នាថ្ងៃទី ៦ ធ្នូ នៅខេត្តមណ្ឌលគីរី តំបន់ប្រតិបត្តិការសឹករងខេត្តមណ្ឌលគីរី និងបញ្ជាការដ្ឋានយោធាខេត្ត Dak Nong បានបើកកិច្ចប្រជុំ លើកទី ៤ ។
ថ្នាក់ដឹកនាំនៃបញ្ជាការដ្ឋានយោធាខេត្ត Dak Nong និងតំបន់ប្រតិបត្តិការសឹករងខេត្តមណ្ឌលគីរីចុះហត្ថលេខាលើអនុស្សរណៈនៃកិច្ចសហប្រតិបត្តិការ (រូបថត៖ vnanet.vn)
នៅក្នុងកិច្ចប្រជុំ ប្រតិភូទាំងឡាយបានផ្តោតលើការវាយតម្លៃលទ្ធផលនៃកិច្ចសហប្រតិបត្តិការក្នុងឆ្នាំ ២០១៩ លើកិច្ចសហប្រតិបត្តិការមួយចំនួនដូចជា ការផ្លាស់ប្តូរព័ត៌មាន ការគ្រប់គ្រងព្រំដែន ការងារខ័ណ្ឌសីមា និងបោះបង្គោលព្រំដែន ការចុះសួរសុខទុក្ខ និងជួយគាំទ្រកងកម្លាំងប្រដាប់អាវុធ និងប្រជាជននៃខេត្តទាំងពីរ។ ប្រតិភូមកពីខេត្តទាំងពីរបានឯកភាពគ្នាថា ការជួបប្រជុំគ្នារវាងកងកម្លាំងប្រដាប់អាវុធនៃភាគីទាំងពីរត្រូវបានរៀបចំឡើងជាប្រចាំនេះបានរួមចំណែកក្នុងការបង្កើនទំនាក់ទំនងសាមគ្គីភាព និងមិត្តភាពជាប្រពៃណីរបស់ប្រជាជននៃប្រទេសទាំងពីរវៀតណាម និងកម្ពុជា ក៏ដូចជារួមចំណែកក្នុងការរក្សាអធិបតេយ្យភាព និងសន្តិសុខព្រំដែនជាតិ។
បញ្ជាការដ្ឋានយោធាខេត្ត Dak Nong និងតំបន់ប្រតិបត្តិការសឹករងខេត្តមណ្ឌលគីរីក៏បានពិភាក្សា និងឯកភាពគ្នាចុះហត្ថលេខាលើអនុស្សរណៈនៃការយោគយល់គ្នា លើកទី ៤ ផងដែរ។ នេះបើយោងតាមអនុស្សរណៈនោះ អង្គភាពទាំងពីរនឹងបន្តអប់រំផ្សព្វផ្សាយដល់ប្រជាជន និងកងកម្លាំងប្រដាប់អាវុធនៃខេត្តទាំងពីរឲ្យមានចំណេះដឹងអំពីគោលនយោបាយសហប្រតិបត្តិការ ទំនាក់ទំនងសាមគ្គីភាព មិត្តភាព និងការជួយគាំទ្រគ្នាទៅវិញទៅមករវាងប្រជាជននៃប្រទេសទាំងពីរ និងកងកម្លាំងទាំងពីរ ដោយចាត់ទុកនេះជាកត្តាសំខាន់ដែលរួមចំណែកក្នុងការរក្សា និងបង្កើនទំនាក់ទំនងរវាងប្រទសទាំងពីរវៀតណាម និងកម្ពុជានិយាយរួម និងរវាងខេត្ត DaK Nong និងខេត្តមណ្ឌលគីរីនិយាយដោយឡែកឲ្យកាន់តែររីកច្រើនខ្លាំងក្លាថែមទៀត៕
(ប្រភព៖ kh.qdnd.vn - សរុបដោយ ហេង វុធ្ធី)
មតិពីមិត្តអ្នកអាន