទាំងសប្បុរសជនទៀតផង។
ទិដ្ឋភាពនៃកម្មវិធី (រូបថតៈ TTXVN)
លោក Le Quang Trung សមាជិកអចិន្ត្រៃយ៍នៃគណៈកម្មាធិការមជ្ឈឹមសមាគមកាកបាទក្រហមវៀតណាម និងជាប្រធានសមាគមកាកបាទក្រហមខេត្ត Tay Ninh បានចែករំលែកថា នេះជាសកម្មភាពមួយក្នុងចំណោមសកម្មភាពជាច្រើនដើម្បីបង្ហាញនូវការស្រឡាញ់រាប់អានរបស់ប្រជាជនវៀតណាមនិយាយរួម និងខេត្ត Tay Ninh និយាយដោយឡែកសម្រាប់អាណិកជន ក៏ដូចជាប្រជាជនកម្ពុជានៅខេត្តកំពង់ឆ្នាំងតែម្តង។ តាមរយៈកម្មវិធីនេះ នឹងបង្កើតការតភ្ជាប់កាន់តែរឹងមាំ រវាងប្រជាជននៃប្រទេសទាំងពីរវៀតណាម - កម្ពុជាជាពុំខាន។
ក្រុមគ្រូពេទ្យកំពុងពិនិត្យសុខភាពជូនប្រជាជន (រូបថតៈ VOV)
ទើបតែចេញពីបន្ទប់ចែកថ្នាំដោយឥតគិតថ្លៃ អ្នកស្រី Nguyen Thi Nga អាយុ ៥៤ ឆ្នាំដែលរស់នៅក្នុងប្រទេសកម្ពុជាអស់រយៈពេលជាង ៣០ ឆ្នាំរួចហើយ បាននិយាយថា អ្នកស្រីមានអាការៈឈឺខ្នង គេងមិនលក់និងមានសម្ពាធឈាមខ្ពស់ផង។ មកពិនិត្យជំងឺ អ្នកស្រីត្រូវបាន វេជ្ជបណ្ឌិតណែនាំពីវិធីព្យាបាលជំងឺនិងផ្តល់ថ្នាំដោយឥតគិតថ្លៃ រួមទាំងទទួលបានអំណោយទៀតផង។ អ្នកស្រីប្រាប់ថា ខ្លួនសប្បាយរីករាយយ៉ាងប្រៃលែង។
ទិដ្ឋភាពនៃកម្មវិធី (រូបថតៈ TTXVN)
សូមជម្រាបថា នាពេលកន្លងទៅ គ្រួសារកម្ពុជាដើមកំណើតវៀតណាមរាប់ពាន់គ្រួសារដែលរស់នៅក្នុងផ្ទះអណ្តែតទឹកនៅតាមបឹងទន្លេសាប ហើយត្រូវបានផ្លាស់ប្តូរទីលំនៅតាមសេចក្តីសម្រេចរបស់អាជ្ញាធរខេត្ត។ បច្ចុប្បន្ននេះ ក្រុមគ្រួសារទាំងនេះ កំពុងជួបការលំបាកជាច្រើន ក្នុងការស្ថិរភាពជីវភាពរស់នៅប្រចាំថ្ងៃ និងរកកន្លែងស្នាក់នៅយូរអង្វែងនោះ ហើយសកម្មភាពរបស់ក្រុមគូរពេទ្យវៀតណាម គឺមានអត្ថន័យធំធេងណាស់ ដែលបានអាជ្ញាធរនិងប្រជាជនកោតសរសើរយ៉ាងខ្លាំងផងដែរ៕
(យោងតាម vov.vn ប្រែសម្រួលដោយស្រីពេជ្រ)
មតិពីមិត្តអ្នកអាន