យុគសម័យ - កម្មវិធីជួបប្រាស្រ័យមិត្តភាពព្រំដែនវៀតណាម - ឡាវ- កម្ពុជាលើកដំបូង នឹងបានប្រព្រឹត្តទៅនាថ្ងៃទី២ និងថ្ងៃទី៣ ខែវិច្ឆិកា ឆ្នាំ២០១៨ នៅខេត្ត Kon Tum (នៃប្រទេសវៀតណាម)។ ក្នុងក្របខ័ណ្ឌនៃព្រឹត្តិការណ៍នេះ នឹងមានសកម្មភាពសំខាន់ៗជាច្រើន សំដៅរឹតបន្តឹងទំនាក់ទំនងសាមគ្គីភាព មិត្តភាពរវាងបបណ្តាអង្គភាព និងប្រជាជននៅតំបន់ព្រំដែន។
ដោយបានយល់ជ្រួតជ្រាបនូវអត្ថន័យ និងសារៈសំខាន់នៃជំនួបប្រាស្រ័យមិត្តភាពលើកនេះ កងទ័ពការពារព្រំដែនខេត្ត KonTum បាន និងកំពុងពន្លឿនការត្រៀមរៀបចំទាំងខ្លឹមសារ និងវិធីសាស្រ្តអនុវត្ត។
នោះគឺជាសកម្មភាពដូចជា៖ ជំនួបពិភាក្សាមិត្តភាព; ពិធីគោរពបង្គោលព្រំដែន; ការយាមល្បាតទូទៅនិងធ្វើជាសាក្សីការយាមល្បាតជាទូទៅ; ដាំដើមឈើនៅឧទ្យានមិត្តភាពតំបន់បង្គោលព្រំដែនរវាងវៀតណាម-ឡាវ-កម្ពុជា; ការព្យាបាលដោយឥតគិតថ្លៃសំរាប់ប្រជាជននៅដំបន់ព្រំដែន; ការផ្លាស់ប្តូរវប្បធម៌និងសិល្បៈ; ប្រគល់អាហារូបករណ៍សំរាប់សិស្សានុសិស្សមានស្ថានភាពលំបាកជាដើម។
ពិធីគោរពបង្គោលព្រំដែន និងការយាមល្បាតរួមគ្នារវាងកងកម្លាំងការពារព្រំដែនទាំងបី នឹងប្រព្រឹត្តទៅនៅម៉ោង៧ និង៤៥នាទី ព្រឹកថ្ងៃទី ៣ ខែវិច្ឆិកា ឆ្នាំ២០១៨។ នេះគឺជាខ្លឹមសារដ៏សំខាន់មួយនៃជំនួបប្រាស្រ័យមិត្តភាពព្រំដែនវៀតណាម - កម្ពុជា- ឡាវលើកដំបូង។
ខាងក្រោមនេះជារូបថតនៅក្នុងពិធីហ្វឹកហាត់រវាងកងកម្លាំងការពារព្រំដែនទាំងបីពោលគឺ៖ កម្មាភិបាល យុទ្ធជនកងទ័ពការពារព្រំដែន Kon Tum, កងអនុសេនាធំការពារព្រំដែន ៥៤១ (ឡាវ)៖
(យោងតាម bienphong.com ប្រែសម្រួលដោយ មិញ អាញ់)
មតិពីមិត្តអ្នកអាន