យុគសម័យ - នារសៀលថ្ងៃទី ២០ ខែវិច្ឆិកា ប្រធានគណៈកម្មាធិការប្រជាជនខេត្ត An Giang លោក Nguyen Thanh Binh បានទទួលជួបពិភាក្សាការងារជាមួយលោក សុខ ដារ៉េត អគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញ និងលោក TS . Bounthong Divixay លេខាគណៈកម្មាធិការបក្សខេត្ត អភិបាលខេត្ត Champasak (ប្រទេសឡាវ) ។
ប្រធានគណៈកម្មាធិការប្រជាជនខេត្ត An Giang លោក Nguyen Thanh Binh បានទទួលជួបគណៈប្រតិភូកុងស៊ុលកម្ពុជាប្រចាំនៅទីក្រុងហូជីមិញដឹកនាំដោយលោកអគ្គកុងស៊ុល សុខ ដារ៉េត។ (ប្រភព៖ Baoangiang)
ក្នុងជំនួបជាមួយលោក សុខ ដារ៉េត អគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញនោះ ប្រធានគណៈកម្មាធិការប្រជាជនខេត្ត An Giang លោក Nguyen Thanh Binh បានសម្តែងនូវសេចក្តីរីករាយដែលបានទទួលជួបគណៈប្រតិភូកុងស៊ុលកម្ពុជាប្រចាំនៅទីក្រុងហូជីមិញ ដែលបានបំពេញដំណើរទស្សនានិងធ្វើការនៅ An Giang។ លោកសង្ឃឹមថា លោកអគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញនឹងក្លាយជាស្ពានមួយសម្រាប់ខេត្ត An Giang និងបណ្តាខេត្តជាមិត្តព្រំដែនដើម្បីពង្រឹងថែមទៀតនូវកិច្ចសហប្រតិបត្តិការការ និងការអភិវឌ្ឍ ជាពិសេសនៅក្នុងវិស័យកសិកម្ម វារីវប្បកម្ម សុខភាព ការអប់រំ ជាដើម។
ទន្ទឹមជាមួយគ្នានោះ បង្កើតលក្ខខណ្ឌអំណោយផលសម្រាប់អណិកជនវៀតណាម ដើម្បីរួមចំណែកធ្វើឱ្យជីវភាពរស់នៅរបស់ពួកគេកាន់តែស្ថេរភាពនិងមានសុវត្ថិភាពក្នុងផលិតកម្មនិងអាជីវកម្ម ក៏ដូចជា ការពារបង្គោលព្រំដែនដែលបាននិងកំពុងសាងសង់ដើម្បីរក្សាសណ្តាប់ធ្នាប់និងសន្តិសុខនៅតាមខ្សែបន្ទាត់ព្រំដែន រួមចំណែកពង្រឹងចំណងមិត្តភាពរវាងវៀតណាមនិងកម្ពុជានិងប្រជាជននៅតាមព្រំដែន។
លោក TS. Bounthong Divixay លេខាធិការគណៈកម្មាធិការបក្សខេត្តអភិបាលខេត្ត Champasak និង លោក Nguyen Thanh Binh។ (ប្រភព៖ Baoangiang)
ប្រធានគណៈកម្មាធិការប្រជាជនខេត្ត An Giang លោក Nguyen Thanh Binh ក៏បានសម្តែងនូវក្តីរីករាយដែលបានស្វាគមន៍លោក TS. Bounthong Divixay លេខាធិការគណៈកម្មាធិការបក្សខេត្តអភិបាលខេត្ត Champasak ដឹកនាំគណៈកម្មាធិការខេត្ត Champasak បំពេញទស្សនកិច្ចនិងជួបសំដែងការគួរសម។ ទន្ទឹមនឹងនេះការបញ្ជាក់ពីទំនាក់ទំនងរវាងខេត្ត An Giang និងខេត្ត Champasak កាន់តែមានសាមគ្គីភាពកាន់តែជិតស្និទ្ធថែមទៀត។
ប្រធានគណៈកម្មការប្រជាជនខេត្ត An Giang ជឿជាក់ថានាពេលខាងមុខនេះតំបន់ទាំងពីរនឹងពង្រឹងថែមទៀតនូវកិច្ចសហប្រតិបត្តិការនិងជំរុញការវិនិយោគពាណិជ្ជកម្មនិងគាំទ្រគ្នាទៅវិញទៅមកដើម្បីការអភិវឌ្ឍទៅវិញទៅមក។ ខេត្ត An Giang ត្រៀមបង្កើតលក្ខខណ្ឌអំណោយផលនិងគាំទ្រអាហារូបករណ៍សម្រាប់និស្សិតខេត្ត Champasak ដើម្បីមកសិក្សានៅខេត្តអានយ៉ាង។ ទន្ទឹមនឹងនេះលោកសង្ឃឹមថាខេត្តទាំងពីរនឹងបន្តលើកកំពស់ប្រពៃណីមិត្តភាពសាមគ្គីភាពដើម្បីរួមចំណែកជំរុញការអភិវឌ្ឍសេដ្ឋកិច្ច - សង្គម…៕
(ប្រែសម្រូលដោយវិច្ឆិកា)
មតិពីមិត្តអ្នកអាន