យុគសម័យ - រយៈពេល ២ ថ្ងៃ (ថ្ងៃទី ៣ ដល់ថ្ងៃទី ៤ ខែតុលា) សម្ព័ន្ធសមាគមស្ត្រី ខេត្ត An Giang បញ្ជាការដ្ឋានកងទ័ពការពារព្រំដែនខេត្ត An Giang និងក្រុមជនសប្បុរសធម៌វ័យក្មេងទីក្រុង Ho Chi Minh បានសហការជាមួយគ្នា ដើម្បីរៀបចំសកម្មភាព “ជួយឧបត្ថម្ភការរៀនសូត្រ” សុខមាលភាព ក្រោមប្រធានបទ“ ឆ្ពោះទៅតំបន់ព្រំដែន” នៅភូមិសាស្ត្រនៃឃុំ Nhon Hoi ស្រុក An Phu ខេត្ត An Giang ។
តាមនោះ បណ្តាអង្គភាពខាងលើនេះបានប្រគល់ជូន “ ផ្ទះសម្បុរសធម៌មួយក្បាលនៅក្នុងតំបន់ព្រំដែន” ដែលមានតម្លៃ ៤០ លានដុងដល់គ្រួសារមួយដែលស្ថិតក្នុងស្ថានភាពលំបាកខ្លាំង ហើយបានមកសួរសុខទុក្ខ លើកទឹកចិត្តនិងផ្តល់អំណោយចំនួន ១០០ កញ្ចប់ ជូនដល់គ្រួសារទទួលរបបឧបត្ថម្ភពីរដ្ឋដែលមានស្ថានភាពលំបាកខ្លាំង ហើយបានប្រគល់អាហារូបករណ៍ចំនួន ៣០ និងអំណោយចំនួន ៣០០ កញ្ចប់ និងកង់ចំនួន ១០ ជូនដល់កូនសិស្សក្រីក្រនិងសិស្សពួកែ នៅឃុំ Nhon Hoi ស្រុក An Phu។
ប្រគល់អំណោយដល់សិស្សក្រីក្រដែលមានស្នាដៃរៀនលូត្រប្រកបដោយល្អប្រសើរ។
ទន្ទឹមនឹងនេះបានរៀបចំស្តង់ជាច្រើនដែលលក់ទំនិញមានតម្លៃ ១០០០ ដុង ដូចជា៖សម្លៀកបំពាក់ ឧបករណ៍សម្ភារៈសិក្សា វត្ថុចាំបាច់សម្រាប់ប្រជាជននិងសិស្សមកទស្សនានិងទិញទំនិញ។ ស្តង់លក់ម្ហូបអាហារនិងល្បែងប្រជាប្រិយចំនួន ១០ កន្លែងសម្រាប់សិស្សានុសិស្សរីករាយលេងកម្សន្ត និងទទួលទានបរិភោគដោយឥតគិតថ្លៃ ... ក្រៅពីនេះមកសួរសុខទុក្ខនិងផ្តល់អំណោយដល់កងកម្លាំងឈរជើងនៅទីកន្លែងត្រួតពិនិត្យនិងប្រឆាំងជំងឺរាតត្បាតជំងឺ Covid-១៩ ចំនួន ១០ កន្លែង នៃប៉ុស្តិ៍កងទ័ពការពារព្រំដែនចំនួន ៣ នៅច្រកទ្វារព្រំដែន Long Binh Nhon Hoi Phu Hoi (កងទ័ព ការពារ ព្រំដែនខេត្ត An Giang) ។
ក្នុងសកម្មភាព“ ឆ្ពោះទៅតំបន់ព្រំដែន” គណៈកម្មាធិការរៀបចំកម្មវិធីនេះបានអញ្ជើញអ្នកចិត្តវិទ្យានៅទីក្រុង Ho Chi Minh រៀបចំ កម្មវិធីចែករំលែកចំណេះដឹងអំពីការបង្ការនិងទប់ស្កាត់ការរំលោភបំពានផ្លូវភេទលើកុមារដល់សិស្សានុសិស្ស នៅសាលាបឋមសិក្សា A Nhon ជាង ២៥០ នាក់ និងកម្មវិធីសិល្បៈ“ ឆ្ពោះទៅតំបន់ព្រំដែន” សម្រាប់កម្មាភិបាលនិងទាហាននៃកងការពារព្រំដែន ប្រជាជននិងសិស្សនៅឃុំ Nhon Hoi។
កងទ័ពការពារព្រំដែនឃុំ Nhon Hoi ផ្តល់អំណោយដល់សិស្សដែលចូលរួមក្នុងការលេងល្បែង។
ថវិកាសរុបសម្រាប់សកម្មភាពទាំងនេះមានទឹកប្រាក់ចំនួនប្រមាណ ៥០០ លានដុងដោយសម្ព័ន្ធសមាគមស្ត្រីខេត្ត An Giang បញ្ជាការដ្ឋានកងទ័ពការពារព្រំដែនខេត្ត An Giang និង ក្រុមជនសប្បុរសធម៌យុវជនទីក្រុង Ho Chi Minh បានសហការយ៉ាងជិតស្និទ្ធជាមួយគ្នា ។
សកម្មភាពខាងលើនេះអបអរសទរសន្និសីទបូកសរុបលទ្ធផលក្នុងរយៈពេល ៣ ឆ្នាំអនុវត្តកម្មវិធី “រួមដំណើរជាមួយស្ត្រីនៅក្នុងតំបន់ព្រំដែន ” ក្នុងដំណាក់កាលពីឆ្នាំ ២០១៨ - ២០២០ រវាងបញ្ជាការដ្ឋានកងទ័ពការពារព្រំដែនខេត្ត An Giang និងសម្ព័ន្ធសមាគមស្ត្រីខេត្ត An Giang , Vinh Long, Ca Mau និងមហោស្រព“ជួយឧបត្ថម្ភការរៀនសូត្រ” នៅឆ្នាំ ២០២០ …
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន