ពិធីបិទវគ្គបណ្តុះបណ្តាលយោធាសម្រាប់កងយោធពលខេមរភូមិន្ទ

លោកឧត្តមសេនីយ៍ត្រី Nguyen Van Nam មេបញ្ជាការរងនៃយោធភូមិភាគទី ៧ (រូបថត៖ baoquankhu7.vn)

លោកឧត្តមសេនីយ៍ត្រី Nguyen Van Nam មេបញ្ជាការរងនៃយោធភូមិភាគទី ៧ បានវាយតម្លៃចំពោះសាលាយោធាយោធាភូមភាគ ទី៧សហការយ៉ាងជិតស្និទ្ធជាមួយស្ថាប័ននានានៃយោធាភូមិភាគក្នុងការរៀបចំការបង្រៀនក៏ដូចជាសកម្មភាពបន្ថែមនៅខាងក្រៅថ្នាក់នៃវគ្គបណ្តុះបណ្តាលផងដែរ។ ទន្ទឹមនេះលោកក៏បានកោតសរសើរដល់សិក្ខាកាមដែលបានខិតខំប្រឹងប្រែងនិងចូលរួមយ៉ាងសកម្មក្នុងការបំពេញខ្លឹមសារនៃកម្មវិធីបណ្តុះបណ្តាលនេះហើយប្រការនេះបានបញ្ជាក់ពីចំណងមិត្តភាពនិងសាមគ្គីភាពរវាងវៀតណាមនិងកម្ពុជា ដែលត្រូវបានពូនជ្រំឡើងដោយជំនាន់ថ្នាក់ដឹកនាំនិងប្រជាជននៃប្រទេសទាំងពីរ ហេតុនេះហើយជំនាន់បច្ចុប្បន្នត្រូវតែទទួលខុសត្រូវក្នុងការ ថែរក្សានិងពង្រីកតម្លៃដ៏ថ្លៃថ្នូរទាំងនេះផងដែរ។

លោកឧត្តមសេនីយ៍ឯក ដៀង សារុន (រូបថត៖ baoquankhu7.vn)

លោកឧត្តមសេនីយ៍ឯក ដៀង សារុន មេបញ្ជាការរងនៃបញ្ជាការដ្ឋានអង្គរក្សកងយោធពលខេមរភូមិន្ទបានថ្លែងអំណរគុណយ៉ាងជ្រាលជ្រៅចំពោះការគាំទ្រនិងជំនួយរបស់កងទ័ពប្រជាជនវៀតណាមក៏ដូចជាបញ្ជាការដ្ឋានយោធភូមិភាគទី ៧ ដល់អង្គភាពកងទ័ពនិងប្រជាជនកម្ពុជា ហើយ លទ្ធផលក្នុងវគ្គបណ្តុះបណ្តាលនេះបានចាត់ទុកជាសក្ខីភាពយ៉ាងជាក់ស្តែងផងដែរ។

សិក្ឋកាមកម្ពុជា (រូបថត៖ baoquankhu7.vn)

លោកក៏បានស្នើរឱ្យនាយទាហាននៃកងយោធពលខេមរភូមិន្ទ អនុវត្តចំណេះដឹងដែលទទួលបានពីវគ្គបណ្តុះ បណ្តាលនេះទៅអនុវត្តក្នុងការងាររបស់ខ្លួនឱ្យបានឆាប់ៗ ដើម្បីបំពេញការងារឱ្យបានល្អ។ សិក្ខាកាមម្នាក់ៗត្រូវតែក្លាយទៅជាស្ពានតភ្ជាប់សំដៅរឹងចំណងសាមគ្គីភាពនិងមិត្តភាពជាប្រពៃណីរវាងកងទ័ពនិងប្រជាជនវៀតណាមនិងកម្ពុជាឲ្យកាន់តែល្អប្រសើរថែមទៀតនាពេលអនាគត៕

（ហេង វុធ្ធី）

（ប្រភពព័ត៌មាន: baoquankhu7.vn）

（ហេង វុធ្ធី）