យុគសម័យ - យោងតាមស្ថានទូតវៀតណាមប្រចាំនៅប្រទេសកម្ពុជាមានជនជាតិវៀតណាមចំនួន ៧ នាក់ជាអ្នកដំណើរតាមនាវា Viking Cruise Journey ដែលកំពុងត្រូវបានដាក់នៅបន្ទប់ដាច់ដោយឡែកដើម្បីធ្វើការតេស្ត Covid-19 ។
ឯកអគ្គរដ្ឋទូតវៀតណាមប្រចាំនៅកម្ពុជាលោក Vu Quang Minh។ (រូបថត៖ vov)
បន្ទាប់ពីបានបញ្ជាក់ពីករណី Covid-19 ថ្មីគឺជាស្ត្រីជនជាតិអង់គ្លេសអាយុ ៦៥ ឆ្នាំដែលជាអ្នកដំណើរតាមនាវា Viking Cruise Journey អាជ្ញាធរកម្ពុជាបានកំពុងចាត់ចែងឲ្យយកអ្នកដំណើរនិងនាវិកទាំងអស់មកដាក់នៅបន្ទប់ដាច់ដោយឡែក ដើម្បីព្យាបាល និងតាមដានសុខភាពគាត់។
យោងតាមឯកអគ្គរដ្ឋទូតវៀតណាមប្រចាំនៅកម្ពុជាលោក Vu Quang Minh បានអោយដឹងថាមានជនជាតិវៀតណាមចំនួន ៧ នាក់នៅលើនាវា Viking Cruise Journey ហើយនាវានេះបច្ចុប្បន្នបានហួសទៅចូលចតនៅចំណតនាវានៃទីរួមខេត្តកំពង់ចាម។ ស្ថានទូតវៀតណាមកំពុងតាមដានយ៉ាងដិតដល់អំពីស្ថានការណ៍នេះហើយនឹងត្រៀមខ្លូនជាស្រេចសម្រាប់បញ្ជូនក្រុមការងារដើម្បីគាំទ្រដល់ពលរដ្ឋវៀតណាមលើនាវានេះ។
នាវា Viking Cruise Journey ហួសទៅចូលចតប្រហែលជាម៉ោង១៦៖៣០នាទីរសៀល នៅចំណតនាវានៃទីរួមខេត្តកំពង់ចាម។
នាវា Viking Cruise Journey ចេញពីកំពង់ផែ My Tho នៃទីក្រុងហូជីមីញពីថ្ងៃទី ៣ ខែមីនា សំដៅមកទីក្រុងភ្នំពេញ តាមរយៈខេត្ត Chau Doc ក្អមសំណរ និងហួសទៅចូលចត នៅចំណតនាវានៃទីរួមខេត្តកំពង់ចាម។ មនុស្សសរុប ៦៤ នាក់នៅលើនាវានោះរួមមានអ្នកដំណើរ ៣០ នាក់នាវិក ៣៤ នាក់និងបុគ្គលិកនាវា។
មុននេះ បន្ទាប់ពីទទួលបានព័ត៌មានពីប្រទេសវៀតណាម អំពីករណីអ្នកដំណើរលើយន្តហោះដូចគ្នាជាមួយអ្នកដំណើរឆ្លង Covid-19 ទី១៧ របស់វៀតណាមនៅលើនាវា Viking Cruise Journey។ យោងតាមលទ្ធផលពីវិទ្យាស្ថានប៉ាស្ទ័រកម្ពុជា បានបញ្ជាក់ថា ស្រ្តីជនជាតិអង់គ្លេសម្នាក់ អាយុ ៦៥ឆ្នាំ មានវិជ្ជមានវីរុស Covid - 19។ បច្ចុប្បន្ន ក្រសួងសុខាភិបាលកំពុងចាត់ចែងឲ្យយកស្ត្រីជនជាតិអង់គ្លេសរូបនោះ មកដាក់នៅបន្ទប់ដាច់ដោយឡែកក្នុងមន្ទីរពេទ្យខេត្តកំពង់ចាម ដើម្បីព្យាបាល និងតាមដានសុខភាពគាត់៕
(ប្រែសម្រូលដោយវិច្ឆិកា)
មតិពីមិត្តអ្នកអាន