យុគសម័យ - អញ្ជើញមកទស្សនាមន្ទីរពេទ្យជីយ៉ាអាន ១១៥ (ទីក្រុងហូជីមិញ) លោកស្រី ម៉ែនសំអន ឧបនាយករដ្ឋមន្រ្តីកម្ពុជាបានមានប្រសាសន៍ថា លោកស្រីនិងថ្នាក់ដឹកនាំកម្ពុជាមកពិនិត្យជំងឺនៅទីក្រុងហូជីមិញជារឿយៗផងដែរ។ នៅពេលត្រឡប់មកដល់មាតុភូមិវិញ លោកស្រីនឹងអំពាវនាវឱ្យប្រជាជនមកប្រទេសវៀតណាមដើម្បីពិនិត្យសុខភាពឲ្យបានច្រើនថែមទៀត។
លោកបណ្ឌិត វេជ្ជបណ្ឌិត Truong Vinh Long នាយកមន្ទីរពេទ្យយ៉ាអាន ១១៥ អញ្ជើញជូនផ្កាដល់ ឧបនាយករដ្ឋមន្រ្តីកម្ពុជា លោកស្រី ម៉ែនសំអន (រូបថត៖ tuoitre.vn)
នៅក្នុងជំនួបការងារជាមួយលោកស្រី ម៉ែនសំអន លោកបណ្ឌិត វេជ្ជបណ្ឌិត Truong Vinh Long នាយកមន្ទីរពេទ្យយ៉ាអាន ១១៥ បានមានប្រសាសន៍ថា អ្នកជំងឺកម្ពុជាមកវៀតណាមពិនិត្យជំងឺ កាន់តែច្រើនឡើងៗ។ ទោះបីជាមន្ទីរពេទ្យជីយ៉ាអានទើបតែត្រូវបានបង្កើតឡើងក៏ដោយ ក៏វាបានទទួលអ្នកជំងឺកម្ពុជាមកព្យាបាលជំងឺផងដែរ។
លោកឧបនាយករដ្ឋមន្រ្តីកម្ពុជា ម៉ែនសំអន ទៅទស្សនាផ្នែកនិងបន្ទប់ព្យាបាលជំនាញមួយចំនួននៅមន្ទីរពេទ្យនេះ (រូបថត៖ tuoitre.vn)
រីឯខ្លួនវិញ លោកស្រីម៉ែនសំអនក៏បានឲ្យដឹថា លោកស្រីតែងតែមកពិនិត្យខុសភាពជារឿយៗនៅទីក្រុងហូជីមិញផងដែរ ហើយលោកស្រីបានវាយតម្លៃថាមន្ទីរពេទ្យយ៉ាអាន ១១៥ គឺជាមន្ទីរពេទ្យទំនើបតាមស្តង់ដារអន្តរជាតិ។ នៅពេលនាងវិលត្រឡប់ទៅប្រទេសវិញ លោកស្រីនឹងណែនាំឱ្យថ្នាក់ដឹកនាំនិងប្រជាជនទៅពិនិត្យជំងឺនៅប្រទេសវៀតណាមឲ្យបានច្រើនថែមទៀត ជំនួសឲ្យការទៅប្រទេសថៃឬសិង្ហបុរីដើម្បីព្យាបាលវិញ។
លោកឧបនាយករដ្ឋមន្រ្តីកម្ពុជា ម៉ែនសំអន អញ្ជើញកត់ទុក្នុងសៀវភៅអនុស្សាវរីយ៍របស់មន្ទីរពេទ្យ យ៉ាអាន ១១៥ (រូបថត៖ tuoitre.vn)
ថ្នាក់ដឹកនាំមន្ទីរពេទ្យបាននាំលោកឧបនាយករដ្ឋមន្រ្តីកម្ពុជា ម៉ែនសំអន ទៅទស្សនាផ្នែកនិងបន្ទប់ព្យាបាលជំនាញមួយចំនួននៅមន្ទីរពេទ្យនេះ ក្នុងនោះមានបន្ទប់ VIP របស់មន្ទីរពេទ្យផងដែរ។ យោងតាមស្ថិតិបានបង្ហាញថា ជារៀងរាល់ថ្ងៃប្រជាជនកម្ពុជាជាមធ្យម ២៥០ នាក់មកវៀតណាម ដើម្បីព្យាបាលជំងឺ។ ក្នុងរយៈពេល ៣ ឆ្នាំនាពេលថ្មីនេះមានតែចំនួនអ្នកជំងឺកម្ពុជាដែលមកមន្ទីរពេទ្យជោរៃបានកើនឡើងដល់ ៩០% ៕（ហេង វុធ្ធី）
（ប្រភពព័ត៌មាន: tuoitre.vn）
មតិពីមិត្តអ្នកអាន