យុគសម័យ - នាថ្ងៃទី ២៣ ខែសីហាលោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញបានទទួលជួបលោក អ៊ឹម ហេន អគ្គកុងស៊ុលនៃព្រះរាជាណាចក្រកម្ពុជាប្រចាំនៅទីក្រុងហូជីមិញក្នុងឱកាសលោកចប់អាណត្តិការទូតរបស់ខ្លួននៅវៀតណាម។
លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញ និងលោក អ៊ឹម ហេន អគ្គកុងស៊ុលនៃព្រះរាជាណាចក្រកម្ពុជាប្រចាំនៅទីក្រុងហូជីមិញ (រូបថត៖ sggp.org.vn)
នៅក្នុងជំនួបនេះ លោក Nguyen Thanh Phong បានអបអរសាទរចំពោះអគ្គកុងស៊ុលកម្ពុជា ដែលបានបញ្ចប់អាណត្តិការងាររបស់ខ្លួនហើយបានវាយតម្លៃខ្ពស់ចំពោះតួនាទីនៃការជំរុញកិច្ចសហប្រតិបត្តិការរវាងទីក្រុងហូជីមិញនិងប្រទេសកម្ពុជាប្រកបដោយលទ្ធផលដ៏ផ្លែផ្កា។ លោកក៏បានបញ្ជាក់ថាទីក្រុងហូជីមិញតែងតែគោរពនិងរក្សាកិច្ចសហប្រតិបត្តិការប្រកបនិងចំណងមិត្តភាពរវាងប្រទេសទាំងពីរ ក៏ដូចជារវាងទីក្រុងហូជីមិញនិងរាជធានីភ្នំពេញ។ លោក Nguyen Thanh Phong បានប្រគល់មេដាយទីក្រុងហូជីមិនដល់អគ្គកុងស៊ុលកម្ពុជា លោកអ៊ឹមហេន ដោយទទួលស្គាល់ការរួមចំណែកក្នុងអំឡុងពេលបំពេញបេសកកម្មរបស់លោកនៅទីក្រុងហូជីមិញផងដែរ។
ទន្ទឹមនឹងនេះដែរ អគ្គកុងស៊ុលអ៊ឹមហេមបានបញ្ជាក់ពីសមិទ្ធិផលរបស់ប្រទេសកម្ពុជាក្នុងរយៈពេលកន្លងមកដោយមានការរួមចំណែកពីប្រទេសវៀតណាម។ ក្នុងរយៈពេលជាង ២០ ឆ្នាំកន្លងមកនេះ ប្រទេសកម្ពុជារក្សាបាននូវល្បឿនកំណើន ដោយមានការរួមចំណែកពីសហគ្រិនវៀតណាម។ នាពេលបច្ចុប្បន្នមានមនុស្សជាង ៤០០០ នាក់កំពុងសិក្សានៅប្រទេសវៀតណាមក្នុងវិស័យនិងផ្នែកជំនាញផ្សេងៗជាច្រើន។ ទំហំពាណិជ្ជកម្មទ្វេភាគីបានឈានដល់ ៥ ពាន់លានដុល្លារអាមេរិកតាមការរំពឹងទុករបស់ថ្នាក់ដឹកនាំនៃប្រទេសទាំងពីរផងដែរ៕
(យោងតាម sggp.org.vn បកប្រែដោយ ហេង វុធ្ធី)
មតិពីមិត្តអ្នកអាន