យុគសម័យ - នារសៀលថ្ងៃទី ៤ ខែកុម្ភៈ នៅវិមានរដ្ឋសភា (រដ្ឋសភា) ប្រធានរដ្ឋសភាវៀតណាម លោកស្រី Nguyen Thi Kim Ngan បានទទួលជួបឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវ ប្រចាំនៅប្រទេសវៀតណាម លោក Sengphet Houngboungnuang ក្នុងឱកាសមកសម្តែងការគួរសម ។
ប្រធានរដ្ឋសភា លោកស្រី Nguyen Thi Kim Ngan បានទទួលជួប លោកឯកអគ្គរដ្ឋទូតឡាវ ប្រចាំនៅប្រទេសវៀតណាម Sengphet Houngboungnuang។ (រូបថត៖ ទីភ្នាក់ងារសារព័ត៌វៀតណាម)
លោកស្រីប្រធានរដ្ឋសភា បានសង្កត់ធ្ងន់ថា ឆ្នាំ ២០២០ គឺជាឆ្នាំសំខាន់សម្រាប់ប្រទេសទាំងពីរ។ ភាគីទាំងពីរនឹងបានរៀបចំសន្និសិទបក្សគ្រប់ថ្នាក់ប្រកបដោយបន្ទាន់ ដើម្បីឆ្ពោះទៅកាន់រៀបចំមហាសន្និបាតនៃគណបក្សបដិវត្តប្រជាជនឡាវលើកទី ១១ និងមហាសន្និបាតនៃគណបក្សកុម្មុយនិស្តវៀតណាមលើកទី ១៣ ថែមទាំង ត្រៀមខ្លួនសម្រាប់ការបោះឆ្នោតជ្រើសតាំងសមាជិករដ្ឋសភា ផងដែរ។ ដូច្នេះ នឹងមានសកម្មភាពសហប្រតិបត្តិការសំខាន់ៗ ជាច្រើនរវាងបក្សទាំងពីរនិងប្រទេសទាំងពីរនឹងធ្វើឡើង។
យោងតាមលោកស្រីប្រធានរដ្ឋសភា ក្នុងឆ្នាំ ២០២០ ក្រៅពីការផ្លាស់ប្តូរគណៈប្រតិភូជាន់ខ្ពស់ គ្រប់ជាន់ថ្នាក់ និងភាគីទាំងពីរបានពង្រឹងកិច្ចសហប្រតិបត្តិការ ដើម្បីចែករំលែកបទពិសោធន៍និតិបញ្ញត្តិ រៀបចំសិក្ខសាលានានា ជំរុញកិច្ចសហប្រតិបត្តិការរវាងបណ្តាតំបន់នៃនៃប្រទេសទាំងពីរ។
រីឯលោក ឯកអគ្គរដ្ឋទូតឡាវ Sengphet Houngboungnuang វិញ បានថ្លែងអំណរគុណចំពោះប្រធានរដ្ឋសភា លោកស្រី Nguyen Thi Kim Ngan ដែលបានទុកពេលវេលាសម្រាប់ជំនួបនេះ។ លោកឯកអគ្គរដ្ឋទូតឡវបានបញ្ជាក់ថា លោកនឹងប្រឹងប្រែងឱ្យអស់ពីសមត្ថភាព ដើម្បីនាំចំណងមិត្តភាព សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរឱ្យទទួលបានផ្លែផ្កាកាន់តែច្រើន៕
(បកប្រែដោយឌីណា)
មតិពីមិត្តអ្នកអាន