យុគសម័យ- នារសៀលថ្ងៃទី ១២ ខែមីនា នៅទីក្រុង Ha Noi បណ្ឌិតសភាការពារជាតិ បានរៀបចំពិធីបិទវគ្គបណ្តុះបណ្តាលរយៈពេលខ្លី បញ្ជាការ-សេនាធិការ ថ្នាក់យុទ្ធនាការ-យុទ្ធសាស្ត្រសម្រាប់នាយទាហាននៃកងទ័ពប្រជាជនឡាវនិងវគ្គបណ្តុះបណ្តាលរយៈពេលខ្លី បញ្ជាការ-សេនាធិការថ្នាក់យុទ្ធនាការ-យុទ្ធសាស្ត្រសម្រាប់នាយទាហាននៃកងយោធពលខេមរភូមិន្ទ ជំនាន់ទី ១៨ ។
ថ្នាក់ដឹកនាំនៃបណ្ឌិតសភាការពារជាតិថតរូបជាមួយសិក្ខាកាមនៃកងទ័ពប្រជាជនឡាវ។
ក្នុងអំឡុងពេលសិក្សាស្រាវជ្រាវ នៅបណ្ឌិតសភាការពារជាតិ សិក្ខាកាមនៃកងទ័ពប្រជាជនឡាវនិងកងយោធពលខេមរភូមិន្ទបានសិក្សាស្រាវជ្រាវអំពីស្ថានភាពពិភពលោកនិងក្នុងតំបន់ដែលប៉ះពាល់ដល់កិច្ចការពារជាតិ - សន្តិសុខនៅដើមសតវត្សរ៍ទី ២១ រួមទាំងយុទ្ធសាស្ត្ររបស់ប្រទេសមហាអំណាចមួយចំនួន ដែលទាក់ទងនឹងសន្តិសុខ - ការពារជាតិក្នុងតំបន់ បញ្ហាសន្តិសុខមិនមែនប្រពៃណីហើយផលប៉ះពាល់នៃសាកលភាវូបនីយកម្ម ការធ្វើសមាហរណកម្ម សេដ្ឋកិច្ចអន្តរជាតិលើវិស័យការពារជាតិ-យោធា... ទន្ទឹមនឹងនោះសិក្ខាកាមទាំងអស់បានទៅទស្សនកិច្ចសិក្សានៅអង្គភាពកងទ័ព និងមូលដ្ឋានមួយចំនួន; សិក្សាស្រាវជ្រាវសិល្បវិធីយោធាយោធានិងការងារសេនាធិការថ្នាក់យុទ្ធនាការ-យុទ្ធសាស្រ្ត; ការអនុវត្តលំហាត់នៃការកសាងការប្តេជ្ញាចិត្តការពារទប់ទល់នៅលើទិសយុទ្ធសាស្ត្រមួយ នៅក្នុងភូមិសាស្ត្រនៃប្រទេសឡាវនិងប្រទេសកម្ពុជា; ចំណងសាមគ្គីភាពប្រពៃណីវៀតណាម - ឡាវ - កម្ពុជា;បទពិសោធន៍នៃ “សង្គ្រាមប្រជាជន”ក្នុងការការពារប្រទេសជាតិប្រពៃណីនៃការកសាង ការពារប្រទេសជាតិ និងគំនិតយោធារបស់វៀតណាម។
ថ្នាក់ដឹកនាំនៃបណ្ឌិតសភាការពារជាតិថតរូបជាមួយសិក្ខាកាមនៃកងយោធពលខេមរភូមិន្ទ។
សិក្ខាកាមនឹងអនុវត្តន៍ ចំណេះដឹងដែលបានរៀននិងស្រាវជ្រាវនៅបណ្ឌិតយសភាការពារជាតិវៀតណាម ដើម្បីកសាងកងទ័ពប្រជាជនឡាវ និងកងទ័ពប្រជាជនកម្ពុជាឱ្យកាន់តែរឹងមាំ។ ព្រមទាំង ចូលរួមវិភាគទានវិជ្ជមានដល់ កងយោធពលខេមរភូមិន្ទ ព្រមទាំងរួមចំណែកក្នុងការពង្រឹងនិងពង្រីកទំនាក់ទំនងសាមគ្គីភាពវៀតណាម - ឡាវ - កម្ពុជា./.
（បកប្រែដោយឌីណា）
មតិពីមិត្តអ្នកអាន