Trending now

សម្តេចពញាចក្រី ធ្វើមាតុភូមិ ក្រោយចូលរួមគោរព វិញ្ញាណក្ខ័ន្ធសព លោក ឡេ ខា ភៀវ អតីតអគ្គលេខាធិការបក្សកុម្មុនីសវៀតណាម

05:58 | 16/08/2020 (បូកសរុបដោយឌីណា)

នាពេលរសៀល ម៉ោង ១៤ ថ្ងៃទី១៥ ខែសីហា ឆ្នាំ២០២០ នៅអាកាសយានដ្ឋានអន្តរជាតិភ្នំពេញ ឯកឧត្តម ឯកអគ្គរដ្ឋទូតវៀតណាមអញ្ជើញមកទទួលសម្តេច ហេង សំរិន ប្រធានកិត្តិយសគណបក្សប្រជាជនកម្ពុជានិងជាប្រធានរដ្ឋសភានៃព្រះរាជាណាចក្រកម្ពុជាវិលត្រឡប់មកប្រទេសកម្ពុជាវិញបន្ទាប់ពីចូលរួមពិធីគោរពវិញ្ញាណក្ខ័ន្ធឯកឧត្តម អតីតអគ្គលេខាធិការមជ្ឈឹមបក្សកុម្មុនីស្តវៀតណាម ឡេ ខាភៀវ (LE KHA PHIEU)នៅប្រទេសវៀតណាម។

សម្តេចអគ្គមហាពញាចក្រី ហេង សំរិន បានដឹកនាំគណៈប្រតិភូជាន់ខ្ពស់រដ្ឋសភា អញ្ជើញនិវត្តន៍មកកាន់មាតុប្រទេសវិញ ប្រកបដោយសុវត្ថិភាព និងសាមគ្គីភាព ។ (រូបថត៖ dap.com.khmer)

ក្រោយពីដំណើរ បំពេញទស្សនកិច្ចពេញមួយថ្ងៃ សម្តេចអគ្គមហាពញាចក្រី ហេង សំរិន បានដឹកនាំគណៈប្រតិភូជាន់ខ្ពស់រដ្ឋសភា អញ្ជើញនិវត្តន៍មកកាន់មាតុប្រទេសវិញ ប្រកបដោយសុវត្ថិភាព និងសាមគ្គីភាព ។

ក្នុងដំណើរទស្សនកិច្ចនេះដែរ សម្តេចប្រធានរដ្ឋសភា ឆ្លៀតពេលអញ្ជើញ ដាក់កម្រងផ្កាគោរពវិញ្ញាណក្ខ័ន្ធសព លោក ឡេ ខា ភៀវ អតីតអគ្គលេខាធិការ បក្សកុម្មុនីសវៀតណាម ដែលទទួមរណភាព កាលពីថ្ងៃទី៧ ខែសីហាឆ្នាំ២០២០ ក្នុងជន្មាយុ៨៩ឆ្នាំ ដោយជរាពោធ នៅទីក្រុងហាណូយ។

គណបក្សប្រជាជនកម្ពុជា ថ្នាក់ដឹកនាំស្ថាប័ននីតិប្បញ្ញត្តិ នីតិប្រតិបត្តិ ព្រមទំាងប្រជាជនកម្ពុជា រួមនិងខ្លួនសម្តេចផ្ទាល់ សូមចូលរួមរំលែកទុក្ខយ៉ាងក្រៀមក្រំជាទីបំផុត ជាមួយបក្ស រដ្ឋ និងប្រជាជនវៀតណាម ព្រមទំាងគ្រួសារនៃសព។

បន្ទាប់ពីអញ្ជើញ​ ដាក់កម្រងផ្កាគោរពវិញ្ញាណក្ខ័ន្ធសព លោក ឡេ ខា ភៀវ អតីតអគ្គលេខាធិការ បក្សកុម្មុនីសវៀតណាមរួចមក សម្តេចអគ្គមហាពញាចក្រី ហេង សំរិន បន្តជួបសវនាការ ជាមួយលោកស្រី ង្វៀន ធី គឹមងិន ប្រធានរដ្ឋសភាសាធារណរដ្ឋ សង្គមនិយមវៀតណាម ។

សម្តេចអគ្គមហាពញាចក្រី ហេង សំរិន បានជួបសវនាការ ជាមួយលោកស្រី ង្វៀន ធី គឹមងិន ប្រធានរដ្ឋសភាវៀតណាម។ ។ (រូបថត៖ dap.com.khmer)

រដ្ឋសភាប្រទេសទាំងពីរ បានប្តេជ្ញាបន្ត ពង្រឹងសាមគ្គីភាព កិច្ចសហប្រតិបត្តិការ និងគំាទ្រគ្នាទៅវិញទៅមក លើឆាកអន្តរជាតិ ទំាងក្របខណ្ឌទ្វេភាគីនិងពហុភាគី នៅគ្រប់កាលៈទេសៈ ពិសេស ស្ថានភាពជម្ងឺកូវីដ១៩ ជួយសម្រួល ដល់សកម្មភាពពាណិជ្ជកម្ម តាមព្រំដែនប្រទេសទំាងពីរ ឱ្យកាន់តែសកម្មឡើង។

ឯកឧត្តម ឯកអគ្គរដ្ឋទូតវៀតណាមអញ្ជើញមកទទួលសម្តេច ហេង សំរិន ប្រធានកិត្តិយសគណបក្សប្រជាជនកម្ពុជានិងជាប្រធានរដ្ឋសភានៃព្រះរាជាណាចក្រកម្ពុជាវិលត្រឡប់មកប្រទេសកម្ពុជាវិញ។ (រូបថត៖ dap.com.khmer)

ក្រៅពីនោះ រដ្ឋសភាទាំងពី បានកោតសរសើរ និងវាយតម្លៃខ្ពស់ ចំពោះកិច្ចប្រឹងប្រែង របស់សម្តេចពញាចក្រី រដ្ឋាភិបាលប្រទេសទំាងពីរ កម្ពុជា-វៀតណាម ក្នុងការបោះបង្គោលព្រំដែន នាពេលកន្លងមក និងបានគំាទ្រដល់កិច្ចខិតខំប្រឹង ក្នុងការឈានទៅបញ្ចប់បញ្ហាសេសសល់ ប្រមាណ១៦%ទៀត ដើម្បីឱ្យក្លាយជាព្រំដែនសន្តិភាព និងការអភិវឌ្ឍន៍ ។

ក្រោយពីបានបញ្ចប់ ដំណើរទស្សនកិច្ចការងារ នៅរសៀលថ្ងៃដដែល សម្តេចអគ្គមហាពញាចក្រី ហេង សំរិន បានដឹកនាំគណៈប្រតិភូជាន់ខ្ពស់រដ្ឋសភា នៃព្រះរាជាណាចក្រកម្ពុជា ធ្វើដំណើរនិវត្តន៍ មកកាន់មាតុប្រទេសវិញ ប្រកបដោយសុវត្ថិភាព តាមជើងយន្តហោះពិសេស៕

(បូកសរុបដោយឌីណា)

(បូកសរុបដោយឌីណា)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់