យុគសម័យ - នាថ្ងៃទី ៤ ខែកុម្ភៈ បុស្តិ៍ការពារព្រំដែន Na Hinh នៃកងទ័ពការពារព្រំដែនខេត្ត Lang Son សហការជាមួយគណៈកម្មាធិការប្រជាជនស្រុក Van Lang ខេត្ត Lang Son បានរៀបចំការផ្សព្វផ្សាយឃោសនាអំពីការបង្ការ និងទប់ស្កាត់ការឆ្លងជំងឺផ្លូវដង្ហើមដោយវីរុសកូរ៉ូណាប្រភេទថ្មី (nCoV) ព្រមទាំងផ្តល់ជូនម៉ាស់សុវត្ថិភាព ចំនួន ៤,០០០ គ្រឿងដោយឥតគិតថ្លៃដល់ប្រជាជននៅឃុំចំនួន ៣ គឺ Thanh Long – Thuy Hung – Trung Khanh (ស្រុក Van Lang និង Lang Son)។
ក្រុមការងារកំពុងផ្សព្វផ្សាយឃោសនាអំពីការបង្ការ និងទប់ស្កាត់ការឆ្លងជំងឺផ្លូវដង្ហើមដោយវីរុសកូរ៉ូណាប្រភេទថ្មី (nCoV)
នៅនឹងកន្លែងផ្សព្វផ្សាយឃោសនា ប្រជាជនត្រូវបានក្រុមការងារផ្តល់ម៉ាស់សុវត្ថិភាព ដោយឥតគិតថ្លៃនិងចែកខិតប័ណ្ណអំពីកំរិតគ្រោះថ្នាក់ រួមទាំងវិធានការបង្ការនិងទប់ស្កាត់ការឆ្លងជំងឺ និងណែនាំប្រជាជនឱ្យពាក់ម៉ាស់ឱ្យបានត្រឹមត្រូវដើម្បីការពារខ្លួនឯងនិងគ្រួសាររបស់គេផងដែរ។ ទន្ទឹមនឹងនេះក្រុមការងារក៏បានដាក់បំរាមជូនដល់ប្រជាជននៅក្នុងអំឡុងពេលនេះ មិនគួរចេញដំណើរទៅកាន់ប្រទេសចិន និងដាក់កម្រិតសកម្មភាពទស្សនានៅនិទាឃរដូវដើមឆ្នាំ ព្រមទាំងបង្ការនិងទប់ស្កាត់យ៉ាងសកម្មនូវជំងឺរាតត្បាតជំងឺចំពោះសាច់ញាតិនិងសហគមន៍ផងដែរ។
ខេត្ត Lang Son ជម្រុញផ្សព្វផ្សាយអំពីការបង្ការនិងទប់ស្កាត់វីរុសកូរ៉ូណាដល់ប្រជាជននៅតាមតំបន់ព្រំដែន
លោកវរសេនីយ៍ឯក Trinh Huu Tang ប្រធានផែនកនយោបាយកងទ័ពការពារព្រំដែនខេត្ត Lang Son បានឲ្យដឹងថា ក្នុងបរិការណ៍នៃការវិវត្តន៍យ៉ាងស្មុគស្មាញនៃការរីករាលដាលនៃជំងឺរលាកសួតដោយវីរុស nCoV នោះគណៈកម្មាធិការបក្សនិងបញ្ជាការដ្ឋានកងទ័ពការពារព្រំដែនខេត្ត Lang Son បានដឹកនាំអង្គភាពនានាត្រូវចាត់វិធានការណ៍បង្ការនិងទប់ស្កាត់ការរាតត្បាតជំងឺដ៏កាចសាហាវនេះព្រមទាំងជម្រុញការផ្សព្វផ្សាយឃោសនានិងចែកម៉ាស់សុវត្ថិភាពចំនួន ៣០០០០ គ្រឿងដោយឥតគិតថ្លៃដល់ប្រជាជននៅតាមតំបន់ព្រំដែនផងដែរ៕(បកប្រែដោយ ហេង វុធ្ធី)
មតិពីមិត្តអ្នកអាន