យុគសម័យ - តាមការអញ្ជើញរបស់ឧបនាយករដ្ឋមន្រ្តីមនិងជារដ្ឋមន្រ្តីការបរទេសវៀតណាម លោក Pham Binh Minh រដ្ឋមន្រ្តីការបរទេសនៃសាធារណរដ្ឋនីការ៉ាហ្គាវ៉ាលោក Denis Ronaldo Moncada Colindre បានអញ្ជើញមកបំពេញទស្សនកិច្ចជាផ្លូវការនៅ វៀតណាមចាប់ពីថ្ងៃទី ៥ ដល់ថ្ងៃទី ៧ ខែកញ្ញាឆ្នាំ ២០១៩ ។
លោកឧបនាយករដ្ឋមន្រ្តីវៀតណាម Pham Binh Minh និងលោក Denis Ronaldo Moncada Colindre (រូបថត៖baoquocte.vn)
នៅជំនួបពិភាក្សានាថ្ងៃទី ៦ ខែកញ្ញា លោកឧបនាយករដ្ឋមន្រ្តីវៀតណាម Pham Binh Minh និងលោក Denis Ronaldo Moncada Colindre បានឯកភាពគ្នាពង្រឹងទំនាក់ទំនងនយោបាយជាប្រពៃណី និងបង្កើនការជឿទុកចិត្តគ្នារវាងប្រទេសទាំងពីរ ព្រមទាំងជម្រុញការផ្លាស់ប្តូរគណៈប្រតិភូគ្រប់កំរិត និងពន្លឿនការចរចានិងចុះហត្ថលេខាលើឯកសារកិច្ចសហប្រតិបត្តិការ ដើម្បីបង្កើតក្របខ័ណ្ឌច្បាប់សម្រាប់កិច្ចសហប្រតិបត្តិការទ្វេភាគី។
លោកឧបនាយករដ្ឋមន្រ្តីវៀតណាម Pham Binh Minh និងលោក Denis Ronaldo Moncada Colindre (រូបថត៖baoquocte.vn)
ភាគីទាំងពីរក៏បានឯកភាពគ្នាជំរុញកិច្ចសហប្រតិបត្តិការលើវិស័យសន្តិសុខ ការពារជាតិ វប្បធម៌ - កីឡានិងទេសចរណ៍។ ភាគីទាំងពីរបានអះអាងថានឹងបន្តសហប្រតិបត្តិការយ៉ាងជិតស្និទ្ធនិងគាំទ្រគ្នាទៅវិញទៅមកនៅអង្គការអន្តរជាតិនិងវេទិកាពហុភាគីផងដែរ។
ទិដ្ឋភាពនៃជំនួបពិភាក្សា (រូបថត៖baoquocte.vn)
លោកឧបនាយករដ្ឋមន្ត្រីវៀតណាម Pham Binh Minh និងលោករដ្ឋមន្ត្រីការបរទេសនីការ៉ាហ្គាវ៉ា Denis Ronaldo Moncada Colindre ក៏បានពិភាក្សាគ្នាយ៉ាងស៊ីជម្រៅនិងចែករំលែកគោលជំហររបស់ខ្លួនលើបញ្ហាតំបន់និងអន្តរជាតិមួយចំនួនដែលមានការយកចិត្តទុកដាក់ដូចគ្នាផងដែរ៕
(ហេង វុធ្ធី)
មតិពីមិត្តអ្នកអាន