យុគសម័យ - នាព្រឹកថ្ងៃទី ២០ ឧសភា តំណាងស្ថាប័ននិតិបញ្ញត្តិ កម្ពុជាបានរៀបចំពិធីទទួល អំណោយជាម៉ាស់ការពារប្រឆាំងនឹងជំងឺរាតត្បាតកូវីដ១៩ចំនួន ៣០.០០០ ម៉ាស់ពីរដ្ឋសភា វៀតណាមជូនរដ្ឋសភានិងព្រឹទ្ធសភាកម្ពុជា។
លោកឯកអគ្គរដ្ឋទូត Vu Quang Minh អញ្ជើញជំនួសមុខប្រធានរដ្ឋសភាវៀតណាមលោកស្រី Nguyen Thi Kim Ngan បានប្រគល់អំណោយដូចពោលខាងលើនេះជូនដល់តំណាង រដ្ឋសភានិងព្រឹទ្ធសភាកម្ពុជា
ពិធីទទួលនិងប្រគល់ម៉ាសដែលជាជំនួយរបស់រដ្ឋសភាវៀតណាមនេះបានប្រារព្ធធ្វើនៅព្រឹកថ្ងៃទី២០ ខែឧសភា ឆ្នាំ២០២០ នៅវិមានរដ្ឋសភា ដោយមានការចូលរួមពីលោក ឡេង ប៉េងឡុង អគ្គលេខាធិការរដ្ឋសភាលោក ឡោក ឆាយ អគ្គលេខាធិការរង ព្រឹទ្ធសភា និងលោក Vu Quang Minh ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមប្រចាំនៅព្រះរាជាណាចក្រកម្ពុជា។ ពិធីនេះ មានការចូលរួមជាសាក្សីពី គណ:កម្មការសុខាភិបាល សង្គមកិច្ចអតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវ: និងកិច្ចការនារីនៃរដ្ឋសភា ដឹកនាំដោយ លោកស្រី ឡោក ខេង ប្រធានគណៈកម្មការផងដែរ។ លោក ឡេង ប៉េងឡុង ក្នុងនាមថ្នាក់ដឹកនាំរដ្ឋសភានិងព្រឹទ្ធសភាកម្ពុជា បានថ្លែងអំណរគុណយ៉ាងជ្រាលជ្រៅចំពោះរដ្ឋសភាវៀតណាម ដែលផ្តល់អំណោយម៉ាសនាពេលនេះដល់សភាកម្ពុជា។
លោកឯកអគ្គរដ្ឋទូត Vu Quang Minh អញ្ជើញជំនួសមុខប្រធានរដ្ឋសភាវៀតណាមលោកស្រី Nguyen Thi Kim Ngan បានប្រគល់អំណោយដូចពោលខាងលើនេះជូនដល់តំណាង រដ្ឋសភានិងព្រឹទ្ធសភាកម្ពុជា
អំណោយនេះពិតជាបានជួយបំពេញនូវតម្រូវការខាងមធ្យោបាយប្រយុទ្ធទល់នឹងការរីករាលដាលនៃជំងឺកូវីដ១៩ ដ៏កាចសាហាវនោះ។លោកអគ្គលេខាធិការ បានគូសបញ្ជាក់ថា អំណោយនេះពិតមែនតែមិនមានចំនួនច្រើន ប៉ុន្តែវាតំណាងឲ្យមនោសញ្ចេតនាមិត្តភាព សាមគ្គីភាពរវាងប្រជាជាតិយើងទំាងពីរ កម្ពុជា-វៀតណាម។ អំណោយនេះគឺជាសក្ខីភាពថ្មីមួយ ទៀតក្នុងចំណោមកាយវិការដ៏ច្រើនក្នុងរយៈពេលកន្លងមក ដែលប្រជាជាតិទំាងពីរបាន បណ្តុះបណ្តាលកសាង និង ពង្រឹងឥតឈប់ឈរ នូវទំនាក់ទំនងមិត្តភាពសាមគ្គីភាព ការជួយគ្នាទៅវិញទៅមក ដែលសម្បតិ្តរួមដ៏ថ្លៃថ្លារបស់ប្រជាជាតិយើង ហើយ ដែលជាមូលដ្ឋានគ្រឹះបម្រើឲ្យ ការរស់នៅជាអ្នកជិតខាងល្អប្រកបដោយសុខសន្តិភាពនឹងការរីកចម្រើននៃប្រទេសទំាងពីរ។
លោក Vu Quang Minh ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមប្រចាំនៅព្រះរាជាណាចក្រកម្ពុជា
លោកឯកអគ្គរដ្ឋទូត Vu Quang Minh អញ្ជើញជំនួសមុខប្រធានរដ្ឋសភាវៀតណាមលោកស្រី Nguyen Thi Kim Ngan បានប្រគល់អំណោយដូចពោលខាងលើនេះជូនដល់តំណាង រដ្ឋសភានិងព្រឹទ្ធសភាកម្ពុជា។ លោកឯកអគ្គរដ្ឋទូតបានបញ្ជាក់ថាកិច្ចសហប្រតិបត្តិការ ជិតស្និទ្ធរវាងស្ថាប័ននិតិបញ្ញត្តិនៃប្រទេសទាំងពីរតាមរយៈកិច្ចសហប្រតិបត្តិការទ្វេភាគីនិងពហុភាគីនៅក្នុងវេទិកាតំបន់និងអន្តរជាតិដូចជា IPU, APPF, AIPA ជាដើម បានចូលរួមចំណែក យ៉ាងធំធេងក្នុងការរក្សាសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍរបស់ប្រជាជន នៃប្រទេសនានាក្នុងតំបន់និងជុំវិញពិភពលោក។ លោកឯកអគ្គរដ្ឋទូត Vu Quang Minh បានបន្ថែមទៀតថាអំណោយដ៏រាបទាបនេះតំណាងឱ្យដួងចិត្តដ៏ស្មោះត្រង់របស់រដ្ឋសភានិងប្រជាជន វៀតណាមដើម្បីចែករំលែកការលំបាកជាមួយប្រជាជនកម្ពុជាក្នុងការប្ការនិងប្រយុទ្ធប្រឆាំងនឹងបញ្ហាប្រឈមដ៏ធំធេងដែលបង្កឡើងដោយជំងឺកូវីឌ១៩នេះផងដែរ។
ទិដ្ឋភាពនៃពិធីនេះ
គួរជម្រាបថាក្នុងបរិបទដែលការរីករាលដាលនៃជំងឺកូវីឌ១៩បន្តជះឥទ្ធិពលអវិជ្ជមានដល់ការអភិវឌ្ឍន៍និងបង្កឱ្យមានការបាត់ បង់អាយុជីវិតមនុស្សនៅទូទាំងពិភពលោកច្រើនជាងពេលណាៗទាំងអស់ប្រទេសទាំងអស់ត្រូវរួបរួមគ្នានិងសាមគ្គីគ្នាដើម្បីប្រយុទ្ធប្រឆាំងនឹងជំងឺឆ្លងដ៏កាចសាហាវនេះតែម្តង៕
(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន