ថ្លែងបើកសន្និសីទអន្តរជាតិលើកទី២នេះ ឯកឧត្ដម ស៊ឹម កា បានគូសបញ្ជាក់ថា សន្និសីទនេះ គឺផ្តោតជាសំខាន់ទៅលើការកសាងសន្តិភាព មិត្តភាព និងសហប្រតិបត្តិការល្អ រវាងប្រទេសទាំងពីរកម្ពុជា-ឡាវ និងដើម្បីឧទ្ទិសដល់ទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការជាប្រពៃណីនេះកាន់តែស្អិតរមួត និងរឹងមាំខ្លាំងក្លាថែមទៀត។ ឯកឧត្ដមបានបន្ដថា ការជួបជុំនាពេលនេះ គឺជាទិដ្ឋភាពជាក់ស្តែងមួយបង្ហាញឱ្យឃើញពីការពូនជ្រុំបន្តពង្រឹង និងពង្រីកប្រពៃណីសាមគ្គីភាព មិត្តភាព និងសហប្រតិបត្តិការដ៏ល្អរវាងប្រជាជន និងប្រជាជន នៃប្រទេសទាំងពីរកម្ពុជា-ឡាវ ឱ្យកាន់តែទូលំទូលាយរឹងមាំ និងគង់វង្ស ស្ថិតស្ថេរយូរអង្វែងតទៅ។
ឯកឧត្ដម ស៊ឹម កា។
ថ្លែងបើកសន្និសីទអន្តរជាតិលើកទី២នេះ ឯកឧត្ដម ស៊ឹម កា បានគូសបញ្ជាក់ថា សន្និសីទនេះ គឺផ្តោតជាសំខាន់ទៅលើការកសាងសន្តិភាព មិត្តភាព និងសហប្រតិបត្តិការល្អ រវាងប្រទេសទាំងពីរកម្ពុជា-ឡាវ និងដើម្បីឧទ្ទិសដល់ទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការជាប្រពៃណីនេះកាន់តែស្អិតរមួត និងរឹងមាំខ្លាំងក្លាថែមទៀត។ ឯកឧត្ដមបានបន្ដថា ការជួបជុំនាពេលនេះ គឺជាទិដ្ឋភាពជាក់ស្តែងមួយបង្ហាញឱ្យឃើញពីការពូនជ្រុំបន្តពង្រឹង និងពង្រីកប្រពៃណីសាមគ្គីភាព មិត្តភាព និងសហប្រតិបត្តិការដ៏ល្អរវាងប្រជាជន និងប្រជាជន នៃប្រទេសទាំងពីរកម្ពុជា-ឡាវ ឱ្យកាន់តែទូលំទូលាយរឹងមាំ និងគង់វង្ស ស្ថិតស្ថេរយូរអង្វែងតទៅ។
ឯកឧត្ដមអនុប្រធានទី១ព្រឹទ្ធសភាបានសំណូមពរដល់សមាជិក សមាជិកានៃអង្គសន្និសីទទាំងអស់ សូមយកខ្លឹមសារនៃសេចក្តីប្រកាសរួមទៅបន្តផ្សព្វផ្សាយឱ្យបានទូលំទូលាយដល់ប្រជាជនគ្រប់ស្រទាប់វណ្ណៈ នៃប្រទេសទាំងពីរ ដោយពង្រឹង និងពង្រីកនូវប្រពៃណីសាមគ្គីភាព មិត្តភាព និងសហប្រតិបត្តិការល្អ ព្រមទាំងជំរុញលើកទឹកចិត្ត និងបង្កលក្ខណៈងាយស្រួលដល់ប្រជាជនឱ្យចូលរួមក្នុងគ្រប់សកម្មភាពសង្គម សកម្មភាពពាណិជ្ជកម្ម សេដ្ឋកិច្ច វប្បធម៌ វិទ្យាសាស្ត្រ អប់រំ វេជ្ជសាស្ត្រ បរិស្ថាន។ល។ ជាងនេះទៅទៀត ត្រូវលើកទឹកចិត្តដល់ថ្នាក់មូលដ្ឋានតាមបណ្តោយព្រំដែនប្រទេសទាំងពីរ ជាពិសេសរវាងខេត្ត និងខេត្ត ស្រុក និងស្រុក ឃុំ និងឃុំ ដែលមានព្រំដែនជាប់គ្នា រួមគ្នាចងសម័្ពន្ធភាពបង្កើតជាសមាគមមិត្តភាព ដើម្បីរឹតចំណងសាមគ្គីភាព មិត្តភាព សហប្រតិបត្តិការ និងប្រាស្រ័យ ទាក់ទងគ្នាលើគ្រប់វិស័យ ក្នុងនោះយកចិត្តទុកដាក់រក្សាការពារសន្តិសុខ សណ្តាប់ធ្នាប់នៅតាមបណ្តោយព្រំដែនផងដែរ។
ជាមួយគ្នានេះដែរ ឯកឧត្ដមអនុប្រធានទី១បានលើកឡើងទៀតថា ប្រទេសកម្ពុជា និងប្រទេសឡាវ ធ្លាប់បានឆ្លងកាត់នូវការលំបាក និងភាពប្រឈមរួមគ្នាជាច្រើន នៅក្នុងព្រឹត្តិការណ៍ប្រវត្តិសាស្ត្រជាច្រើនដំណាក់កាលមកហើយ។ ក៏ប៉ុន្តែបច្ចុប្បន្ន ប្រទេសទាំងពីរ បានឈានចូលទំព័រថ្មីនៃប្រវត្តិសាស្ត្រ ដោយសម្រេចបានសន្តិភាព បូរណភាពទឹកដី វឌ្ឍនភាព ការ អភិវឌ្ឍ និងបានបោះជំហានឈានឆ្ពោះទៅមុខប្រកបដោយភាពជឿជាក់ ក្នុងការរួមចំណែកដល់សុខសន្តិភាព កិច្ចសហប្រតិបត្តិការវិបុលភាព ការអភិវឌ្ឍ សេដ្ឋកិច្ចតំបន់ និងពិភពលោក។ ចំពោះទំនាក់ទំនងកម្ពុជា-ឡាវ បានរីកធំធាត់ និងរឹងមាំជាប្រចាំ ជាពិសេស នៅក្នុងដំណាក់កាលដែលប្រទេសជាតិមានសន្តិភាព ស្ថិរភាព និងការអភិវឌ្ឍ ការកើនឡើងនូវការផ្លាស់ប្តូរទស្សនកិច្ចជាផ្លូវរដ្ឋ ផ្លូវការជាញឹកញាប់របស់ថ្នាក់ដឹកនាំកម្ពុជា-ឡាវ ក្នុងរយៈពេលប៉ុន្មានឆ្នាំចុងក្រោយនេះ មានអត្ថន័យធំធេងណាស់ ដោយបានពង្រឹង និងធ្វើឱ្យកាន់តែស៊ីជម្រៅថែមទៀត នូវចំណងសាមគ្គីភាព មិត្តភាពដ៏ល្អប្រពៃ និងសហប្រតិបត្តិការជិតស្និទ្ធ។ ក្រៅពីនេះ ទំនាក់ទំនងទ្វេរភាគី បានស្តែងចេញជាផ្លែផ្កាលើគ្រប់វិស័យ ពីវិស័យនយោបាយរហូតដល់វិស័យសេដ្ឋកិច្ច សង្គមកិច្ច ឧស្សាហកម្ម ទេសចរណ៍ វប្បធម៌ និងវិទ្យាសាស្ត្រ។ ទន្ទឹមនេះ ទំនាក់ទំនងពាណិជ្ជកម្ម រវាងប្រទេសទាំងពីរកាន់តែកើនឡើងជាលំដាប់ ហើយដំណោះស្រាយបញ្ហាព្រំដែនទទួលបានលទ្ធផលជាវិជ្ជមាន ជាពិសេសព្រំដែនគោក ត្រូវបានដោះស្រាយស្ទើរតែចប់ទាំងស្រុងផងដែរ។
ទិដ្ឋភាពនៃកិច្ចប្រជុំ។
ឯកឧត្ដម ស៊ីម កា បានបន្ថែមថា កត្តាទាំងនេះ បានផ្តល់នូវបរិស្ថានគ្របដណ្តប់ដ៏ប្រសើរសម្រាប់ការរក្សាសន្តិភាព ស្ថិរភាព ការបង្កើនល្បឿនអភិវឌ្ឍន៍សេដ្ឋកិច្ច ការលើកកម្ពស់ជីវភាពប្រជាជន និងកាត់បន្ថយភាពក្រីក្ររបស់ប្រជាជននៃប្រទេសទាំងពីរ។
ឯកឧត្ដមអនុប្រធានទី១ព្រឹទ្ធសភាបានសម្តែងជាថ្មីនូវការគោរពដឹងគុណដ៏ស្មោះស្ម័គ្រ និងជ្រាលជ្រៅបំផុតចំពោះបក្ស រដ្ឋ រណសិរ្ស និងប្រជាជនឡាវជាបងប្អូន ដែលតែងតែបានរួមចំណែក នៅគ្រប់ដំណាក់កាលរបស់កម្ពុជា ក្នុងបុព្វហេតុរំដោះ និងសង្រ្គោះមាតុភូមិ និងប្រជាជនកម្ពុជា ឱ្យរួមចាកផុតពីគ្រោះមហន្តរាយ នៃសង្គ្រាម និងបានរួមចំណែកក្នុងដំណើរការស្វែងរកសន្តិភាព និងភាពយុត្តិធម៌ ជូនដល់ប្រទេសកម្ពុជា។
សូមបញ្ជាក់ថា សន្និសីទនេះ ក៏ជាវេទិកាមួយក្នុងគោលបំណងដើម្បីពិនិត្យ និងបូកសរុបលទ្ធផលការងាររបស់រណសិរ្សនៃប្រទេសទាំងពីរកម្ពុជា-ឡាវ ជាពិសេសរវាងគណៈកម្មការរណសិរ្សខេត្តជាប់ព្រំដែនចំនួនបីខេត្តរបស់កម្ពុជា និងខេត្តជាប់ព្រំដែនចំនួនពីររបស់ឡាវ ក្នុងរយៈពេលមួយឆ្នាំ នៃការអនុវត្តតាមស្មារតីអនុស្សរណៈ នៃការយោគយល់គ្នា ស្តីពីកិច្ចសហប្រតិបត្តិការឆ្នាំ២០១៩-២០២៣ រវាងរណសិរ្សប្រទេសទាំងពីរកម្ពុជា-ឡាវ ដែលបានចុះហត្ថលេខាកាលពីថ្ងៃទី១៤ ខែកុម្ភៈ ឆ្នាំ២០១៩ នៅខេត្តចំប៉ាសាក់ នៃសាធារណរដ្ឋប្រជាធិបតេយ្យប្រជាមានិតឡាវ៕
(សរុបដោយវិច្ឆិកា)
មតិពីមិត្តអ្នកអាន