សហគ្រាសអង់គ្លេសនិងអាល្លឺម៉ង់បានចាប់អារម្មណ៍កាន់តែច្រើនឡើង ៗនៅក្នុងទីផ្សារវៀតណាម

ឯកអគ្គរដ្ឋទូតវៀតណាមប្រចាំនៅចក្រភពអង់គ្លេសលោក Tran Ngoc An

តាមរយៈបណ្តាញវៀតណាម - អង់គ្លេស សហគ្រាសប្រមាណ ៥០ បានចូលរួមក្នុងកិច្ចប្រជុំតាមអនឡាញដើម្បីស្តាប់ឯកអគ្គរដ្ឋទូតវៀតណាមប្រចាំនៅចក្រភពអង់គ្លេសលោក Tran Ngoc An ដើម្បីធ្វើបច្ចុប្បន្នភាពអំពីស្ថានភាពអភិវឌ្ឍសេដ្ឋកិច្ច - សង្គមរបស់វៀតណាមក្នុងអំឡុងពេលកន្លងមក ការវិវឌ្ឍន៍នៃទំនាក់ទំនងរវាងវៀតណាមនិងចក្រភពអង់គ្លេស ហើយបានស្តាប់យោបល់របស់សហគ្រាសអង់គ្លេសដើម្បីជំរុញកិច្ចសហប្រតិបត្តិការរវាងប្រទេសទាំងពីរនាពេលខាងមុខ។

នៅក្នុងកិច្ចប្រជុំតាមអនឡាញនេះ លោកឯកអគ្គរដ្ឋទូត Tran Ngoc An បានឱ្យដឹងអំពីការជោគជ័យដំបូងរបស់វៀតណាមក្នុងការប្រយុទ្ធប្រឆាំងនឹងជំងឺរាតត្បាត COVID-19 បានជួយកាត់បន្ថយផលប៉ះពាល់អវិជ្ជមាននៃជំងឺនេះ និងបន្តសកម្មភាពអាជីវកម្មនិងផលិតកម្ម ព្រមជាមួយគ្នានេះ បង្កើតមូលដ្ឋានគ្រឹះល្អសម្រាប់វៀតណាមដើម្បីទាក់ទាញលំហូរវិនិយោគបន្ថែម។

លោកឯកអគ្គរដ្ឋទូតបានមានប្រសាសន៍ថា ទោះបីមានការរីករាលដាលនៃជំងឺរាតត្បាត COVID-19 បានកើតឡើងនៅលើពិភពលោកក្នុងរយៈពេល ៨ ខែកន្លងមកនេះ បានធ្វើឱ្យមានការខកចិត្តចំពោះផែនការសកម្មភាពជាច្រើនក៏ដោយក៏ទំនាក់ទំនងសហប្រតិបត្តិការវៀតណាម - អង់គ្លេសនៅតែរក្សាការសម្របសម្រួលយ៉ាងជិតស្និទ្ធនិងធ្វើបច្ចុប្បន្នភាពជាបន្តបន្ទាប់។

លោកឯកអគ្គរដ្ឋទូត Tran Ngoc An បានលើកឡើងជាថ្មីម្តងទៀតនូវកិច្ចសន្ទនាតាមទូរស័ព្ទរវាងលោកឧបនាយករដ្ឋមន្ត្រី រដ្ឋមន្ត្រីការបរទេសវៀតណាមលោក Pham Binh Minh ជាមួយរដ្ឋមន្ត្រីការបរទេសអង់គ្លេសលោក Dominic Raab នៅពាក់កណ្តាលខែកក្កដាឆ្នាំ ២០២០។

លោកឯកអគ្គរដ្ឋទូតបានមានប្រសាសន៍ថា នៅក្នុងកិច្ចសន្ទនាតាមទូរស័ព្ទនេះ រដ្ឋមន្រ្តីក្រសួងការបរទេសលោក Dominic Raab បានថ្លែងអំណរគុណដល់រដ្ឋាភិបាលនិងអង្គការវេជ្ជសាស្រ្តរបស់វៀតណាម ដែលបានព្យាបាលដល់អ្នគជនជាតិអង់គ្លេសប្រកដដោយជោគជ័យដែលឆ្លងជំងឺរាតត្បាត COVID-19 ហើយបានប្រគល់ម៉ាស់ដល់មន្ទីរពេទ្យអង់គ្លេសនិងអង្គការសង្គមរបស់អង់គ្លេស។

រដ្ឋមន្ត្រីការបរទេស Raab បានអះអាងថា ចក្រភពអង់គ្លេសវាយតម្លៃខ្ពស់ចំពោះវៀតណាមដែលជាដៃគូសំខាន់របស់អង់គ្លេសក្នុងគោលនយោបាយការបរទេសរបស់ខ្លួននៅតំបន់អាស៊ី - ប៉ាស៊ីហ្វិកនិងនៅអាស៊ីអាគ្នេយ៍ ហើយបានបង្ហាញនូវគោលបំណងចង់ពង្រឹងកិច្ចសហប្រតិបត្តិការបន្ថែមទៀតរវាងចក្រភពអង់គ្លេសនិងអាស៊ាន។

នៅក្នុងកិច្ចប្រជុំនេះ សហគ្រាសអង់គ្លេសបានបង្ហាញចំណាប់អារម្មណ៍យ៉ាងខ្លាំងចំពោះទីផ្សារវៀតណាមតាមរយៈមតិយោបល់។ យោបល់ទាំងនេះនឹងត្រូវបានសិក្សាយ៉ាងយកចិត្តទុកដាក់ពីស្ថាប័នសមត្ថកិច្ចវៀតណាមដើម្បីបង្កើតគោលនយោបាយសមស្របដើម្បីជំរុញការអភិវឌ្ឍកាន់តែស៊ីជម្រៅនិងទូលំទូលាយនៃកិច្ចសហប្រតិបត្តិការរវាងអង់គ្លេស - វៀតណាម។

កិច្ចព្រមព្រៀងពាណិជ្ជកម្មសេរីវៀតណាម - អឺរុប (EVFTA) ដែលបានចូលជាធរមានចាប់ពីថ្ងៃទី ១ ខែសីហាឆ្នាំ ២០២០ នឹងបើកឱកាសល្អៗជាច្រើនសម្រាប់សហគ្រាសនៅវៀតណាម ក៏ដូចជាអង់គ្លេសនិងអាល្លឺម៉ង់

នៅក្នុងព្រឹត្តិការណ៍ពាក់ព័ន្ធ នៅក្នុងកិច្ចប្រជុំជាមួយគណៈប្រតិភូនៃស្ថានទូតវៀតណាមប្រចាំអាល្លឺម៉ង់ ថ្នាក់ដឹកនាំនៃទីក្រុងហាំប៊ឺក សភាពាណិជ្ជកម្មនិងឧស្សាហកម្មហាំប៊ឺក (IHK) សមាគមពាណិជ្ជកម្មអាស៊ី - ប៉ាស៊ីហ្វិក (OAV) រួមជាមួយសហគ្រាសអាឡឺម៉ង់ជាច្រើនដែលកំពុងវិនិយោគនិងធ្វើអាជីវកម្មនៅវៀតណាម បានសម្តែងការព្រួយបារម្ភអំពីសក្តានុពលនៃទីផ្សារវៀតណាម ទន្ទឹមនឹងនេះជឿជាក់ថា កិច្ចព្រមព្រៀងពាណិជ្ជកម្មសេរីរបស់សហភាពអឺរ៉ុប - វៀតណាម (EVFTA) នឹងបើកឱកាសកាន់តែច្រើនសម្រាប់សហគ្រាសអាឡឺម៉ង់។

ក្នុងជំនួបជាមួយលោកបណ្ឌិត Peter Tschentscher អភិបាលក្រុងហាំបឺក ឯកអគ្គរដ្ឋទូតវៀតណាមប្រចាំនៅអាល្លឺម៉ង់លោក Nguyen Minh Vu បានសង្កត់ធ្ងន់លើចំណងមិត្តភាពល្អរវាងវៀតណាមនិងអាល្លឺម៉ង់និយាយរួម ក៏ដូចជាជាមួយទីក្រុងហាំប៊ឺកនិយាយដោយឡែក។ ទន្ទឹមជាមួយគ្នានេះ លោកបានអះអាងថា អាល្លឺម៉ង់ជានិច្ចកាលជាដៃគូសំខាន់បំផុតរបស់វៀតណាមនៅក្នុងសហភាពអឺរ៉ុប (EU) ដោយមានទំហំពាណិជ្ជកម្មឈានដល់ ១៤ ពាន់លានអឺរ៉ូក្នុងឆ្នាំ ២០១៩ ។

លោកឯកអគ្គរដ្ឋទូតបានមានប្រសាសន៍ថា សក្តានុពលនៃកិច្ចសហប្រតិបត្តិការរវាងភាគីទាំងពីរនៅតែមានច្រើនណាស់ ជាពិសេសគឺវិស័យដឹកជញ្ជូន ថាមពលកកើតឡើងវិញ ដែលក្នុងនោះ ប្រៀបខ្លាំងរបស់ទីក្រុងហាំប៊ឺកគឺថាមពលខ្យល់និងការបណ្តុះបណ្តាលធនធានមនុស្សជាដើម។

ក្នុងឱកាសនេះ លោកឯកអគ្គរដ្ឋទូតបានថ្លែងអំណរគុណដល់លោក Tschentscher ក៏ដូចជារដ្ឋបាលទីក្រុងហាំប៊ឺក ដែលតែងតែបង្កលក្ខណៈងាយស្រួលសម្រាប់សហគមន៍វៀតណាមដើម្បីធ្វើសមាហរណកម្មទៅក្នុងជីវភាព សេដ្ឋកិច្ច-សង្គម របស់ទីក្រុងហាំប៊ឺក ក៏ដូចជាធ្វើជាការតភ្ជាប់ដើម្បីរួមចំណែកក្នុងការរឹតចំណងទំនាក់ទំនងមិត្តភាពរវាងប្រទេសទាំងពីរ។

លោកឯកអគ្គរដ្ឋទូតបានសម្តែងគោលបំណងថា នាពេលខាងមុខទីក្រុង ហាំប៊ឺកនឹងបន្តពង្រឹងសកម្មភាពតភ្ជាប់និងកិច្ចសហប្រតិបត្តិការជាមួយខេត្តនៅតាមឆ្នេរសមុទ្ររបស់វៀតណាមដូចជា៖ ដាណាំង ហាយផុង ហូជីមិញជាដើម ដើម្បីបែងចែកបទពិសោធន៍និងប្រើប្រាស់សក្តានុពលដែលអាចរកបានដើម្បីបំពេញគ្នាទៅវិញទៅមកនិងជំរុញការផ្លាស់ប្តូរពាណិជ្ជកម្មរវាងភាគីទាំងពីរ។

លោកឯកអគ្គរដ្ឋទូតបានបង្ហាញជំនឿថា EVFTA ដែលបានចូលជាធរមានចាប់ពីខែសីហាឆ្នាំ ២០២០ និងកិច្ចព្រមព្រៀងការពារវិនិយោគ (EVIPA) នឹងបើកឱកាសថ្មីសម្រាប់ប្រទេសវៀតណាមក៏ដូចជាដៃគូរបស់វៀតណាម។

រីឯខ្លួនវិញ ប្រធាន IHK ទីក្រុង Hamburg លោកសាស្ត្រាចារ្យ Norbert Aust បានវាយតម្លៃខ្ពស់ចំពោះការអភិវឌ្ឍប្រកបដោយស្វាហាប់របស់វៀតណាមក្នុងរយៈពេលជាង ៣០ ឆ្នាំកន្លងមក ដោយអះអាងថា វៀតណាមជាទិសដៅទាក់ទាញសម្រាប់វិនិយោគិនអឺរ៉ុបនិយាយរួម និងអាល្លឺម៉ង់និយាយដោយឡែក។

ទន្ទឹមនឹងនេះដែរ ប្រធាន OAV លោក Hans-George Frey បានសម្តែងនូវការចាប់អារម្មណ៍ចំពោះការអភិវឌ្ឍគួរឱ្យកត់សម្គាល់របស់វៀតណាមក្នុងរយៈពេលប៉ុន្មានទសវត្សរ៍កន្លងមក និងបានបញ្ជាក់ពីកិច្ចសហប្រតិបត្តិការយ៉ាងជិតស្និទ្ធរយៈពេលយូរអង្វែងរវាងប្រទេសទាំងពីរតាមរយៈបណ្ដាគម្រោងសហប្រតិបត្តិការទ្វេភាគី ជាពិសេសនៅក្នុងវិស័យដូចជាថាមពលកកើតឡើងវិញ បរិស្ថាននិងការបណ្តុះបណ្តាលវិជ្ជាជីវៈ។

ជាមួយនឹងរដ្ឋាភិបាលវៀតណាមជានិច្ចកាលខិតខំប្រឹងប្រែងដើម្បីកែលំអបរិយាកាសវិនិយោគ ស្ថេរភាពនៃជីវភាពសេដ្ឋកិច្ច-សង្គមនៅក្នុងប្រទេសក៏ដូចជាក្នុងបរិបទ EVFTA ដែលចូលជាធរមាន ប្រធាន OAV បានបង្ហាញនូវការជឿជាក់ថា វៀតណាមជាដៃគូសក្តានុពលនិងអាចជឿទុកចិត្តបានក្នុងតំបន់ ហើយទំនាក់ទំនងដៃគូយុទ្ធសាស្ត្ររវាងវៀតណាមនិងអាឡឺម៉ង់នឹងអភិវឌ្ឍកាន់តែវិជ្ជមាន។

អ្នកតំណាងសហគ្រាសអាឡឺម៉ង់ រួមទាំងក្រុមហ៊ុនជាច្រើនដែលបានវិនិយោគនៅវៀតណាមតាំងពីទសវត្សឆ្នាំ ១៩៩០ ក៏បានចែករំលែកបទពិសោធន៍ក្នុងការវិនិយោគ និងធ្វើជំនួញនៅវៀតណាមលើវិស័យផ្សេងៗគ្នាដូចជា៖ ម្ហូបអាហារ កាហ្វេ រចនាម៉ូតសម្លៀកបំពាក់ នាំចេញ នាំចូលជាដើម។

មតិយោបល់បានឯកភាពថា EVFTA ក្រោយពីចូលជាធរមាននឹងជួយដោះរបាំងពន្ធ បើកវិស័យថ្មីសម្រាប់ការវិនិយោគ និងនាំមកនូវឱកាសសម្រាប់សហគ្រាសវៀតណាមនិងអឺរ៉ុបចូលខិតទៅជិតទីផ្សារគ្នាទៅវិញទៅមក ដោយចូលរួមចំណែកជំរុញពាណិជ្ជកម្មនិងការកំណើនសម្រាប់ភាគីទាំងពីរ។

លើសពីនេះទៅទៀត អ្នកតំណាងសហគ្រាសបានវាយតម្លៃខ្ពស់ចំពោះការផ្លាស់ប្តូរជាវិជ្ជមានរបស់វៀតណាមក្នុងរយៈពេលប៉ុន្មានឆ្នាំថ្មីៗនេះ ដោយសម្តែងនូវគោលបំណងថា រដ្ឋាភិបាលវៀតណាមនឹងបន្តធ្វើសាមញ្ញបនីយកម្មនូវនីតិវិធីរដ្ឋបាល និងបង្កលក្ខណៈងាយស្រួលដល់វិនិយោគិនដើម្បីពួកគេមានអារម្មណ៍សុវត្ថិភាពក្នុងការធ្វើអាជីវកម្ម នាំមកនូវផលប្រយោជន៍ដល់ប្រទេសទាំងពីរ៕

（បកប្រែដោយសាមេត）

（ប្រភពព័ត៌មាន: vietnamplus.vn）

（បកប្រែដោយសាមេត）