យុគសម័យ - យោងតាមអ្នកយកព័ត៌មានរបស់ទីភ្នាក់ងារសារព័ត៌មានវៀតណាមប្រចាំនៅញូវយ៉កប្រទេសអាមេរិក នាថ្ងៃទី ១០ ខែកញ្ញា មជ្ឈមណ្ឌលបូព៌ាខាងកើត (East West Center ) ដែលមានទីស្នាក់ការនៅទីក្រុងវ៉ាស៊ីនតោន សហរដ្ឋអាមេរិក បានប្រកាសធ្វើសិក្ខាសាលាតាមអ៊ិនធឺរណែតដោយប្រធានបទ“ ការទូតផ្នែកវិទ្យាសាស្ត្រ៖ កត្តាមួយដើម្បីបង្វែរទិសដៅយុទ្ធសាស្ត្រនៅសមុទ្រខាងកើត” ដែលរំពឹងថានឹងប្រព្រឹត្តទៅចាប់ពីម៉ោង ១០ ព្រឹកដល់ម៉ោង ១១ ៖ ៣០ ថ្ងៃទី ៣០ ខែកញ្ញាឆ្នាំ ២០២០ (ម៉ោងនៅសហរដ្ឋអាមេរិក) នៅតាមកម្មវិធី Zoom។
លោកសាស្ត្រាចារ្យរងបណ្ឌិត Nguyen Chu Hoi ប្រធានសមាគមវៀតណាមទទួលបន្ទុកបញ្ហាធម្មជាតិនិងបរិស្ថានសមុទ្រ។ រូបថតឯកសារ៖ VNA
នៅថ្ងៃទី ១០ ខែកញ្ញា មជ្ឈមណ្ឌលបូព៌ាខាងកើត ( East West Center) ដែលមានទីស្នាក់ការនៅទីក្រុងវ៉ាស៊ីនតោន សហរដ្ឋអាមេរិក បានប្រកាសរៀបចំ សិក្ខាសាលាតាមរយៈប្រព័ន្ធវីដេអូ Webinar ដោយប្រធានបទ “ការទូតផ្នែកវិទ្យាសាស្ត្រ៖ កត្តាមួយដើម្បីបង្វែរទិសដៅយុទ្ធសាស្ត្រនៅសមុទ្រខាងកើត” ដែលគ្រោងនឹងប្រព្រឹត្តិទៅនាព្រឹកថ្ងៃទី ៣០ ខែកញ្ញា ឆ្នាំ ២០២០ (ម៉ោងនៅសហរដ្ឋអាមេរិក)។ ព្រឹត្តិការណ៍នេះគឺជាផ្នែកមួយនៃក្របខ័ណ្ឌនៃសិក្ខាសាលាតាមរយៈប្រព័ន្ធវីដេអូស្ដីពីតំបន់មហាសមុទ្រ ឥណ្ឌា - ប៉ាស៊ីហ្វិក។ ម្យ៉ាងវិញទៀត សិក្ខាសាលានេះនឹងត្រូវបានបែងចែកជាពីរវគ្គ ជាអាទិ៍ វគ្គពិភាក្សាទី១ នឹងពិពណ៌នាអំពីបញ្ហាប្រឈមនៅសមុទ្រខាងកើត តាមទស្សនៈវិទ្យាសាស្ត្រ ហើយវគ្គពិភាក្សាទី ២ នឹងផ្ដោតសំខាន់លើបច្ចេកវិទ្យា ឧបករណ៍ និងឱកាសសហប្រតិបត្តិការវិទ្យាសាស្ត្រនៅសមុទ្រខាងកើតផងដែរ៕(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន