យុគសម័យ - មេដឹកនាំកូរ៉េខាងជើងលោក Kim Jong – un បានបង្ហាញជំនឿថា “ ទំនាក់ទំនងកិច្ចសហប្រតិបត្តិការនិងមិត្តភាពរវាង បក្សទាំងពីរ ប្រទេសទាំងពីរដែលមានប្រពៃណីនិងប្រវត្តិសាស្ត្រយូរអង្វែងនឹងកាន់តែរឹងមាំជាងពេលណាទាំងអស់” ។
មេដឹកនាំកូរ៉េខាងជើងលោក Kim Jong - un ជួបជាមួយនាយករដ្ឋមន្រ្តីលោក Nguyen Xuan Phuc ក្នុងដំណើរទស្សនកិច្ចមិត្តភាពជាផ្លូវការនៅប្រទេសវៀតណាមនាថ្ងៃទី ១ ខែមីនាឆ្នាំ ២០១៩ ។ (ប្រភព៖ TTXVN)
នាថ្ងៃទី ២ ខែកញ្ញាទីភ្នាក់ងារសារព័ត៌មានកណ្តាលរបស់កូរ៉េខាងជើង (KCNA) បានរាយការណ៍ថា មេដឹកនាំរបស់ប្រទេសកូរ៉េខាងជើងលោក Kim Jong – un បានផ្ញើលិខិតអបអរសាទរក្នុងឱកាសទិវាបុណ្យជាតិវៀតណាមដោយបង្ហាញពីបំណងចង់ពង្រឹងទំនាក់ទំនងរវាងប្រទេសទាំងពីរថែមទៀត។
យោងតាម KCNA លោក Kim Jong – un បានបង្ហាញជំនឿថា “ទំនាក់ទំនងសហប្រតិបត្តិការនិងមិត្តភាពរវាង បក្សទាំងពីរ ប្រទេសទាំងពីរមានប្រពៃណីនិងប្រវត្តិសាស្ត្រយូរអង្វែងនឹងកាន់តែរឹងមាំជាងពេលណាទាំងអស់” ។
យោងតាម KCNA ផងដែរ នៅក្នុងលិខិតនោះមេដឹកនាំកូរ៉េខាងជើងលោក Kim Jong – un បានរំលឹកឡើងវិញនូវដំណើរទស្សនកិច្ចថ្នាក់រដ្ឋលើកដំបូងរបស់លោកទៅកាន់ប្រទេសវៀតណាមនៅខែមីនាឆ្នាំ ២០១៩ ដោយបញ្ជាក់ថាដំណើរទស្សនកិច្ចនេះ “បានបង្កើតឱកាសដ៏សំខាន់មួយ។” ក្នុងការពង្រឹងនិងអភិវឌ្ឍទំនាក់ទំនងទ្វេភាគីនិងមិត្តភាពរវាងប្រទេសទាំងពីរ។
បន្ទាប់ពីជំនួបកំពូលលើកទី ២ ជាមួយប្រធានាធិបតីអាមេរិកលោក Donald Trump នៅរដ្ឋធានីហាណូយមេដឹកនាំ Kim Jong – un បានបំពេញទស្សនកិច្ចផ្លូវការនៅប្រទេសវៀតណាមចាប់ពីថ្ងៃទី ១ ខែមីនាឆ្នាំ ២០១៩ ។
ក្នុងដំណើរទស្សនកិច្ចនេះមេដឹកនាំ Kim Jong – un បានអះអាងថាជំហររបស់កូរ៉េខាងជើងបន្តពង្រឹងនិងអភិវឌ្ឍន៍មិត្តភាពជាប្រពៃណីជាមួយវៀតណាម ៕
(យោងតាម vietnamplus ប្រែសម្រូលដោយវិច្ឆិកា)
មតិពីមិត្តអ្នកអាន