នាព្រឹក ថ្ងៃទី២៥ ខែឧសភា ឆ្នាំ២០២០ នៅច្រកព្រំដែនអន្តរជាតិ ម៉ុកបាយ បានប្រព្រឹត្តឡើងពិធីប្រគល់-ទទួលអំណោយពីបញ្ជាការដ្ឋានយោធាខេត្ត ប៉ិញយឿង ផ្តល់ជូនតំបន់ប្រតិបត្តិការសឹករងខេត្តកំពង់ធំនិងតំបន់ប្រតិបត្តិការសឹករង ខេត្តកំពង់ចាមសំរាប់បង្ការនិងប្រឆាំងជំងឺកូវីដ១៩។
បញ្ជាការដ្ឋានយោធាខេត្ត Binh Duong (ប្រទេសវៀតណាម) ប្រគល់សំភារៈបរិក្ខារពេទ្យជូនខេត្តកំពង់ចាម និងខេត្តកំពង់ធំ។ (ប្រភព៖ អគ្គនាយកដ្ឋានអន្តោប្រវេសន៍កម្ពុជា)
អញ្ជើញមកចូលរួមពិធីនេះភាគីកម្ពុជាមានវត្តមានរបស់ លោក វរសេនីយ៍ឯក ហេង ជា មេបញ្ជាការរង តំបន់ប្រតិបត្តិការសឹករងខេត្តកំពង់ធំ និងលោក វរសេនីយ៍ឯក ជុំ ពៅ មេបញ្ជាការរង តំបន់ប្រតិបត្តិការសឹករង ខេត្តកំពង់ចាម។អំណោយដែលជាឧបករណ៍បរិក្ខារពេទ្យលើកនេះរួមមាន ម៉ាស់វេជ្ជសាស្ត្រចំនួន ១០.០០០ម៉ាស់, ជែលលាងដៃ Clenwel New ៨៨៤ដប, ថ្នាំពពុះសំលាប់មេរោគចំនួន៥.៧៦០គ្រាប់, ម៉ាស៊ីនវាស់កំដៅចំនួន ០៧គ្រឿង, សំលៀកបំពាក់សុវត្ថិភាពពេទ្យ ១៨០កំភ្លេ, ម៉ាស៊ីនបាញ់ថ្នាំសំលាប់មេរោគ ០៤គ្រឿង៕
（សរុបដោយវិច្ឆិកា）
（ប្រភពព័ត៌មាន: អគ្គនាយកដ្ឋានអន្តោប្រវេសន៍កម្ពុជា）
មតិពីមិត្តអ្នកអាន