យុគសម័យ - នារសៀលថ្ងៃទី ១៦ ខែសីហា បានប្រព្រឹត្តទៅជំនួបប្រាស្រ័យទាក់ទងរវាងស្ថានទូតវៀតណាមនិងស្ថានទូតឡាវប្រចាំនៅនៅទីក្រុងប៉េកាំង ប្រទេសចិន។
ឯកអគ្គរដ្ឋទូតវៀតណាមប្រចាំនៅចិន លោក Dang Minh Khoi (រូបថត៖ vov.vn)
ថ្លែងក្នុងពិធីនេះ ឯកអគ្គរដ្ឋទូតវៀតណាមប្រចាំនៅចិន លោក Dang Minh Khoi បានរំលឹកឡើងវិញនូវមនោសញ្ចេតនាដ៏ជ្រាលជ្រៅក្នុងទំនាក់ទំនងរវាងប្រទេសទាំងពីរចាប់តាំងពីបដិវត្តខែសីហាឆ្នាំ ១៩៤៥ រហូតមកដល់បច្ចុប្បន្ន។ លោកឯកអគ្គរដ្ឋទូត Dang Minh Khoi បានសង្កត់ធ្ងន់ថា ស្ថានទូតវៀតណាមនិងឡាវប្រចាំនៅទីក្រុងប៉េកាំង បានទទួលមរតកប្រពៃណីដ៏ល្អប្រពៃពីបក្ស រដ្ឋ និងប្រជាជននៃប្រទេសទាំងពីរ ហើយប្រទេសទាំងពីរក៏រួមសហការនិងជួយគ្នាទៅវិញទៅមកក្នុងកិច្ចការបរទេសទ្វេភាគី ក្នុងក្របខ័ណ្ឌអាស៊ាន ក៏ដូចជាសកម្មភាពពហុភាគីដទៃទៀតនៅក្នុងតំបន់ផងដែរ។
ឯកអគ្គរដ្ឋទូតឡាវប្រចាំនៅចិន លោកស្រី Vandy Bouthasavong (រូបថត៖ vov.vn)
ឯកអគ្គរដ្ឋទូតឡាវប្រចាំនៅចិន លោកស្រី Vandy Bouthasavong បានវាយតម្លៃខ្ពស់ ចំពោះសារៈសំខាន់ជាប្រវត្តិសាស្ត្រនៃបដិវត្តខែសីហាឆ្នាំ ១៩៤៥ សម្រាប់ការរំដោះប្រទេសជាតិរបស់ប្រជាជនវៀតណាម។ លោកស្រីក៏បានសម្តែងនូវជំនឿទុកចិត្តថាក្រោមការដឹកនាំរបស់បក្សកុម្មុយនិស្តវៀតណាម ប្រជាជនវៀតណាមនឹងបន្តទទួលបានសមិទ្ធិកាន់តែធំធេងថែមទៀតក្នុងការកសាងប្រទេសជាតិផងដែរ៕
（យោងតាម vov.vn បកប្រែដោយ ហេង វុធ្ធី）
មតិពីមិត្តអ្នកអាន