Trending now

វៀតណាមជាដៃគូដ៏សំខាន់មួយក្នុងគោលនយោបាយ “សកម្មភាពបង្វែរទិសខាងកើត” របស់ឥណ្ឌា

19:15 | 17/08/2019 (ប្រភព៖ kh.qdnd.vn ហេង វុធ្ធីសរុប)

នាថ្ងៃទី១៥ ខែសីហា ស្ថានទូតឥណ្ឌាប្រចាំនៅរដ្ឋធានីហាណូយ បានរៀបចំពិធីលៀងសាយភោជន៍ក្នុងឱកាសរំលឹកខួបអនុស្សាវរីយ៍លើកទី៧២ នៃទិវាឯករាជ្យជាតិរបស់សាធារណរដ្ឋឥណ្ឌា។ លោក Le Hoai Trung អនុរដ្ឋមន្ត្រីក្រសួងការបរទេសវៀតណាម និងលោកឧត្តមសេនីយ៍ឯក Nguyen Phuong Nam អនុប្រធានអគ្គសេនាធិការកងទ័ពប្រជាជនវៀតណាម បានចូលរួមពិធីនេះ។

ប្រតិភូទាំងឡាយថតរូបជាមួយគ្នា

មានប្រសាសន៍នៅពិធីលៀងសាយភោជន៍ ឯកអគ្គរដ្ឋទូតឥណ្ឌាប្រចាំនៅវៀតណាម លោក Pranay Verma បានរំលឹកឡើងវិញនូវប្រវត្តិសាស្ត្រនៃដំណើរការតស៊ូដើម្បីឯករាជ្យជាតិ កសាង និងអភិវឌ្ឍប្រទេសឥណ្ឌា ក៏ដូចជាទំនាក់ទំនងមិត្តភាពជាប្រពៃណីរវាងប្រទេសទាំងពីរ។ លោកឯកអគ្គរដ្ឋទូត Pranay Verma បានអះអាងថា វៀតណាមជាដៃគូដ៏សំខាន់មួយក្នុងគោលនយោបាយ “សកម្មភាពបង្វែរទិសខាងកើត” របស់ឥណ្ឌា។

អនុរដ្ឋមន្ត្រីក្រសួងការបរទេសវៀតណាម លោក Le Hoai Trung បានសំដែងការ​សប្បាយរីករាយចំពោះការអភិវឌ្ឍយ៉ាងខ្លាំងក្លាលើគ្រប់វិស័យក្នុងទំនាក់ទំនងទ្វេភាគី វៀតណាម-ឥណ្ឌា នាពេលថ្មីៗនេះ ដូចជាវិស័យនយោបាយ ការពារជាតិ សន្តិសុខ សេដ្ឋកិច្ច ពាណិជ្ជកម្ម វិទ្យាសាស្ត្រ បច្ចេកវិទ្យា វប្បធម៌ និងការប្រាស្រ័យទាក់ទងរវាងប្រជាជន និងប្រជាជន។ លោក Le Hoai Trung បានរំពឹងថា ប្រទេសទាំងពីរនឹងផ្លាស់ប្តូរជាមួយគ្នាអំពីការរក្សាសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍនៅក្នុងតំបន់ ព្រមទាំងសំដែងការជឿជាក់លើទំនាក់ទំនងមិត្តភាពជាប្រពៃណី និងភាពជាដៃគូយុទ្ធសាស្ត្រលើគ្រប់វិស័យវៀតណាម-ឥណ្ឌា ដើម្បីផលប្រយោជន៍របស់ប្រជាជននៃប្រទេសទាំងពីរ ដើម្បីសន្តិភាព ស្ថិរភាព និងវិបុលភាពនៅក្នុងតំបន់ និងលើពិភពលោក៕

(ប្រភព៖ kh.qdnd.vn ហេង វុធ្ធីសរុប)

(ប្រភព៖ kh.qdnd.vn ហេង វុធ្ធីសរុប)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់