យុគសម័យ - រួមជាមួយប្រទេសទាំងមូលប្រយុទ្ធប្រឆាំងនឹងការរាតត្បាត Covid-19 នាពេលថ្មីៗនេះ នៅតំបន់ព្រំដែន មានអ្នកខ្លះសុខចិត្តបោះបង់ចោលការងារស្រួលៗ ដោយទទួលយកការងារដ៏លំបាកទៅវិញ - ពួកគេគឺជាកម្មាភិបាល និងយុទ្ធជននៃកងទ័ពការពារព្រំដែន ដែលកំពុងធ្វើការនិងយាមល្បាតទាំងយប់ទាំងថ្ងៃ ដើម្បីប្រយុទ្ធប្រឆាំងនឹងរោគរាតត្បាត។
កងទ័ពប្រជាជនវៀតណាមគឺជាកងទ័ពពិសេសមួយដែលត្រូវបានអប់រំបណ្តុះបណ្តាលនិងដឹកនាំដោយបក្សនិងលោកប្រធានហូជីមិញ។ ដូច្នេះកងទ័ពតែងតែដឹងច្បាស់ថា កងទ័ពរបស់ប្រជាជន ប្រយុទ្ធដើម្បីប្រជាជន។ នៅគ្រប់សមរភូមិក្នុងគ្រប់ស្ថានភាពទាំងអស់អត្តចរិតរបស់“កងទ័ពអ៊ុំ Ho” តែងតែចែងចាំងជានិច្ច។ នៅក្នុងការប្រយុទ្ធប្រឆាំងនឹង “ជំងឺរាតត្បាត” អស់រយៈពេល ២ ខែមកហើយ នៅតាមផ្លូវលំច្រករបៀង កងទ័ពការពារព្រំដែន និងកងជីវពលខិតខំប្រឹងប្រែងធ្វើការដោយមិនចេះនឿយហត់។ ពួកគាត់ធ្វើការយាមល្បាតទាំងយប់ទាំងថ្ងៃ ដើម្បីទប់ស្តាត់ការរីករាលដាលនៃជំងឺរាតត្បាត។
នាខែមេសានេះ ខ្ញុំបានទៅកាន់ប៉ុស្តិ៍ការពារព្រំដែន Vinh Nguon ទីក្រុង Chau Doc ។ នេះជាអង្គភាពទទួលបន្ទុកគ្រប់គ្រងខ្សែព្រំដែនដែលមានប្រវែង ១៥,៤ គីឡូម៉ែត្រ។ ខ្សែព្រំដែនក្រោមការគ្រប់គ្រងរបស់ប៉ុស្តិ៍ការពារព្រំដែននេះមានផ្លូវលំជាច្រើនដែលងាយស្រួលណាស់សម្រាប់ប្រជាជនធ្វើដំណើរឆ្លងកាត់ព្រំដែន។
វត្ថុប្រើប្រាស់នៅក្នុង“ផ្ទះ” គឺគ្មានអ្វី ក្រៅពីទឹកសុទ្ធ ២០ លីត្រធូបមួស ១ ប្រអប់ Sofel ១ ដប និងមីកញ្ចប់ពីរបីកញ្ចប់ប៉ុណ្ណោះទេ។
ចាប់ពីថ្ងៃទី ១០ ខែមីនា ២០២០ រហូតមកទល់ពេលនេះបុស្តិ៍ការពារព្រំដែន Vinh Nguon បានដាក់ពង្រាយប៉ុស្តិ៍ត្រួតពិនិត្យ ១ និងក្រុមត្រួតពិនិត្យចំនួន ១៥ សម្រាប់ទប់ស្កាត់ការរីករាលដាលនៃជំងឺ រាតត្បាតនៅតាមតំបន់ព្រំដែន។ ក្រៅពីភារកិច្ចប្រយុទ្ធប្រឆាំង Covid-19 អង្គភាពក៏សហការជាមួយកម្លាំងនគរបាល និងកងកំលាំងយោធាមូលដ្ឋានធ្វើការយាមល្បាត រក្សាសន្តិសុខនយោបាយសណ្តាប់ធ្នាប់និងសុវត្ថិភាពសង្គម ចូលរួមប្រយុទ្ធប្រឆាំងបទឧក្រិដ្ឋកម្មជាពិសេស អ្នកដែលឆ្លងដែនខុសច្បាប់ពីកម្ពុជាចូលមកវៀតណាម។
កម្មាភិបាល យុទ្ធជននៃកងទ័ពការពារព្រំដែននិងកងជីវពលដើរយាមល្បាតនៅតំបន់ព្រំដែន
លោកវរសេនីយ៍ឯកបំរុង Nguyen Van Thu មេប៉ុស្តិ៍ការពារព្រំដែនVinh Nguon បានឲ្យដឹងថា “ទោះបីជាស្ថិតក្នុងសម័យសន្តិភាពក៏ដោយ ក៏ប៉ុន្តែ Covid-19 ជាខ្មាំង - ជាសត្រូវឥតស្រមោល។ ដូច្នេះយើងបានប្តេជ្ញាថា“ ការប្រយុទ្ធប្រឆាំងនឹងរោគរាតត្បាតគឺដូចជាការប្រយុទ្ធប្រឆាំងនឹងសត្រូវ” កម្មាភិបាលនិងយុទ្ធជនទាំងអស់នៅតំបន់ព្រំដែននឹងខិតខំប្រឹងប្រែងអស់ពីសមត្ថភាពក្នុងការបំពេញភារកិច្ចរបស់ខ្លួន ដោយមានគោលបំណងចូលរួមជាមួបក្សទាំងមូល កងទ័ព ទាំងមូល ប្រជាជនទាំងមូល និងរដ្ឋាភិបាលប្រយុទ្ធប្រឆាំងនឹងជំងឺរាតត្បាត” ។
ការលះបង់របស់កម្មាភិបាលនិងយុទ្ធជន ដែលកំពុងបំពេញភារកិច្ចនៅតំបន់ព្រំដែននោះបានទទួលការស្រឡាញ់រាប់អានពីប្រជាជន។ ម៉ាស់ទឹកថ្នាំសំលាប់មេរោគ មីកញ្ចប់ និងធូបមូសជាច្រើនរបស់ប្រជាជនដែលបានផ្ញើរជូនកងកម្លាំងការពារព្រំដែន។ នោះមិនត្រឹមតែជាវត្ថុប្រើប្រាស់ចំបាច់ដែល“សមរភូមិខាងក្រោយ” ផ្ញើរជូនទៅ” សមរភូមិនៅជួរមុខ” ប៉ុណ្ណោះទេ ថែមទាំងវាក៏ជាមនោសញ្ចេតនានិងជំនឿរបស់ប្រជាជនដែលបានផ្ញើជូនបងៗទាហាន ដើម្បីបន្តប្រយុទ្ធនឹងសត្រូវឥតស្រមោលនេះដែរ។ ។
ដោយទទួលបានធុងទឹកសុទ្ធមីកញ្ចប់និងធូបមួសពីលោកស្រី Dang Thi Du Khanh (រស់នៅទីរួមស្រុក Tinh Bien ស្រុកTinh Bien ខេត្ត An Giang) លោកអនុសេនីយ៍ឯក Huynh Quoc Huy មេរងប៉ុស្តិ៍ច្រកទ្វាព្រំដែន Long Binh (ស្រុក An Phu) បានចែករំលែកថា“ នេះគឺជាការលើកទឹកចិត្តដ៏ធំធេងសម្រាប់កម្មាភិបាល និងយុទ្ធជននៃ កងទ័ពការពារព្រំដែន។ គ្មានអ្វីដែលមានតម្លៃជាងមនោសញ្ចេតនាដែលប្រជាជនផ្តល់ជូននោះទេ។
ប្រជាជនផ្តល់គ្រឿងឧបភោគបរិភោគជូនកម្មាភិបាល និងយុទ្ធជនកងទ័ពការពារព្រំដែន។
លោកស្រី Dang Thi Du Khanh ឲ្យដឹងថា“គ្មានអ្វីពិសេសទេគ្រាន់តែជាមីកញ្ចប់ ៣០ កែស ទឹកសុទ្ធ ៨០ កែស ធូបមួស ៨០ ប្រអប់នោះទេ ខ្ញុំគ្រាន់តែចង់លើកទឹកចិត្តដល់បងៗ ទាំងអស់ឲ្យពួកគាត់បំពេញភារកិច្ចបានល្អ។ នេះជាកន្លែងដែលទទួលអណិកជនវៀតណាមដែលវិលត្រឡប់មកពីកម្ពុជាមានចំនួនច្រើនបំផុត ដែលយុទ្ធជននៅទីនេះក៏មានភាពនឿយហត់ខ្លាំងបំផុតដែរ ដូច្នេះខ្ញុំសំរេចចិត្តផ្តល់អំណោយឲ្យកន្លែងនេះជាមុនសិន”។
យុទ្ធជននៃកងទ័ពការពារព្រំដែនណែនាំប្រជាជនឱ្យបំពេញបែបបទឆ្លងដែន និងរាយការណ៍ព័ត៌មានអំពីស្ថានភាពសុខភាព។
លោកអនុសេនីយ៍ឯក Huynh Quoc Huy បានចែករំលែកថា “មិនថាពេលថ្ងៃឬពេលយប់នោះទេ នៅពេលដែលប្រជាជនយើងត្រឡប់មកវិញ គឺយើងទទួលស្វាគមន៍ជានិច្ច ទោះជាវាពិតជាមានភាពនឿហត់ក៏ដោយ ក៏ប៉ុន្តែនៅពេលដែនលឺពាក្យអរគុណ ឃើញស្នាមញញឹមរបស់ប្រជាជន នៅពេលពួកគេបានវិលត្រឡប់មកមាតុភូមិជាទីស្រឡាញ់វិញ យើងក៏លេងមានភាពនឿហត់ដែរ”
អណិកជនវៀតណាមត្រូវបានយកទៅដាក់ឲ្យនៅតំបន់ដាច់ដោយឡែកពីគេ។
លោកស្រី Nguyen Thi An អាយុ ៥២ ឆ្នាំរស់នៅសង្កាត់ Chau Phu ទីក្រុង Chau Doc បានចែករំលែកថា“ ខ្ញុំរកស៊ីនៅភ្នំពេញ ខ្ញុំទៅដល់ច្រកទ្វារព្រំដែន ចំនៅពេលយប់ជ្រៅហើយ។ ប៉ុន្តែកម្មាភិបាល និងយុទ្ធជននៃកងទ័ពការពារព្រំដែន នៅតែទទួលស្វាគមន៍ខ្ញុំ ហើយណែនាំខ្ញុំបំពេញបែបបទឆ្លងដែន និងរាយការណ៍ព័ត៌មានអំពីសុខភាព ហើយនាំខ្ញុំនិងមនុស្សមួយចំនួនទៀតទៅកាន់កន្លែងដាក់ឲ្យនៅដាច់ដោយឡែកពីគេ។ ខ្ញុំពិតជាដឹងគុណនិងមានអារម្មណ៍រំភើបចិត្តខ្លាំងណាស់។
ក្រុមបេសកម្មនៃគណៈប្រតិភូខេត្តបានចុះសួរសុខទុក្ខនិងប្រគល់អំណោយកម្លាំងការពារព្រំដែន។
លោក Lam Thanh Si លេខានៃសម្ព័ន្ធយុវជនខេត្ត An Giang បានចែករំលែកថា “ដើម្បីបង្ហាញពីការយកចិត្តទុកដាក់ និងការរួមដំណើររបស់យុវជនក្នុងខេត្ត ជាមួយកម្លាំងនៅជួរមុខក្នុងការប្រយុទ្ធប្រឆាំងនឹងរោគរាតត្បាត ចាប់តាំងពីដើមខែមេសារហូតមកដល់ពេលនេះសម្ព័ន្ធយុវជនក្នុងខេត្តបានរៀបចំដំណើរទស្សនកិច្ចទៅសួរសុខទុក្ខ លើកទឹកចិត្ត និងប្រគល់គ្រឿងឧបភោគបរិភោគជាច្រើនជូនកងកម្លាំងការពារព្រំដែន។
គណៈកម្មាធិការបក្ស ក្រុមប្រឹក្សា ប្រជាជន គណៈកម្មាធិការប្រជាជននិងគណៈកម្មាធិការរណសិរ្សមាតុភូមិវៀតណាមនៃខេត្ត An Giang រៀបចំដំណើរទស្សនកិច្ចទៅសួរសុខទុក្ខ និងលើកទឹកចិត្តដល់កម្លាំងការពារព្រំដែន
ទន្ទឹមនឹងនោះ គណៈប្រតិភូជាច្រើននៃគណៈកម្មាធិការបក្ស ក្រុមប្រឹក្សាប្រជាជនគណៈកម្មាធិការប្រជាជនគណៈកម្មាធិការរណសិរ្សមាតុភូមិវៀតណាមនិងអង្គការនយោបាយនានានៃខេត្ត An Giang ក៏បានទៅសួរសុខទុក្ខ និងប្រគល់អំណោយលើកទឹកចិត្តកម្លាំងការពារព្រំដែនឲ្យបំពេញបានល្អនូវភារកិច្ចរបស់ខ្លួនផងដែរ៕
（បកប្រែដោយឌីណា）
មតិពីមិត្តអ្នកអាន