យុគសម័យ - កាលពីថ្ងៃទី ១៣ ខែមីនា រដ្ឋាភិបាលជប៉ុនបានផ្តល់ថវិកាចំនួន ៣,៩ លានដុល្លារដល់គណៈកម្មការទន្លេមេគង្គ (MRC) ដើម្បីលើកកម្ពស់ការព្យាករណ៍និងការត្រួតពិនិត្យទឹកជំនន់និងគ្រោះរាំងស្ងួតនៅក្នុងតំបន់។
លោក An Pich Hatda និង ឯកអគ្គរាជទូតជប៉ុនប្រចាំនៅប្រទេសឡាវលោក Keizo Takewaka ក្នុងពិធីចុះហត្ថលេខា។ (រូបថត៖ Pham Kien/ VN+)
ជំនួយចំនួន ៣,៩ លានដុល្លារអាមេរិកត្រូវបានប្រកាសក្នុងពិធីចុះហត្ថលេខារវាងនាយកប្រតិបត្តិ MRC លោក An Pich Hatda និងឯកអគ្គរាជទូតជប៉ុនប្រចាំនៅប្រទេសឡាវលោក Keizo Takewaka ដែលពិធីចុះហត្ថលេខានេះបានធ្វើឡើងនៅទីស្នាក់ការលេខាធិការដ្ឋាន MRC នៅទីក្រុងវៀងចន្ទន៍ (ប្រទេសឡាវ) ។
អាស្រ័យហេតុនេះការគាំទ្រនេះត្រូវបានប្រើដើម្បីធ្វើឱ្យមជ្ឈមណ្ឌលគ្រប់គ្រងគ្រោះរាំងស្ងួតនិងទឹកជំនន់របស់ MRC ក្នុងរាជធានីភ្នំពេញក្លាយជាមជ្ឈមណ្ឌលដ៏ល្អបំផុតក្នុងការព្យាករណ៍ឱ្យបានលឿននិងត្រឹមត្រូវអំពីទឹកជំនន់និងគ្រោះរាំងស្ងួត សម្រាប់ប្រទេសនៅទន្លេមេគង្គក្រោមដូចជាប្រទេសកម្ពុជា ឡាវ ថៃ និងវៀតណាម។
រដ្ឋាភិបាលជប៉ុនគឺជាដៃគូអភិវឌ្ឍន៍យូរអង្វែងរបស់ MRC ។ ចាប់តាំងពីឆ្នាំ ២០០១ ប្រទេសជប៉ុនបានផ្តល់ថវិកាជាង ១៨ លានដុល្លារអាមេរិកដើម្បីគាំទ្រគម្រោងមួយចំនួន រួមមានគម្រោងលើការគ្រប់គ្រងទឹកជំនន់និងគ្រោះរាំងស្ងួត ប្រព័ន្ធធារាសាស្ត្រការ ប្រែប្រួលអាកាសធាតុ និងការគ្រប់គ្រងបរិស្ថាន៕
（ប្រែសម្រូលដោយវិច្ឆិកា）
（ប្រភពព័ត៌មាន: baoquocte）
មតិពីមិត្តអ្នកអាន