បណ្តាប្រទេសសមាជិកអាស៊ានពង្រឹងកិច្ចសហប្រតិបត្តិការការពារជាតិយ៉ាងជាក់ស្តែងនៅឆ្នាំ ២០២០

នាយឧត្តសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាម (ស្ដាំ) ទទួលតំណែងជាប្រធាន ADMM និង ADMM + (រូបថត៖ vov.vn)

ដោយប្រព្រឹត្តទៅចាប់ពីថ្ងៃទី ១៨ ដល់ ២០ ខែកុម្ភៈ នៅទីក្រុងហាណូយ កិច្ចប្រជុំចង្អៀតរដ្ឋមន្រ្តីការពារជាតិអាស៊ាន (ADMM ចង្អៀត) គឺជាសកម្មភាពយោធាការពារជាតិដ៏សំខាន់មួយរបស់អាស៊ានដែលធ្វើឡើងដោយក្រសួងការពារប្រទេសវៀតណាមក្នុងនាមជាប្រធានអាស៊ានឆ្នាំ ២០២០ ។

បញ្ជាក់ពីតួនាទីរបស់អាស៊ានក្នុងនិម្មាបនកម្មសន្តិសុខក្នុងតំបន់ឆ្នាំ ២០២០ ក្រសួងការពារប្រទេសវៀតណាម នឹងរៀបចំសន្និសីទនិងសកម្មភាពការពារជាតិ-យោធាជាង ២០ របស់អាស៊ាន។ យោងតាមលោកឧត្តមសេនីយ៍ឯក Nguyen Chi Vinh អនុរដ្ឋមន្រ្តីក្រសួងការពារប្រទេសវៀតណាម បានឲ្យដឹងថា អាទិភាពសម្រាប់អាស៊ាន ២០២០ ត្រូវបានកំណត់រួមមាន៖ ជំរុញកិច្ចសន្ទនាកិច្ចសហប្រតិបត្តិការការពារជាតិកិច្ចសហប្រតិបត្តិការយោធានៅក្នុងអាស៊ាន និងរវាងអាស៊ាននិងបណ្តាប្រទេសដៃគូ ព្រមទាំងជំរុញការដោះស្រាយបញ្ហាសន្តិសុខ ទាំងបញ្ហាសន្តិសុខប្រពៃណីនិងមិនមែនប្រពៃណី ក៏ដូចជាបទឧក្រិដ្ឋឆ្លងដែននិងបញ្ហានៅសមុទ្រ និងសិក្សាស្រាវជ្រាវបង្កើតឡើងមជ្ឈមណ្ឌលលើកកំពស់សមត្ថភាពរក្សាសន្តិភាព/អង្គការសហប្រជាជាតិជាដើម ។

ក្រសួងការពារប្រទេសវៀតណាមនឹងបន្តអនុវត្តគំនិតផ្តួចផ្តើមរបស់បណ្តាប្រទេសដែលធ្លាប់ជាប្រធានអាស៊ានអាណត្តិមុនៗ ក៏ដូចជាផ្តល់អាទិភាពលើកកម្ពស់ និងពង្រឹងសាមគ្គីភាពក្នុងអាស៊ាន ព្រមទាំងធ្វើឲ្យកាន់តែស៊ីជម្រៅនូវទំនាក់ទំនងរវាងអាស៊ាននិងដៃគូនានាដើម្បីបម្រើផលប្រយោជន៍រួមរបស់អាស៊ានដោយឈរលើស្មារតីនៃជោគជ័យនៃឆ្នាំអាស៊ាន ២០២០ នៅវៀតណាមនឹងក្លាយជាជោគជ័យរួមរបស់អាស៊ានផងដែរ។

គេរំពឹងថានឹងមានសេចក្តីថ្លែងការណ៍នៃកិច្ចប្រជុំរដ្ឋមន្រ្តីការពារជាតិអាស៊ាន ។ គេរំពឹងថានឹងមានសេចក្តីថ្លែងការណ៍នៃកិច្ចប្រជុំរដ្ឋមន្ត្រីការពារជាតិអាស៊ាន (ADMM) ស្តីពីកិច្ចសហប្រតិបត្តិការដើម្បីអាស៊ានតភ្ជាប់និងបន្សាំដោយម្ចាស់ការ ព្រមទាំងសេចក្តីថ្លែងការនៃកិច្ចប្រជុំ​ ADMM+ ស្តីពីចក្ខុវិស័យយុទ្ធសាស្ត្រសន្តិសុខអាស៊ី - ប៉ាស៊ីហ្វិកដោយបញ្ជាក់ជាថ្មីម្តងទៀតនូវតួនាទីស្នូលរបស់អាស៊ានក្នុងនិម្មាបនកម្មសន្តិសុខតំបន់ ផងដែរ។ ទាំងនេះគឺជាឯកសារដែលឆ្លុះបញ្ចាំងពីសេចក្តីប្រាថ្នារបស់បណ្តាប្រទេសក្នុងតំបន់ដើម្បីរួមគ្នាកសាងអាស៊ី - ប៉ាស៊ីហ្វិកឱ្យឈានទៅជាតំបន់សន្តិភាព ស្ថិរភាពនិងកិច្ចសហប្រតិបត្តិការ ដើម្បីការអភិវឌ្ឍន៍ ភាពសម្បូររុងរឿងនិងសុភមង្គលរបស់ប្រជាជន។

ដោះស្រាយបញ្ហាប្រឈមនានាពីការរីករាលដាលវីរុស Covid-19

ក្នុងបរិបទដែលការរីករាលដាលវីរុស Covid-19 មានការវិវឌ្ឍន៍យ៉ាងស្មុគស្មាញជាច្រើនដែលបង្កផលប៉ះពាល់យ៉ាងធ្ងន់ធ្ងរដល់បណ្តាប្រទេសអាស៊ាន។ វៀតណាមបានស្នើឱ្យរៀបចំសមយុទ្ធដើម្បីទប់ទល់នឹងស្ថានភាពឆ្លើយតបនឹងការរីករាលដាលយ៉ាងរាលដាលវីរុសដ៏កាចសាហាវនេះក្នុងរយៈពេលលឿនបំផុតនាពេលខាងមុខ។ ទន្ទឹមនឹងនេះលើកទឹកចិត្តប្រទេសប្រ៊ុយណេនិងអូស្រ្តាលីក៏ធ្វើជាសហប្រធានក្រុមជំនាញ ADMM + ស្តីពីវេជ្ជសាស្ត្រយោធា ដើម្បីបញ្ចូលខ្លឹមសារដូចគ្នាក្នុងការឆ្លើយតបទៅនឹងការរីករាលដាលទៅក្នុងស្ថានភាពសមយុទ្ធក្នុងជីវិតជាក់ស្តែងនៃផែនការប្រតិបត្តិការរបស់ក្រុមអ្នកជំនាញដំណាក់កាល ២០២០-២០២៣ ។

វៀតណាមទទួលតួនាទីជាប្រធាន ADMM និង ADMM + ឆ្នាំ២០២០ (រូបថត៖ vnanet)

ឆ្ពោះទៅអាស៊ានមួយប្រកបដោយភាពស្អិតរមួតនិងការឆ្លើយតបយ៉ាងសកម្ម”

ឆ្នាំ ២០២០ ក៏ជាឆ្នាំសំខាន់សម្រាប់អាស៊ាននិងវៀតណាមផងដែរ។ ឆ្នាំ ២០២០ គឺជាឆ្នាំទី ៥ នៃការបង្កើតសហគមន៍អាស៊ាន។ ជាមួយនឹងការអភិវឌ្ឍជាងកន្លះសតវត្សរ៍របស់អាស៊ាន បណ្តាប្រទេសជាសមាជិកនៅតែរក្សាចំណងសាមគ្គីភាពក្នុងភាពចម្រុះបន្តផ្សារភ្ជាប់គ្នាយ៉ាងជិតស្និទ្ធដោយមានតម្លៃអត្តសញ្ញាណវប្បធម៌ អារម្មណ៍សហគមន៍និងទំនួលខុសត្រូវ ផលប្រយោជន៍នៅក្រោមដំបូលអាស៊ានតែមួយផងដែរ។

ឆ្នាំ ២០២០ ក៏ជាការកត់សម្គាល់រយៈពេល ២៥ ឆ្នាំនៃការដែលវៀតណាមចូលជាសមាជិកក្នុងអាស៊ាន។ ចាប់តាំងពីពេលនោះមក ប្រទេសវៀតណាមបានធ្វើសមាហរណកម្មនិងចូលរួមយ៉ាងស៊ីជម្រៅលើគ្រប់វិស័យនៃកិច្ចសហប្រតិបត្តិការអាស៊ានរួមទាំងវិស័យការពារជាតិនិងសន្តិសុខដែលបានចូលរួមចំណែកយ៉ាងសកម្មក្នុងការរក្សាសាមគ្គីភាពក្នុងតំបន់ ព្រមទាំងបង្កើនកិច្ចសហប្រតិបត្តិការរវាងប្រទេសជាសមាជិកក៏ដូចជារវាងអាស៊ាននិងដៃគូខាងក្រៅ ដោយមានព្រឹត្តិការណ៍សំខាន់មួយគឺជាកិច្ចប្រជុំ ADMM + ដែលបានប្រព្រឹត្តទៅជាលើកដំបូងនៅទីក្រុងហាណូយកាលពីឆ្នាំ ២០១០ ផងដែរ៕

（បកប្រែដោយ ហេង វុធ្ធី）

（បកប្រែដោយ ហេង វុធ្ធី）