យុគសម័យ - ពិព័រណ៍នេះមានរូបថតសិល្បៈជិត ៥០ ផ្ទាំង ដែលបង្ហាញពីភាពចម្រុះនៃវប្បធម៌កម្ពុជាតាមរយៈ បេតិកភ័ណ្ឌវប្បធម៌រូបីយ៍និងអរូបីយ៍ ក៏ដូចជាអំពីសម្រស់ធម្មជាតិនិងភាពកក់ក្តៅរបស់ប្រជាជនកម្ពុជាជូនដល់ប្រជាជនវៀតណាម។
ទិដ្ឋភាពនៃពិព័រណ៍“កម្ពុជា - ព្រះរាជាណាចក្រនៃវប្បធ៌” នៅទីក្រុង Can Tho (វៀតណាម) (រូបថត៖www.sggp.org.vn)
នាថ្ងៃទី ១៩ ខែវិច្ឆិកា ពិធីបើកពិព័រណ៍ “កម្ពុជា- ព្រះរាជាណាចក្រនៃវប្បធម៌” បានប្រព្រឹត្តទៅនៅសារមន្ទីរទីក្រុង Can Tho។ អញ្ជើញចូលរួមពិធីនេះមានវត្តមាន លោកជំទាវ ម៉ិញកុសនី រដ្ឋលេខាធិការក្រសួងវប្បធម៌និងវិចិត្រសិល្បៈនៃព្រះរាជាណាចក្រកម្ពុជា និងសមាជិកគណៈប្រតិភូអមដំណើរ; លោក Ta Quang Dong អនុរដ្ឋមន្ត្រីក្រសួងវប្បធម៌កីឡានិងទេសចរណ៍វៀតណាម រួមទាំងប្រជាជននិងភ្ញៀវកិត្តិយសជាច្រើនកុះករផងដែរ។
លោកជំទាវ ម៉ិញកុសនី រដ្ឋលេខាធិការក្រសួងវប្បធម៌និងវិចិត្រសិល្បៈនៃព្រះរាជាណាចក្រកម្ពុជា (រូបថត៖www.sggp.org.vn)
ពិព័រណ៍នេះមានរូបថតសិល្បៈជិត ៥០ ផ្ទាំងដែលបង្ហាញពីភាពចម្រុះនៃវប្បធម៌កម្ពុជាតាមរយៈបេតិកភ័ណ្ឌវប្បធម៌រូបីយ៍និងអរូបីយ៍ ក៏ដូចជាអំពីសម្រស់ធម្មជាតិនិងភាពកក់ក្តៅរបស់ប្រជាជនកម្ពុជាជូនដល់ប្រជាជនវៀតណាម។ លក្ខណៈវប្បធម៌ទាំងនេះបានធ្វើឱ្យប្រទេសកម្ពុជាកាន់តែល្បីល្បាញនៅលើពិភពលោកដោយចាត់ទុកថាជា“ ព្រះរាជាណាចក្រនៃវប្បធម៌” ដូចជា៖ ប្រាសាទអង្គរវត្ត ប្រាសាទព្រះវិហារ ប្រាសាទសំបូរព្រៃគុក របាំខ្មែរជាដើម ដែលត្រូវបានយូណេស្កូទទួលស្គាល់ក្នុងបញ្ជីបេតិកភណ្ឌវប្បធម៌ពិភពលោកនិងបេតិកភណ្ឌវប្បធម៌ជាតិដ៏ល្បីល្បាញជាច្រើនទៀតរបស់កម្ពុជាផងដែរ។
ការតាំងពិព័រណ៍នេះត្រូវបានបើករហូតដល់ថ្ងៃទី ២២ ខែវិច្ឆិកា (រូបថត៖www.sggp.org.vn)
គួរបញ្ជាក់ថាការតាំងពិព័រណ៍លើកនេះគឺជាឱកាសដ៏ល្អសម្រាប់ប្រជាជនវៀតណាមដើម្បីស្វែងយល់បន្ថែមអំពីវប្បធម៌ ប្រជាជននិងប្រទេសកម្ពុជា ព្រមទាំងជាឱកាសដើម្បីចែករំលែកចំណេះដឹងនិងរឹតបន្តឹងទំនាក់ទំនងរវាងប្រជាជនវៀត ណាមនិងកម្ពុជា។ ការតាំងពិព័រណ៍នេះត្រូវបានបើករហូតដល់ថ្ងៃទី ២២ ខែវិច្ឆិកាផងដែរ៕
(ប្រភព៖ www.sggp.org.vn បកប្រែដោយ ហេង វុធ្ធី)
មតិពីមិត្តអ្នកអាន