យុគសម័យ- នាថ្ងៃទី ១៧ មិថុនា នៅប៉ុស្តិ៍ការពារព្រំដែននៃច្រកទ្វារការពារព្រំដែន BuPrang (ខេត្ត Dak Nong) បញ្ជាការដ្ឋានការពារព្រំដែនខេត្ត Dak Lak បានរៀបចំពិធីប្រគល់សម្ភារៈឧបករណ៍ពេទ្យ និងស្បៀងអាហារ ជូនដល់កងកម្លាំងការពារព្រំដែនខេត្តមណ្ឌលគីរីនៃព្រះរាជាណាចក្រកម្ពុជា ដើម្បីប្រយុទ្ធប្រឆាំងនឹងជំងឺ Covid-19 ។
ពិធីប្រគល់សម្ភារៈឧបករណ៍ពេទ្យដល់កងកម្លាំងការពារព្រំដែនកម្ពុជា។ (រូបថត៖ Bienphong)
ថ្លែងក្នុងពិធីនេះលោកវរសេនីយ៍ឯក Tong Anh Tuan មេបញ្ជាការរងនៃបញ្ជាការដ្ឋានកងទ័ពការពារព្រំដែនខេត្ត Dak Lak បានប្រសាសន៍ថា ស្បៀងអាហារ សម្ភារៈឧបករណ៍ពេទ្យរបស់កងទ័ពការពារព្រំដែនវៀតណាម នាពេលនេះនឹងចូលរួមចំណែកជួយកងកម្លាំងការពារព្រំដែន ខេត្តមណ្ឌលគីរីបានកាត់បន្ថយការលំបាកនិងបានសហការយ៉ាងល្អជាមួយកងទ័ពការពារព្រំដែនខេត្ត Dak Lak ក្នុងការការពារនិងប្រយុទ្ធប្រឆាំងនឹងជំងឺ Covid-19។ ទន្ទឹមនឹងនេះធ្វើឱ្យប្រសើរឡើងនូវការងារផ្លាស់ប្តូរព័ត៌មាន ពង្រឹងការល្បាត ត្រួតពិនិត្យនិងគ្រប់គ្រងការការពារព្រំដែន។
ក្នុងនាមកម្លាំងវរការពារព្រំដែនខេត្តមណ្ឌលគិរី លោកវរសេនីយ៍ឯក ព្រៀក វុត្ថា មេបញ្ជាការរងនៃតំបន់ប្រតិបត្តិការសឹករងខេត្តមណ្ឌលគីរីបានថ្លែងអំណរគុណចំពោះការយកចិត្តទុកដាក់ ការគាំទ្រដ៏មានតម្លៃនិងជាក់ស្តែងរបស់បញ្ជាការដ្ឋានកងទ័ពការពារព្រំដែនខេត្ត Đắk Lắk ។ ជាមួយគ្នានេះលោកបានបញ្ជាក់ថា នេះគឺជាការលើកទឹកចិត្តដ៏ធំធេងសម្រាប់កងកម្លាំងការពារព្រំដែនខេត្តមណ្ឌលគីរីក្នុងកិច្ចការការពារនិងប្រយុទ្ធប្រឆាំងនឹងជំងឺ Covid-19 ដែលរួមចំណែកក្នុងការកសាងព្រំដែន ប្រកបដោយសន្តិភាព មិត្តភាព កិច្ចសហប្រតិបត្តិការនិងការអភិវឌ្ឍន៍./.
(បកប្រែដោយឌីណា)
មតិពីមិត្តអ្នកអាន