Trending now

ប្រគល់ថវិកាជំនួយពីរដ្ឋាភិបាលវៀតណាមជូនប្រទេសកម្ពុជា

10:15 | 27/09/2020

នៅថ្ងៃទី ២៥ ខែកញ្ញា នៅច្រកទ្វារព្រំដែនអន្តរជាតិ Moc Bai ខេត្ត Tay Ninh បញ្ជាការដ្ឋានយោធភូមិភាគទី ៧ នៃកងទ័ពប្រជាជនវៀតណាម បានរៀបចំពិធីប្រគល់ថវិកាជំនួយឆ្នាំ ២០២០ របស់រដ្ឋាភិបាលវៀតណាមសម្រាប់កិច្ចសហប្រតិបត្តិការស្វែងរក និងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញការវៀតណាមដែលបានពលីជីវិតនៅប្រទេសកម្ពុជាក្នុងសម័យសង្រ្គាម ជូនយោធភូមិភាគទី២, ទី៤, ទី៥ និងខេត្ត ក្រុងចំនួន​១១ នៃព្រះរាជាណាចក្រកម្ពុជា។

តំណាងថ្នាក់ដឹកនាំយោធភូមិភាគទី ៧ ប្រគល់ប្រាក់ជំនួយ​ជានិមិត្តរូបជូន​អង្គភាពកម្ពុជា

ក្រោយរយៈពេល ១៩ ឆ្នាំ ក្រុមជំនាញស្វែងរកនិងប្រមូលអដ្ឋិធាតុយុទ្ធជនពលីនៃយោធភូមិភាគទី ៧ កងទ័ពប្រជាជនវៀតណាមបានស្វែងរក ជីកគាស់ ប្រមូល និងធ្វើមាតិភូមិនិវត្តន៍អដ្ឋិធាតុយុទ្ធជនចំនួន ៩,៩៤២ អដ្ឋិធាតុ។ ថ្នាក់ដឹកនាំនៃយោធភូមិភាគទី ៧ បានថ្លែងអំណរគុណយ៉ាងជ្រាលជ្រៅចំពោះអាជ្ញាធរមូលដ្ឋានគ្រប់លំដាប់ថ្នាក់ និងបណ្ដាយោធភូមិភាគ នៃកងយោធពលខេមរភូមិន្ទដែលបានបង្កលក្ខណៈងាយស្រួលចំពោះក្រុមជំនាញនៃយោធភូមិភាគ ៧ ក្នុងការបំពេញភារកិច្ចរបស់ខ្លួន។ តាមការគ្រោង ក្រោយការរាតត្បាត Covid-19 ត្រូវបានគ្រប់គ្រង ហើយបានការអនុញ្ញាតពីគណៈកម្មការជំនាញនៃរដ្ឋាភិបាលទាំង ២ នោះ យោធភូមិភាគទី ៧ នឹងបន្តបញ្ជូនក្រុមស្វែងរកនិងប្រមូលអធ្ឋិធាតុយុទ្ធជនពលីវៀតណាមទៅកម្ពុជាដើម្បីបន្តអនុវត្តបេសកកម្មរបស់ខ្លួន៕

(ប្រភពព័ត៌មាន: kh.qdnd.vn)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់