នាព្រឹកថ្ងៃទី ៣១ ខែធ្នូ នៅច្រកទ្វារព្រំដែនអន្តរជាតិ Le Thanh (ខេត្ត Gia Lai នៃប្រទេសវៀតណាម) បញ្ជាការដ្ឋានកងទ័ពការពារព្រំដែនខេត្ត Gia Lai បានជួបធ្វើការជាមួយក្រុមការងារនៃកងកម្លាំងគ្រប់គ្រង ការពារព្រំដែនខេត្តរតនគិរី។
នៅជំនួបការងារ ភាគីទាំងពីរបានវាយតម្លៃខ្ពស់ចំពោះលទ្ធផលនៃការសម្របសម្រួលក្នុងការគ្រប់គ្រង និងការការពារព្រំដែន ក៏ដូចជាការត្រួតពិនិត្យព្រំដែន ការការពារ និងប្រយុទ្ធប្រឆាំងឧក្រិដ្ឋកម្ម ជាពិសេស ការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 និងការកំណត់ទិសដៅសហប្រតិបត្តិការសម្រាប់ឆ្នាំ២០២១។
តំណាងបញ្ជាការដ្ឋានកងទ័ពការពារព្រំដែនខេត្ត Gia Lai ប្រគល់សម្ភារៈបរិក្ខារពេទ្យដល់កងកម្លាំងការពារព្រំដែនកម្ពុជា
ក្នុងឱកាសនេះ បញ្ជាការដ្ឋានកងទ័ពការពារព្រំដែនខេត្ត Gia Lai បានប្រគល់ជូនកងកម្លាំងការពារព្រំដែនកម្ពុជានូវអង្ករចំនួន ១.៤ តោន, ស្ករសចំនួន ១.១ តោន, ម៉ាស់ចំនួន ១៧,០០០ សន្លឹក និងសម្ភារៈបរិក្ខារពេទ្យមួយចំនួនទៀត ដើម្បីបង្ការ និងប្រយុទ្ធប្រឆាំងនឹងជំងឺរាតត្បាត Covid-19 ដែលមានតម្លៃជាង ២០០ លានដុង./.
(ប្រភពព័ត៌មាន: kh.qdnd.vn,)
មតិពីមិត្តអ្នកអាន